~' الهبُـوب .. الشمـالي '~

[سعود الخلف]

يارحلة الأسى والمواجع .. شدّوا الأحزمه بنتراجع






و
ياكابتن همومي والجراح .. المعذره ومنك السماح






بنواجه هبوط أضطراري .. يمكنها لحظات أحتضاري
وجايز الحكم يكون : أنتحـاري





وجايز يكون : جايز
بالخساره أكون : فايز !!






على العموم بنتسامح .. بدمح خطاك يادامح



مع أن النتايج واضحه
مربحه / خسآير فادحـه












:











ياصبح لحظه وش تبي ضيقة الصبح
............................ ليل المواجع توّ ماأمـدى سريته



ياصبح مامليت من سيـرة الجرح
............................ ليلي كوى عيني وخـدي كويته



حاولت أكبح دمعة العين في كبح
............................ ودرب المواجع معه يآسي طويته



ياصبح أسمع شهقتي وتفهم الشرح
............................ ولاتسائل عن الجواب اللي لقيته



أجمع أمآلي والألم يفرض الطرح
............................ ويبقى التفاوت وسط حلم بنيته



مثل السرآب وباقيه صورة الفرح
............................ وتبقى بعيوني صورة اللي بغيته

[سعود الخلف]

على طاري السماح .. قالوا فيه أرتياح
ومره قبل الصباح .. والصدر فيه أنشراح

قال : سمح وسميحه .. مدري خطأ ولاصريحه

والمهم هذا الوكاد .. خذها وعليها بتعتاد

:

سمح وسميحه شلون ياخي نتسامح ؟؟
......................... سم السماح آخر مصافحه / أح !!

هذا هو السمـ/ آح
كـذاب من قال فيه أرتياح

[سعود الخلف]

همٍ يجي طرقي وهمٍ يحل ضيف
......................... وهمٍ طوال العام يلازمك يابا

الناس تشكي هم وتشكي صواديف
......................... وكلٍ يشوف الكل : وحوش غابا

/

و
لو البشر تملك مباديك يالريف
......................... ماكان شفت الحال حال الغلابا

كيبورديه صباحيـه

[سعود الخلف]

في أحـد المواضيع
يقول الصديق

يالهبوب وحزني اللي ماتودر
......................... جيت أفصله لهذا العيد ثوب

جيت بعده .. وقلت

:

ثوب !!

ثوب !!

أي ثـوب ؟؟

تقصد ثوبي هذا ؟؟
الممتلي كله رتوق !!

هذا هو ثوبي وماعرفته دوبي
كل عيد يهديني اياه العيد
من جديد !!

ثوب كل خيط فيه : ينسج قصتي
وكل رتق فيه : رمز لـ لوعتي

ثوبي هو خريطة حياتي .. ورتوقه أهم التضاريس

ماني ساخط .. ولايوزني أبليس !!
ولاني حالم .. وأحكي هلاويس !!

هذا هو الواقع
هذا هو المُر المرير
يمكن يخلد هالحكي في يوم سيرتي

" ماني الأخطل ولآجرير .. لكن .. عايش مُبصر ضرير "

آهـ ياعيـد
فيك الأمل دايم .. تشرق .. ويبدى بك عمر جديد

" ويصدمني الواقع "
يقتلني المُر المرير

صحيح ماأعطيتني ميثاق !! لكن لوّعتي بطراق
ورى طراق ..!!

يعني بعتني من جديد !!.. أرخصتني بعد هالمره ؟؟
أرخصتني ياعيـد !!
ولابعتني بـ ثمن زهيـد !!

/

ياصاحبي الذكرى بعضها تقدر
......................... وبعضها ياصاح كنه لهوب

شخصٍ عطيته الغلا ولايقدر
......................... أنثر غلاته يالخوي بكل الدروب

لاصار مايحس بخاطرك لاتكدر
......................... أبعد بدربك /لاتسميها هروب

والدمع لامنه على خدك تحدر
......................... أمسحه وبعده /بـ يملّ ويتوب

حتى ولو جالك بعذره وبدّر
......................... أنصحك تبعد الفجر قبل الغروب

بعثره كيبُورديه
أتت في حينها آنـذاك

[سعود الخلف]

ياحزني هالليله
يجيب الله .. مطر

/

ماهو جديدي لو بحزني تعنيت
........................... لكن طعوني منك هذا جديدي

[سعود الخلف]

تاخذ من الليل وتعيده
والفجر وش اللي مستفيده





دامها حفنة أماني .. وضيعتها لي يازماني
أشكرك .. ولك خالص أمتناني






لابلحقك شرهات ولاعتب
راضي باللي لي .. أنكتب




اللي أغلى منك / ورماني


بالله .. بالله


وش أبرجي منك : يازماني !!






وهذا أنا : أبقى أنا
مهما حصل/لي .. ومهما طواني




باقي كما كنت
رغم أنف الحسد في مكاني








^

كلن على حلمه عزف نغمة الناي
.......................... وكلن صرخ ياجرح وقتي كفايه



وأنا تولاني هم آصل به أقصاي
.......................... لين الطعون / تبعثرت في قفايه



هذي الغيوم بيدي في وسطها الماي
.......................... كلك تضيع بقطرةٍ من سمايـه



أنته تشوف الغيم " رآيح وجاي
.......................... ذيك الغيوم مسكان منزل وفايه



مادمت ماتقدر تحس الضيق وبلواي
.......................... تبطي كفوفك عن ملامس خفايه

[سعود الخلف]

الشبه واضح ولافيه أختلاف
والدرب مسدود بنهايات المطاف





وكني حسيت بوضوح
توقف شوي وتروح




ويااااااااااااااااااااااااااااااااااااااه
ياذيك الأفكار أتعبتني
كني مطوّعها .. وطوّعتني



ماتكتفت
بس يديني كتفتني ...!!









مدري أحزن ولاأضحك ؟؟
والمشكله تحلف بشرحك !!











وين ذيك المراسيم
لحظة جنون الترانيم











اييييييييييييييييييييييييييييييه
ايه ادري
كلها قفت .. وصارت سراب
وأنقتل حلم بلحظات الغياب










والمشكله .. ألتفت للتشابه
لاالظل ظله ولاسرابه




وعاش فيني ,, ذاك السؤال الممتلئ غرابه
من بينهم وين وجه هالتشابه








وراح السؤال يعانق الياس
مابين تقليب الظنون أحتاس





وآآآآآآآآهـ
وينـك ياسرابـه



الضيـق
كلن درابـه

















/



















متشابهين ولاظهر بيننا فرق !!
........................... أيامنا سودآ : ولايوم زانت





حاولت أسافر وأرتقي سلم البرق
........................... متعشم بنفسي والأقدام خانت





من لهفتي كن الجسد يحترق حرق
........................... ذاب الثرى ولاقلوب أعداي لانت





وسط العذاب وغارقٍ بالشقى غرق
........................... عفت الحياه وساعة الموت حانت





صعب اللقا ياسارق خافقي سرق
........................... وأحوالنا مابين المحبـين شانت





مانلتقي والشمس تشرق من الشرق
........................... إلا اذا من وجهة الغرب بانت