سجل دخولك للمنتدى ببيت شعر اعجبك - الصفحة 507 - °~*¤®§(§ شبـــكة ويــلان العـربـيـه §)§®¤*~ˆ°

**وايل سلامه** · 15/03/08, (05:34 AM)

قريت لوحة وداعتك السلامه..................................وانا السلامه وادعتني من اسبوع

**الجوكر** · 15/03/08, (02:06 PM)

انا لاجتني الزله من الجاهل والكذاب....
تركت القافلة تمشي وراها تنبح كلابها

بدري على اللي يعيب وساسها مأنعاب
ياليت اللي يعبيني يحاول يستر ثيابه......

**هيـاا العـازمـي** · 15/03/08, (04:47 PM)

.
.

المبدع الشاعر راشد بن الذيب .. يقول :

الولد .. وإن جاد .. جوده من خواله
................ بالخوال يسـال قبـل الوالدينـي

والردي لابد ولـد الاش خالـه
................ ما يقوم البني دام السـاس طينـي
.
.

هيـــــاااا

**ابو وليد** · 15/03/08, (05:10 PM)

قلبٍ يبي شيٍ ماهو فـي يدينـا
وعيون تعبت للسهر مابها حيـل
تنطر متى المرسول منكم يجينـا
كثر السهر مابه لعيني محاصيل
مادامنـا فـي قربكـم ماهتنينـا
متى تعـود ونهتنـي بالتعاليـل
وتضمّد جروح الفـؤاد الحزينـا
ياصاحبي شفني كتبت المراسيل
دافع غـلا للـي تغـلا علينـا

**سامي السيف** · 15/03/08, (07:28 PM)

من بعد ماكنت نور العمر وسراجه = اليوم صرت الظلام اللي يطوقني
عطيتك اكثر من الي كنت تحتاجه = اسرفت فالحب لين الحب وهقني

**هيـاا العـازمـي** · 15/03/08, (08:30 PM)

تسجيل دخوول جديد

.
.

متى يا وجدي المغمور نبدي للحراب سيـوف؟
متى نأخذ مـع أوقـات الفـرح ساعـة سديميـة؟

ومتى تركض عيوني في الربيع وتهتني بالشـوف؟
ومتى تظهـر تباشيـر السـرور شفـاه ورديـة؟

سؤاالات تطول وتمنع الترحال عنها ظـروف
وتبقى في رحيـق الـروح نبضـاات شقاويـة
.
.

هيــــاااا

**فهد الشافي** · 15/03/08, (08:37 PM)

بالبسك تاج الملك واعيش عمـري مهتنـي
مادامني في سلطتـك الحـزن كلـه بازهلَـه
واقسم ترى مازل عنك والشـك لامايهزنـي
ولاني ترانـي ملتفـت للـي يثيـر البلبلَـه

ماجد الجعفري