[[ خَفَايَا رُوْحْ تَعْبَانْهْ ]]

[أبو غرام]

سبحانك الله لا إله إلا أنت

أستغفرك وأتوب إليك

[أبو غرام]

خل السهر عنّك وخل التعب لي=مثلي تعوّد للقهر والكسافه
حط الجفن على الجفن واغلق الضي=وانسى عيونٍ عايشه بالكلافه

[أبو غرام]

عجزت ألاقي من عيا الوقت خلان=كل ماهقيت بصاحبٍ خاب ظني
لا واحسافه يا زمن صرت خوّان=أقبلت لك صادق وصديّت عنّي

[أبو غرام]

خساره ترّخص الغالي لشخصٍ مايعرف إحسان=تجي له من هنِا وهنَااا وباقي شامخٍ عالي

[أبو غرام]

مااااااااااااااااااااااااااااااااااااااالي خلق امر من هنا

ياااااااااااااااااااااااااااااالله عسى المانع خير

[أبو غرام]

ياناس صار السبت بالحيل غالي=ألذ وأطعم من تليّات الاسبوع
يفيض بالخيرات والامن عالي=واللي نوانا بالخطر ما مطخ كوع
في عهد ابو متعب كريم السبالي=مطوّع الكايد وبالحق متبوع
حاكم لدارٍ لا وطاها الزوالي=إمدبل الشرهات والشر مسبوع
راسي كما ترسي عظيم الجبالي=ماحركوا شَعره رديين الاطبوع
بلهان وإن شدوا شديد الحمالي=روّح به وفكره فلا ضاق مصدوع
مايلفته ياكود لمع الكمالي=في عين شعبه لاغدا العز مطبوع
الله يديمه للوطن والموالي=ويديم حكمه والعدو يلحقه جوع
يكفي كسانا الحب اول وتالي=ويكفي عشقنا السبت من بد الاسبوع

[أبو غرام]

تحادثت مع أحد الزملاء حول بعض مايتكرر من أخطاء في الشعر
من ضمنها التذكير والتأنيث بالنص وكيف أن البعض يرى النص جميل
في حين ان سبره وتبيانه يكون ركيك جداً وإن وجدت القافيه او الصور
فمن الخطأ للتذكير والتأنيث دون إنتباه
ولكنه بادرني بمقولة : طيب كيف ..؟!
فقلت له ارد عليك بعدين ^_^
وبعدها دزيت له هالنص كتبيان ودرس عملي لما اقصده انا ^_^
واقول يارب .. يكون درس جميل وواضح
والله يقدرنا على التجميل امام الكل
.
.

إن كان حبك ينعش القلب يابنت=حبي لكي انعش حياة الشقاوي
وان كان بدروب الجفا شفتني فانت=مخطي وماشي في سراب الهقاوي
انا معك ثابت وللخلق اعلنت:=انا اشهد اني طحت عند الرهاوي
ماكنت مجبورٍ ولا لخاطرك كنت=غير الوحيد اللي حيا بك هواوي
شفّي على الوصله وبالوصل آمنت=وإني بوجودك قادرٍ للبلاوي
هذا الكلام وزبدة الهرج لا هنت=انتي الحياه وبلسمٍ للقراوي

^_^

وسلاااامتكم ياخيويني