حروف متناثرة ارهقهاا الزمان

[محمد بن موسى]

ان عودت للغلآ لا تخاف منحسمه =ركز معي وانتبه ؟واسمع لتوصيفي
غلاك كنه وسم في داخلي وسمه =مكتوب فوق الوسم (أغلى مواليفي)
منت اختياري ولكن صرت لي قسمه =الله كتب لـي احبك ماهو بكيفـي !

[محمد بن موسى]

بنينـا لنـا كـوخ بْحديقـه وزيّنـاه=من أحلامنا لين أصبح الكوخ يجذبنـا
زرعناه من ورد الطبيعه وشجرنـاه=وكتبنا عليه مْن أعذب الشعر وأعجبنا
تلاقا عليه أرواحنـا مابعـد جينـاه=تسوق المشاعر لـ.التلاقي مراكبنـا
ياحلو الخيال اللي على واقعه عشناه=على واقـعٍ ماصار نشكـي متاعبنـا

[محمد بن موسى]

تعبت من جر المواويل لاضقت =فرقاك نار وذكرياتك حطبها
ياكم زقارة لا تلهمتك احرقت =وياكم قصيدة شاعرك قد كتبها
في ساعدي ساعه واصوت كم الوقت =دقايق التفكير طيفك نهبها
لو أنني من بادي الوقت نسقت =ماماتت افراحي وقافي ندبها

[محمد بن موسى]

في ذمتك وش عاد مني ترجاه=حتى التراب اللي تدوسه هويته
أعطيتك إحساسي سحابٍ نثرماه=ولوكان تطلب دم قلبي عطيته
إرحم حبيب ضيع دروب ممشاه=رايح لبيتك يحسب البيت بيته

[محمد بن موسى]

من حب ماعمره على صاحبه من =يعطي ولو كل المخاليق منــــو..!!
الحب ذوق وفـن ياقمـة الفـن=ماهوب مثل اللي به الناس ضنـــو..!!
الحـب كيفً كنه الهيل والبــن= وأهل الغلا لدلال الاشواق حنو ..!!

[محمد بن موسى]

ماعاد بوجيه البشر خير ياذوق=مات الحياء وسلوم الاجداد راحت
الصدق والاحساس ماعاد له سوق=وشين النوايا بين الاحباب لاحت
واللي سكن مابين الاهداب والموق=روح مع اول دمعتي يوم طاحت
شفني اعاني ضايق الصدر مخنوق=من عبرةً بين المعاليق فاحت
قالو تروق وقلت انا كيف بآروق=وهموم عمري للخفوق استباحت

[محمد بن موسى]