"كـــــثر الغموض.. اللي سكني وضوحــــــــــــي"

[غموض الشمال]

تنزف جروح القلب والناس نيام=وهموم في قلبي تزايد عددها
حيره وضيقة صدر ودموع وهيام=واشواق عاشق راحته ماوجدها
تزاحمت باقصى الضماير لهل اعوام=وتمركزت وسط الحشا واحتشدها
محبة(ن)بوصالها الوقت مادام=كنت احسب(ن)القلب عاف وزهدها
أثري عروق القلب عن غيره صيام=تجرعت حبه وهي في مهدها
قصة غلا مرت علي مثل الاحلام=واحلام عمري ماتحقق وعدها
واغلب طموحاتي لها الياس هدام=بخل بها كف الزمان وجحدها
ماللفرح عندي مساحات وارقام=فرحي سحابة صيف يكذب رعدها
ومالي جدى ياكود همي والاقلام=وعبرات تالي الليل تشكي نكدها

[غموض الشمال]

وش رجعك ما قلت لي حبنا مات=وانك بموته ماتقبل عزايه
تبيني ارجع واتناسا الذي فات=وارجع على دروب الشقا والغوايه
قلي وش انسى قول جرح البدايات؟=ولافنونك في طعون النهايه
وشلون ابسى وداخل الحلق غصات!=واصدقك يوم تحلف في غلايه
قرب وشف وشكثر بالصدر ونات=كم ونةٍ تأثيرها في حشايه
واحسب كثر ماردد الصدر آهات=آهن ابينها وآه بخفايه
ماعاد انا حمل الندم والحسوفات=ولاتحمل منك كذبة هوايه
من ضمة الجمره بكفي علامات=من بعدها حرمت ادور دفايه

[غموض الشمال]

الوقت سيرني وانا معه منساق
..........................لا..لاتقـول اليوم زايـد دلعهــا؟


ياصاحبي تعلم بحبي والاشواق
......................قربك هوى نفسي وغاية طمعها


مااخترت انا حبك ولااخترت انا فراق
......................روحي وروحك غصب ربي جمعها


ياصاحبي من عقبك الفكر منعاق
.......................مجنون حبك والرجــاوي قطعهـا


عقب المعزه بس نشاف الاريـاق
......................مدمن غلاك وشوفتك ما شبعها


كني يتيمٍ من عنى الوقت مافاق
......................فــاقد حـنـان امه وابوه اتبعــــها

[غموض الشمال]

.

.

.

.

.

اغليك لو ( طنشتني ) فيك ملزوم
.....................غصبٍ علي القلب متولعٍ فيك

سامحك ربي عفت باسبابك النوم
...................مدري متى لامن تضايقت الاقيك

انتَ معي واعيش انا منك محروم
.....................طااااالبك لا يكـــثر عليه تغليك

[غموض الشمال]

ماهو بكيفك تولعني وتتركني=عليك بدعي ليا من عشت وحداني
بــ اقول يارب له في سكته خذني=وعساه يندم على فرقاي ويعاني
ويارب تسعد خطاه وفيه ترزقني=وآخذ بثاري واعوض منه حرماني
مير انت عود على قلبي وطاوعني=من قبل لاغيب وانت اللي ترجاني

[غموض الشمال]

مانسيتك؟من يقول اني نسيتك؟؟=لا ولافكرت حتى بالفراق
اللي حاصل اني شويه جفيتك=لجل تعرف ويش يعني الاشتياق
ولجل تعرف كيف وش معنى هويتك؟=كان قلبك من بعد فرقاي فاق
لاتسرع لاتقول اني سليتك =بس ذوق شوي كيف القلب ذاق

[غموض الشمال]

همســــــــــه..؟؟



يابعد عمري يدافع وهو مايدري
..............انه على البال ودوم البال يشقابه

اهم حاجه هو اللي يعرفه قدري
...............وباقي البشر لو يعرفه مابلشنابه