مايطرف العين شيئن مايلامسها

[نافع عيد الجديد]

الشاعر القدير عناد الغريب
صح السانك حتى الرضاء وبيض الله وجهك
قصيده جزله من شاعر جزل
لاتحرمنا جديدك
اسجل اعجابي بكل ماتكتب من شعر
لك الاحترام والتقدير

[عناد الغريب]

المشاركة الأصلية كتبت بواسطة خلف الغريب

العزيز والشاعر الرائع عناد الغريب ..

والله ابدعت وامتعت وسلمت و لا هنت ..

حكم رائعة واختزال لتجارب عمرها سنوات في ابيات جميلة تختصر الطريق للوصول الى الحقيقة ..


دنياك لا دبّرت وش له تفارسها
نوخ ذلولك وسط نزل المعنيني

قدامك شعوب ضاقت من ملابسها
يدعون وانت ادع ياالله لاتخليني

ليا اقلبت بشتها وابدت دسايسها
الذيب مافك شاته من يد حصيني

ترسل عليك البلاوي من متارسها
وتسقيك كاسأ خصوصي للمشقيني

هذي خلاصة دروسأ من مدارسها
ماقلتها الا وانا عندي براهيني

(ولاتحرق الجمره الا رجل دايسها)
يشرح لك الحال لو هو بين قوسيني

وانتقال جميل وحسن تخلص من الموضع الاول الى الموضوع الذي اعتبره هو الاساسي حيث الوجدان والحب والمشاعر الجياشة بالمودة والجمال ..
وهالحين ابسج عن موضوعنا واسها
خذ ماعناك انت واترك شئ يعنيني

لي عشقتأ مانسى كفي مخامسها
ولليوم يسري غلاها مع شراييني

لو بعدها جارحن كبدي وحامسها
الزين دايم نغطي به على الشيني

ولو عقبها النفس ماشيئن يونسها
ولاعاد ينفع بها مسحوب وهجيني

واما البيتان الاخيران فهما جمال متكامل وابتكار لمعنى لطيف ورائع لا اعتقد انه طرق قبل ذلك ..

مايطرف العين شيئأ مايلامسها
الا على ذكر خلي تنطرف عيني

وتنزل لها دمعتن بالعين حابسها
دمعة غلا ماتستّر تحت كفيني


لله درك يا عناد وسجلني من المعجبين بشعرك..

تحياتي وودي..

الاستاذ القدير خلف الغريب

اشكر كل حرف كتبته انا فوجد منك الرضى

واشكرك واكن لك الاحترام والتقدير

لاهنت ياأخي الكريم فكلمات الشكر لاتعبر عما اكنه لك من معزه واحترام

دمت بخير

ورحم الله والديك

[عبدالله مقبل]

مـايـطـرف الـعـيـن شـيـئـأ مايـلامـسـهـا


الا عـلـى ذكــر خـلــي تـنـطـرف عـيـنـي





صح لسانك مليون الشاعر عناد الغريب



استمتعت بما قرأته لك



تحياتي لك اخي

[مها الوايليه]

الاخ عناد صح السانك
ويد كتبت

[عناد الغريب]

المشاركة الأصلية كتبت بواسطة سالم صالح

الرائع والمبدع


عناد الغريب


صح الساااانك الين ماترضى فكلمات الثناء والاعجاب بما خطه فكرك قليلة ولاتفي حق هذه الفاتنة ولكن مااقول الا


انت مبدع ومبدع ومبدع وهذا رائيي فيك من زماااااااان



تقبل تقديري وودي

اخي القدير سالم صالح

صح بدنك ولاهنت على الاطراء الجميل لاعدمتك

الله لايهينك ورائك محل تقديري واحترامي

دمت بخير ورحم الله والديك

[عناد الغريب]

المشاركة الأصلية كتبت بواسطة طلال

صح لسانك اخوي الشاعر


قصيده جيدة المستوى
اسمحلي اعلق عليها


ونشأالله تتقبل مصدر رحب


مثل اول شطر،،،،،،،، دنياك لادبرت وش له تفارسها


يكون الافضل

دنياك يادبرت وشلك تفارسها، لانك لاتعني شخص اخر

ولو كان معروف الدنيا اليدبرت وليسى لادبرت

مثل

لاتحرق الجمره الا رجل دايسها الافضل ماتحرق الجمره الا رجل دايسها

فيه بعض الملاحضات

والعذر اخوي الشاعر

تحياتي لك

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!

!

[الخاطر]

المشاركة الأصلية كتبت بواسطة عناد الغريب

دنياك لا دبّرت وش له تفارسها=نوخ ذلولك وسط نزل المعنيني
قدامك شعوب ضاقت من ملابسها=يدعون وانت ادع ياالله لاتخليني
ليا اقلبت بشتها وابدت دسايسها=الذيب مافك شاته من يد حصيني
ترسل عليك البلاوي من متارسها=وتسقيك كاسأ خصوصي للمشقيني
هذي خلاصة دروسأ من مدارسها=ماقلتها الا وانا عندي براهيني
(ولاتحرق الجمره الا رجل دايسها)=يشرح لك الحال لو هو بين قوسيني
وهالحين ابسج عن موضوعنا واسها=خذ ماعناك انت واترك شئ يعنيني
لي عشقتأ مانسى كفي مخامسها=ولليوم يسري غلاها مع شراييني
لو بعدها جارحن كبدي وحامسها=الزين دايم نغطي به على الشيني
ولو عقبها النفس ماشيئن يونسها=ولاعاد ينفع بها مسحوب وهجيني
مايطرف العين شيئأ مايلامسها=الا على ذكر خلي تنطرف عيني
وتنزل لها دمعتن بالعين حابسها=دمعة غلا ماتستّر تحت كفيني

الشاعر القدير.
عناد الغريب.
وربي ليس غريبا هذا الابداع منك اخي الفاضل.
فنصوصك تجبر كل من يقرأها على التصفيق لك وبحراره.
رائع رائع ياعناد ودمت بهذا المستوى الرائع.
اخوك محمد العنزي.