(احساسك الشعري في ورطة),,}تركي صالح{

[تركي علي الخالدي]

الاخت الكريمه احساس قلم

شكرا على هذه الموضوع المميز بحق بفكرته وضيوفه

والشاعر الاعلامي تركي صالح قدها وقدود وبإنتظار الابداع في الجزء الثاني

[الصقار]

الاخت الرائعه احساس

اولا لايستغرب منك هذا الطرح فاانتي دائما مميزه

والف شكر على استضافه ابو صالح الشاعر المبدع

تحياااتي

[سعد النفج]

الله الله
تحياتي لهكذا ابداع ..
شكرا احساس على اختيار المبدع الشاعر و الاعلامي / تركي صالح ..
و استمتعت بحق رغم حضوري المتأخر ..
دمتم بخير ..

[محمد الدلماني]

ماشاء الله عليم يابو صالح فعلا مبدع وتستحق كل الثناء وكفو والله وصح لسانك


مشرفتنا المتميزه احساس قلم شكرا على هذه الفكره المتميزه التي مازالت تتألق بنجومها

[نافع عيد الجديد]

شاعر واعلامي غني عن التعريف
ابداع ولاغرابه بذالك
بدري عليكي يااحساس تورطينه هههههههههههههه
شكرا لكي ياام التوريط والمقالب

[تركي صالح]

اسف على التاخير وعذراً من الجميع ولكن لظروف خارجه عن الارادة اضطرتني الى التاخر وشكراً للجميع على مشاعرهم النبيلة

ابو صالح هااأنا اعود

بالمجموعه الثانيه من الاسئله ويارب تتورط فيها

(ليس مجبر على قافية وحدة لك الحرية بهذه الابيات)

المجموعه الثانيه

الطيب اصلك ما شريته بالاثما ن = متسلسل من نبع ناسن عزيزين
الطيب ساسك وانت للطيب ديوان = قولن صحيح ولا يبيله براهين

1-اذا وصلك هذا البيت على جوالك وش راح ترد؟



الرد -----------

لي الشرف في خوتك وافتخر بك = يابن الرجال الطيبين العزيزين
رجلٍ حياة الطيب زادك وشربك =ولا هو غريباً فعل نسل الكريمين

2- امامكـ صورة عبر عنها ببيت او بيتين شعر

يا كثر ما اشاهدك يا بلاك بيري =ويا كثر ما شغلت العقول الرزينة
ما انت معي لكن مع انسان غيري =وحاسدك لانك دايماً في يدينة

3-ارجو مجاراة كل بيت من الابيات التالية مع الاحتفاظ بشروط المجاراة(الموضوع -الوزن-القافيه)

أ - ياليتني بينك وبين المضرة = من غزة الشوكة الى سكرة الموت
او ليت شاورني القدر بس مرة = ولبى مطالب رغبتي قبل ما أفوت

موت العزيز يصالي الكبد حـرة=والحزن من فرقاه بالنفس مكبوت
حكم القدر مقضي بخيرة وشرة=وياليت ماتنفع ولا ينفع الصـوت

ب- انت الحلا والناس جنبك ولاشي = مثل الجالاكسي بين توفي وغندور

انت الغلا والحب والشوق والضي =من غيرك بدنياي ماني بمسرور

4-تركي صالح لك في قناة اوطان صولات وجولات فماذا تعني هذه القناة

لبو صالح؟

اوطان غير وطرحها رائع وغير = وفي نظرتي تسوى قنوات واجد
تدعي لفعل الخير ومواصل الخير = ولاهل الادب فيها حضور وتواجد

5- الشهرة مبتغى لاكثر (الشعراء)و(المقدمين البرامج)

هل وصل تركي صالح لمبتغاه من الشهرة؟

احمد الله استفدت من الشعر شيئاً جليل =ماله ثمن ولا يقدر في غلا الاثماني
الاوله عرف الرجال اللي لهم طبعاً نبيل =اللي صداقتهم فخر ماهي صداقة داني
والثانية عرف الرجال اللي مخاواهم دليل = من وين مامشي خطواتي من طيبهم تقداني

7-وباالنهاية نبي كلمة تنهي بها

هذاالقاء (بيت شعر)


لانها اقرب ماكتبت الى نفسي ساجعلها مسك الختام,,,,

الطيب فازوا به رجالاً كثيرين = ولكل طيب فزعةٍ وستماته
ومن لايطيب بحول عمر الثلاثين=اليا كبر وقته عن الطيب فاته

لتمنى انني وفقت بما قدمت

مع شكري لجميع من مر من هنا

والشكر موصول لسيدة هذا الابداع الاخت القديره احساس

وتقبلوا فائق تقديري

[أبو غرام]

ابدعت واجدت يابو صالح

ولاهي غريبه

لك الود والامتان على هذا الرد والحضور الوافي