قررت انا اصير شاعر وادخل الملعبه

[حمد الضوّي]

اقتباس:
المشاركة الأصلية كتبت بواسطة البدر
شهاده اعتز بها ياحمد

اما بخصوص كلمة "عشم " والله مدري لو انك تغيشم علي مثل المره الاولى لكن ابي اقول لك اللي اعرفها عنها وان شاء الله على نياتكم ترزقون !

اهل اللغه العربيه يقولون معناها "طمع"

اما عندنا فهي دارجه ولما يقول الشخص "هذا عشمي فيك " يعني هذه هقوتي او ظني بك والعكس لما
"يقول ماكان العشم فيك " وهي دارجه عندنا بشكل كبير واستغرب انك تقول اول مره تسمع بها
حتى استخدمها شعراء كثير في قصائدهم

مثل البيت المشهور اللي ماعرف شاعره لكن غناه المغفور له بأذن الله فهد السعيد
ا عزوتي ما كان هذا العشم فيك .. غيّرت رايك بعد الاخلاص وش جاك

وغيرها الكثير ..


خلووووووووها

زهير ياخطى نبي نسكت ولانغضبه = من شأن مايعمي المجلس بدخانها

ام الوراعين دائم تمسكه بشنبه = ومن شأن ترضى عليه يحب ورعانها

البدر هلابك مرة ٍ ومرات


أما بخصوص إستفساري عن كلمة ( عشم ) يعلم الله أنني صادق والنوايا سليمه يالغالي
وأشكرك على الإيضاح



وأســـتلــم

زُهير يمشي مع العالم طويل رقبه=يحمل معه بندق ٍ ما خطت لنيشانها
وأم الوراعين تمشي له على مذهبه=وإن مامشت سرّح العذراء ولا هانها

لعلنا نختتم هذا الطاروق لإعطاء المجال للشعراء الآخرين

أما أنت يالبدر

الحقيقه أنني أستفدت منك نقدا ً وشعرا ً فلك مني كل الشكر وفائق التقدير
والشكر موصول لمتابعينا الكرام
دمتم بحفظ الله ورعايته








تحايا

[البدر]

الاستاذ حمد الضوي

وانا ايضا تشرفت باللعب معك وسعيد

شكرا لك وارجوا العذر والسموحه ان كان هناك تقصير

[البدر]

الشاعر القدير محمد موسى
الشاعر القدير حمد الخمعلي

مجرد حضوركم شرف لايضاهي شرف

شكرا لكم من الاعماق ولا نستغني عن توجيهاتكم وملاحظاتكم

[حمد الضوّي]

اقتباس:
المشاركة الأصلية كتبت بواسطة حمد الخمعلي
صحت السنتكم البدر وحمد الضوي

صراحه ماني مقتنع بقولكم انكم اول مره تلعبون محاوره؟لأن هذه المحاوره محاورة قويه0
فإذا كانت هذه اول محاوره فأنا أقول بأنكم شعرااء كباار لديكم القدره على الدخول في هذا المجال بكل ثقه0

لي عوده وتعليق على الملاحظه اللتي جرت بينكم ولاكن بعد انتهااء المحااوره0

متاابع لإبداعكم

الشاعر القدير

حمد الخمعلي

صح بدنك ومرورك بحد ذاته شرف بالنسبه لي طال عمرك
أما بخصوص قولك بإنك غير مقتنع بإنني أنا وأخي البدر أول مره نلعب المحاوره
فأنا أتكلم عن نفسي يعلم الله أنني صادق بماقلته وهذا ليس بمدح ٍ لنفسي ولكن هذه هي الحقيقه
وأعتقد أخوي البدر كذلك والله أعلم
ولعلمك أخي أنا لا أرغب بالدخول في هذا المجال إلا أنني قلت تجربه فقط لاغير
ولكنني من مشجعي ومتابعي شعر القلطه وبقوه
ولا نستغني أنا وأخوي البدر عن ملاحظاتكم على ماقراءتم لأنكم أهل خبره في هذا الفن الجميل ، ومداخلتك أنت والشاعر القدير محمد بن موسى صراحة تشجع على الإستمرار

تحياتي لشخصك الكريم

[حمد الضوّي]

اقتباس:
المشاركة الأصلية كتبت بواسطة محمد بن موسى
البدر


حمد الضوي


صحت السنتكم جميعاً


طاروق كايف لايتقنه الا شعراء كبار


متااابع

الشاعر المميز { سلطان الحرف }

محمد بن موسى

هلابك يابعد راسي وصح بدنك أسعدتنا بهذا المرور العاطر
أدام الله حضورك المميز والمشرف
ولا نستغني أنا وأخوي البدرعن ملاحظاتك على ماقرأت
أنت أستاذ وصاحب خبره بارك الله فيك

علما ً أنني لست بشاعر قلطه لكن قلت تجربه فقط

ومداخلتك أنت والشاعر حمد الخمعلي صراحه تشجع على الإستمرار

تحياتي لشخصك الكريم

[حمد الضوّي]

اقتباس:
المشاركة الأصلية كتبت بواسطة البدر
الاستاذ حمد الضوي

وانا ايضا تشرفت باللعب معك وسعيد

شكرا لك وارجوا العذر والسموحه ان كان هناك تقصير



الناقد وشاعر القلطه المميز

البدر

هلا بك يابعد راسي
إلا الشرف لي أن ألعب مع شاعر وناقد بحجم البدر
ولا هناك اي تقصير بارك الله فيك وافي بيض الله وجهك
واستمر وسوف تنافس كبار الشعراء
بالتوفيق




تحياتي لشخصك الكريم

[**السيف**]

الله يقويك يالبدر


نتمنى لك التوفيق لو ماكنت شاعر
ستصبح شاعر باذن الله