[[ خَفَايَا رُوْحْ تَعْبَانْهْ ]]

[أبو غرام]

أبشّرك / همّك / عن / الظهر / إنزاح=روّح / عذابك / في / متاهة / عذابه
ماعاد / يهديك / التعب / عند / الإصباح=ولاعاد / يسقيك / الشقا / من / شرابه
غلطة / زمانه / عاقبة / فرحه / أتراح=وصدق / النوايا / ولّعت / في / ثيابه
مسكين / صدّق / باللقا / عطر / فوّاح=الله / يعينه / كيف / فكره / غدا به
هيمان / ظنّ / الود / مجمع / للأرواح=نسى / وتناسى / الحب / مرٍ / غيابه
غلطة / زمانٍ / ضيّعت / زين / الأرباح=زلّة / مشاعر / بيّنت / باغترابه
لا شكّ / مابيّح / خوافيه / وان / طاح=الموتْ / ولاقولة / غدربه / سرابه
وأبشّرك / همّك / عن / الظهر / إنزاح=ومع / السلامه / دون / بحث / الإجابه

[أبو غرام]

يقال بأن الصدور مقابر
ولكل حينما يُسبر الصدر
بأية وسيلةٍ كانت فإنه يبيح مكنونه
وتختلف وسائل السبر
.
.
ماسبر الصدر هنا .. لحنٌ مختلف
له نكهة خاصه وكانت ترنيمة منشده
مؤثره على نازف الحرف محدثكم
.
.
كان هذا السابر .. هذا اللحن
ناهيك عن الكلمات ..
ولكن اللحن .. له ذكرى خاصه ..
جددت جروح وأظهرت بعضاً من خفايا روح تعبانه



.
.

نص يتشرف بمعانقة ذائقتكم
وكله أمل يرضي الذائقه

نآح الحمام وباح مكنون=ألّجم كسير الإبتسامَه
حدّر على دمعاتي النون=أغرق جموعٍ بإقتحامَه
أظهر قديمٍ كان مدفون=أحيا مشاعر من ركامَه
أثّري جريح الحب مفتون=مسرع مطيحه بالعدامَه
ياخل خل الشك وظنون=وِدّك فلا جاه إنهزامَه .!!
تكتيك متمرس ومجنون=أودع خفوقي بالملامَه
ان جيت اسافر صاح بالعون=قلبك رخيص العشق سامَه ..؟!
وان قلت اراجع قال بالهون=ترجع وترجي للسلامَه ..؟!
حظٍ تغربل عاش مغبون=والنفس تَكمى في كلامَه
ماله ياغير الستر وردون=وإلّا السكوت وابتسامَه
وَجَرْح عِينٍ ضفّت الحون=هَمْلولها أمسى علامَه
لو هي تمنّى السّر مركون=نوح الحمامه غصب ضامَه

ختاماً ..
قد لايكون اللحن مصدر إلهام للبعض
لأن المصدر الحقيقي
.. الذكرى ..

...........................

[أبو غرام]

يطيب البوح والغربه تفيض بهاجس المشتاق=على نفح الهوا يخرز ترانيمه وقيفانه
يقض الوجد والمعنى تلمه تمتمات أوراق=عذق يصدح بما اخفى غرامه خلف بيبانه

[أبو غرام]

تتوه خطانا في قربك وقربك يعني الابعاد=على قدر الغلا يبقى جفاك موثّق اوصالك
الا ليت اللقا امسى غيابه في نهار رقاد=ولا لوّح هوا عشقك ولانطرد ورى امثالك

[أبو غرام]

ياصاحبي لو تفتح القلب للناس=الخلق تكشف خافي الجاش وتروح
من بعدها لا ترتجي هامة الراس=القدر ينزل والحشا ينضح جروح

[أبو غرام]

إقلط تقهوى حط بالقلب مركاك=ومن عذق ضلعي إقدع اللي تريده
دام المشاعر فانيه دون ذكراك=فنجال حبك بالجفا لا تعيده
اشرب فديتك من حشا عاش يبغاك=زل الوفا وان زاد محلى مزيده

[أبو غرام]

هبّت هبابيب وانحطن بالخفا حب
وامست علوم البعض نكث وغصايب



ياصاحبي يفداكِ من هبهب ودب
ضعاف النفوس مدورين الطلايب



اللي غيابك لا حضر هاجم بسب
الله يطشه بالخطا والنشايب



تبت يمينه وان حضر حضرته تب
لو كان من ضمن الاهل والقرايب