عبد المجيد العنزي .. بأمس الحــاجــه للــويــلان ..؟!

[مزيد المزيد]

بدر الحنيف

صح لساااااااااانك فانت شاعر يحمل رساله ويتحدث باسم اهله وناسه ووطنه .......


والله يفك اسر عبدالمجيد ويقر عين امه وابوه به


دمت بخير

[سلطان المانع]

هنا ياربعي الويـلان صـوت ٍ بالوفـا معقـود
هنا صوت الحميا مـا تلـوذ اسمـى عباراتـه



اشكرك اخوي بدر على موقفك النبيل
ولا تظن في يوما من الأيام ان الويلان راح
يتخلون عن احد ابنائهم

اجل وش يفرق عيال القبايل عن غيرهم
إذى ماوقفو معهم ربعهم بهالضروف

وهذا المبلغ صغير جدا لو قسم على جميع فخوذ عنزه
ولن يكون المال مهما ارتفع طلب تعجيزي اذا كنت من اعيال وايل
وابشركم ان عبد المجيد سالماً بأذن الله مدامه ينتهي اسمه بعنزه

[ظنا وايل]

اتمنى من القائمين على المنتدى ان ينقلواغ الموضوع الى المنتدى العام او حتى اكثر من ذلك




يكفي ان نقف بكل ما اوتينا من طاقات للابن عمنا



ارجوكم لم يتبقى المزيد من الوقت



فو الله لو فكرنا لاقل من دقيقة بحالة ذوية وما يواجهونه من مشقة لعرفنا وايقنا بما يقطع الشك انهم في موقف عظيم





اننا كابناء وائل



قادرين بعد الله لو اردنا ان نفك ابننا







لكن






يجب ان يكون هناك وضوح في رغبتنا ومباشرة للقضية

[صالح العرجان]

استطرادا للفكره اعلاه


من اخوي ظنا وايل



اقترح انه يكون هناك بنر خاص في اعلى الموقع يشير الى قضيه عبدالمجيد


موجه للاداره

[سعود العواجي]

الشاعر الرائع / بدر الحنيف


لا أستطيع التعليق لأنك أبهرتني فعلا ً


لن أقول إلا :


تمتلك قلم ينبض بالصدق ومن المستحيل ان ينضب


لك مودتي

[عبدالله الثابت]

المشاركة الأصلية كتبت بواسطة بدر الحنيف

اسعد الله اوقاتكم ..

توضيح :

عبدالمجيد مبارك العنزي .. مبلى بدم .. وطلبت علية دية // عشرة ملايين ريال سعودي // 10ملايين ....

باتت تتقلس المدة المتاحة اليه .. فهنا الحاجة الحقيقية والماسة للوقوف بجانبة ..

اتمنى من الجميع مساندته في محنتة .. اليكم.. البوح المتواضع ..

اقول الشاعر اليا غاب في وقته فلا به فود = اذا ما ساند لربعه بوقت ٍ دار دوراته
عسى قلبٍ خلت منه الحميا عشيته مضهود = لو انه من " جنوب افريقيا " اصله ومنشاته
قبل هذا لنا دين ٍ يجمعنا جسد مشدود = تداعا بالسهر .. لاضعر عضو فيه المرض لاته
تموت هنود ما تفزع على موت الهنود هنود = لكن اليعربي يفرق براسه دح نعراته
وانا شاعر من حمياه يقدح كنه البارود = بعد ما فار دمه والطنا يرفع شعاراته
لقيت ان القصية سافره فيها الركود يسود = ورى عبد المجيد وسكته واخطر ممراته
اقوول : الرجل لا عزوه ولا لابه مهب مفقود = ليا منه عثر داسوه ما يسند بعثراته
نداااء : لكل من يعرق بوايل يبذل المجهود = ترى ما ينفع اللي مات له ميّت مواساته
اذا ما هبّت الفزعه بغيث ٍ يحتمية رعود = فلا نامن على رجالنا في عز ضيقاته
واذا ما تاجد سيول المشاكل بالرجال سدود = فلا نشره على الوقت الغبّـر لازاد هجماته
على وايل ومن وايل حديث الماقف المنشوود = مادام الطيب يشبة للردى لا اقفا بحاجاته
فخر ماضي فخر حاضر حيود ٍ ترتكي لحيود = هنا .. عز امتداد لمجد ما تخفى علاماته
هنا ياربعي الويلان صوت ٍ بالوفا معقود = هنا صوت الحميا ما تلوذ اسمى عباراته
هنا تاريخ يجمعنا بـرابط دم عبر جدود = هنا عبدالمجيد وحشرجة صوته وهقواته
هنا للحر قوماته .. وفزعاته بدون حدود = هنا درب الكرامه تنتشي هيبة مساحاته
نشاما .. يا النشاما والتكاتف ماقفه محمود = على بر الامان .. العز ما تخفى مناراته
يا هيبات اللحى عصم الشوارب يا عيون الجود = بناخيكم بحاجتكم بوقت ٍ ضخ نكباته
هنا يا ربعي الويلان ينخا لابته ملهود = هنا يقرب بناخيكم من السياف خطواته
اعرف ان الوفا والطيب ما بين العرب موجود = واعرف ان العفون .. عفون .. لا وده والا هاته
اقول بهيبة الحزمة ..يصير العز ثوب العود = اذا قام الزمن في شن غاراته بميلاته
عرين اسود لو طال الزمن يبقا عرين اسود = على عز المراجل ماهو التصويت في شاته
بحاجتكم بناخيكم يا ربعي والامل معقود = ما بين عيونه الا السيف .. واخوانه وخـيـّـاته
بعد ما حدته دمعات لامه .. والهمووم بزوود = وغصة حزن ابوه .. بعبرته .. ترسم نهاياته
تجن جنونه اللي طيّحت من صبره العامود = بليل ٍ قام يتغذى سهر عينه ولا باته
اذا ما يسند الواحد ظهر واحد حسود يسود = وربي ما نساير هالزمن وسط انعطافاته
الا يالله تسهله بعطفك دربه المدود = الا يا الله تهون مصيبته .. وايعيش راحاته
الا يا الله تضمه رحمتك يا القادر المعبود = وتـّصخر له قلوب الناس وتفرّج معاناته

دمــتــــــوا بــــســـلام ..،،

الاخ والشاعر الكبير بدر الحنيف


صح لسانك


وبيض الله وجهك


وجزاك الله الف خير


وهذا وقت الحميا


وعبدالمجيد غالي علينا جميعاً


وكل عنزي مسؤؤل امام الله عن هالقضيه


وليس بغريب هالابداع والفزعه والحميا من شاعر كبير وعودنا دائما ان نجد في قصائده الحميا والنخوه


بدر الحنيف تاكد انك غالي عند عبدالله الثابت


وتقبل تحياتي وتقديري

وجزاك الله الف خير

[صريح في زمن جريح]

اخي الشاعر بدرالحنيف
شاعر كبير ولا على قولي خلاف@@@بس الخلاف ان القصايد توصفك
صح الله لسانك كلمات كبيره من شاعر كبير