حروف متناثرة ارهقهاا الزمان

[محمد بن موسى]

ياشينها ونا جت من انسان تغليه
تبي غلاه وصعب ترضي مزاجه

.
.

[محمد بن موسى]

اليوم هذا .. غير ..عن كل .. الايام=يومً .. يزلل .. خافقي من .. محله
بأسباب علمً .. تنقله ..كل الاعلام=فيه البلاء .. والبين .. دقه وجلَه
مات الامير الصيرمي نسل الاكرام=وماتت معه .. فرحة وطن .. يبتهلَه
مات الذي .. خيرة ..على كل الآنام=اللي .. تعيش الآف من تحت .. ظله
ابوالفقارى ..والضعافى .. والايتام=يارب .. بأمرك ياغفور .. تغفرله

[محمد بن موسى]

.
.

مـــاعـــاد بـــاقـــي شــــــي يـسـتــاهــل الـــبـــوح=جـــــف الــقــلــم وعـــيـــون الابـــيـــات عــــــورا
حـــتـــى حـــمـــام الــــــورق مــاعــادلــه نــــــوح=ومــاعـــاد يــجـــذب شـوفــتــه فــــــوق ســــــورا
وخصب القصيد اللي نمى داخل الروح=اصــبــح جــفــاف وارضــهــا صـــــار بـــــورا

.
.

[محمد بن موسى]

.
.

ياصاحبي .. لو شفتني / ماتكلمت
ترا خويك .. ماخفته .. المعاااني

انا حشمتك لوعلى صاحبك / لمت
عن كلمةَ .. آخر مداها .. لسااني

لاني من صدوف الليالي / تعلمت
مشنى خويي لو خويي .. شنااني

واصبر ولو جارت علي .. وتألمت
واعز شانه.. قبل لا يعز .. شااني

.
.

[محمد بن موسى]

شف يابحر ماهزنـي غيـر ثنتيـن=فرقـاه.. وميسـم هالـزمـن لاكـوانـي
لـكـن امـانـه يابـحـر احـفـظ الـديــن=لاجـاك ثيـر المـوج لهـفـه عشـانـي
قلـه غيابـك عـن حبيبـك سكاكيـن=ماهو حرام الذبح بإنسان فاني!!

[محمد بن موسى]

آمـــر تــدّلــل دام أنــــا وانــــت حـيـيــن=تفـداك روحــي كــان روحــي تـسـدك
ديــرتـــك قـلــبــي والــشـــوارع شــرايــيــن=تمشي مع الشريان من حيث ودك
مـره تمـشـى داخــل العـيـن يــا عـيـن=ومــــره تــخــش الـفـكــر مــحــدً يـــــردك
ومــره تخـيّـم فالحـشـا بـيــن ضلـعـيـن=وعـلــى غـديــر الـــود تـرشــف بـيّــدك

[محمد بن موسى]

وشفيك تشكي دنيتك ياعسى خير=تشكي الزمان اللي تقاصر مقاسه
يابن الحموله حالتك غير في غير=هذا الزمان أعلن علينا أنتكاسـه
وأسقط علينا جايعات العصافيـر=وقامت تخمشنا يديـن البساسـه
والبعض قام ينير ويغيـر ويديـر=ويامر وينهى والعصا في خماسه
وبن الحموله يكفـخ وده يطيـر=مير الزمن قصقص جناحه وحاسه
وليـت ياوقـت تحـدر تحاديـر=دربا عزيز القوم من فوق راسـه
صار البقر غالي بسوق المطايير=والخيل عوّد يرخص وقل نا سـه
والشين زين وصار بالعقل تحيير=وقامت ترامى بالعيون النجاسـه
وصارت حياة الناس ياناس تنفير=ومليت من كثر الحكي والسياسـه
والحر حر ولو لوتـه المقاديـر=يصبر على مرّ الزمان ابحماسـه
ولو شاف عوجا تنتظره ابحذافير=يقول بـدري ننحنـي ياطفاسـه