بيت مني وبيت منك ..... الهمة يا شباب

[الجوهره....]

الهاء ابشر


هانت همومي في غيابك ولاهنت


غيابك اكــبر هم شفته وجـــاني




الياء لاهنت

[صالح العرجان]

الهاء

اوكيه !

هي البدر حسناً والنساء كواكب
شتّان ما بين الكواكب والبدر


حرف الراء !

[الجوهره....]

الراء أبشر= اوكيه.



رزين عقـل ومـن مزايـا مزايـاك
نفسـك تحـب وعفـتـك تمتطيـهـا

ياعزوة اخوانـك ومطلـب هـذولاك
ناس (ن) محبـة والــدك تدعيـهـا

ناس (ن) تخـدم ابيـك كلـه لعينـاك
وهـو يحسـب ان الله عليـه يهديهـا

ياجعلها تفدى علـى الارض ماطـاك
والله بمـن هــو مثلـهـا يبتليـهـا

لكـن لعـب فـي ياوليفـي تغّـلاك
نفسي غلاك مـن الصـدود يحديهـا

تبطـي علـي وانـا هنـا واتحـراك
كبـدي لواهيـب الصبـر تشتويـهـا

كانك مشكك في الوفا والغـلا هـااك
جوالـي اقـر القائمـه كــل ابيـهـا

رقمك مع (الصادر) ولا (وارد ) اسواك
الناس في اللي ( لـم يـرد عليهـا ).

وايــاك واياني...وايـانـي ايــاك
من غيبة (ن) من دون عذر يحميهـا


الالف لاهنت..

[صالح العرجان]

حرف الالف !



احسب عمار الدار يا زيد جدران
واثر عمار الدار يا زيـد اهلهـا


حرف الالف يستمر !

[الجوهره....]

الغصون يهزها الشوق للشوق وتميل

والقلوب اللي غزاها الغلا يحتلها..


الالف لاهنت..

[صالح العرجان]

الالف !

ابشري يا الذيبه !


احببت ان اوردها كامله لمحسن الهزاني !


أوحيـت ياقلبـي بالأطـلال ورقـا
ذاهي تنوح وفجّعـة قلـب مشتـاق

عساك يـا ورقـا تنوحيـن فرقـا
لك العنا يـاورق ذا فـنّ مشتـاق

غنيتنـي وذكرتنـي ولـفّ صدقـا
وا حر قلب ٍ مزعجه حر الأشـواق

أنا أشهد إن مولـع القلـب يشقـا
طول الزمان ولاعـجّ الهـمّ حـرّاق

ذكرت من يصبغ على الكـفّ طرقـا
وانهل من طرفي على الخد غـرّاق

ونيت يوم اونست بالصـدر غلقـا
ثـلاث ونـات تتـالا علـى سـاق

عليك يا بـو شامـة شفـت رقـا
صبغه على الأوراق في نزه الأوراق

ياهل الهوا من قال أنا شفـت برقـا
عقب العشا يوضي ابد يجوز الافاق

في مقدم شفت عن الغـرب شرقـا
هـذاك مبسمهـا تقولـون بـرّاق

ما شفت خدٍ له من الـورس غرقـا
تومي على ورده غطاريـف شـراق

ريش الظليم اللـي عزلهـا ابفرقـا
عن غرّته جنح الدجا غابت اشفـاق

غروٍ ثليله من على المتـن يسقـا
بالزعفران وخالط الـراس مفـراق

الى جيت من أثره تاجد ايـاه خفقـا
شمّيت في شعف الهوا عنبـر فـاق

علمي بروحي يوم أنا أجيـه بلقـا
أغضا و عاقتني مغاليـب الاحـداق

و بقيت ما عندي من الـراي وثقـا
عزى لحالي واشقـا كـل عشّـاق

ما أقول في الدنيا على الحور خلقـا
لا شكّ ربي بالمـلا يصنـع ارنـاق

اللـي نقـل كـل الغناديـر طبقـا
لي سايلوني عنـه قريـت بحقـاق

لا والـذي لـه كـل الأرواح تلقـا
يا غير زينه ما لقلبـي حـد شـاق

حدّ الرّمك منها أو صـوفٍ وسبقـا
قدٍ وردف ٍ لي مشى يتعـب السّـاق

على تهايـا الريـم عيـن و عنقـا
لو تشتهي راحت مع السرح تنساق

هياف غريـاف مـع الـدرب يتقـا
بالحال قتـال و لـلأرواح سـرّاق

له عادة يعمـل مـع التيـه طفقـا
يقذ القلوب من شيف زوله باللأوفاق

لاطول لا قصرٍ علـى الخـد ملقـا
غيره ولو خيرت في العمـر مـالاق

عليـه مـن دل الهـواشٍ تهـقـا
رعبوب خرعوب ضحـوك ورمـاق

امـان يـا قلـب بلاهـا ابعشـقـا
لو راح لي يوم ولا بـت ّ باوفـاق

شوفو جروحي منـه تنـدا بعرقـا
في ترس قلبي كنهـا نقـش دقـاق

يا لايمي جعلـك لهـا يـوم تلقـا
تموج عن خدّ لـه البـدر يشتـاق

و تذوق ما ذقتـه عوايـق وحرقـا
حتى تعـرف ان المجاريـح تعتـاق

والله ما يطفي عـن القلـب حرقـا
إلا عسيلـي بيـن أشافيـه ينـذاق

يامـن ايقضّبنـي غـزال ابسرقـا
عسى له الجنّه و تسميح الأوفـاق

جاني روايـة مـن يقولـون وثقـا
ياروح روحي ليت الأطفـال تنبـاق

وصلاة من ينشي على العود ورقـا
على النبي و الآل والصحب الأصداق




قصيد الهزاني حلاته كامل !



حرف القاف !

[الجوهره....]

صح ذوقك صالح


والله ان حلاتها كامله..


قلبي عليهم واردات دليه

والكبد من ضيم الرفاقه بها يبس..


السين لاهنت