حروف متناثرة ارهقهاا الزمان - الصفحة 46 - °~*¤®§(§ شبـــكة ويــلان العـربـيـه §)§®¤*~ˆ°

**محمد بن موسى** · 03/06/11, (01:30 PM)

مراجلة دايم على العز ضارين=ولاخاب منهو بالشدايد نخاكم
انتم هل الفزعه على العسر واللين=اهل الفعول اللي تنومس نباكم
عاداتكم كعم العدا والمغيرين=ومحدن قدر ياخذ شبر من حماكم

**محمد بن موسى** · 03/06/11, (03:56 PM)

كل السوالف تجيب اسمك ولو صــدفة=كل الشــــــــوارع توقّف بي على بابك
واهرب عن الناس لآخر ركن في غرفة=وألقاك بالروح..وأهدابي على اهــدابك
هناك اعيش الغــــرام اللي لقى حتفه =هناك اذوق العــذاب اللي من اسبابك

**محمد بن موسى** · 04/06/11, (11:20 AM)

بِ الأمس أشوفك طريق ومسلك ومجرى
. . . . . من أولك لـ أخرك .. ما تتعبك ساقي .. !

واليوم .. مبروك فزت بِ جائزة كبرى
. . . . . ( دمعة مفارق وهقوة ضيعت الهاقي )

ودعتك اللي بِ علم الخافية أدرى .. !
. . . . . ما غيرك أحداً درى وش تخفي أعماقي

وخل القصايد بلاش أكتب ولا تقرى .. !
. . . . . شفني حذفت القلم وأنهارت أوراقي .. !

**محمد بن موسى** · 04/06/11, (06:29 PM)

[youtube]

**محمد بن موسى** · 06/06/11, (01:39 PM)

يــالــيــل كــــــم حــــــرفً لـعـيــنــه نــثــرتـــه=حـــب وفـــاء واخــــلاص كــلــه بــلامــاه
وكم درب مظلم من غلاه اختصرته=وكم شلت همه واسهر الليـل لرضـاه

**محمد بن موسى** · 06/06/11, (01:45 PM)

لاعـــاد ترجـيـنـي ولاعـــاد ابـرجـيـك=كــــلاً يــــروّح يـالـغــلا فــــي طـريـقــه
دربك خضر واللي يجيبك يوديك=حــان الـفـراق وبــان نــور الحقـيـقـه

**محمد بن موسى** · 06/06/11, (08:09 PM)

لميت في عيني تفاصيل ذكراك

........... في عزّ ما كان المفارق يبعثرك !

ماكنت أنا سيد خفوقك و مولاك ؟

........... ما كنت من (برد الصباحات) أدثرك ؟

و الحين مديت المفارق بـ يمناك

........... كنك تقول : أستأذنك ودي أقبرك !

الله يسمّح لك دروبك و يرعاك

........... و أنا علي أتنفس الضيق و أزفرك !