جابتني القدره على غير ميعاد ^ الله هداني والبخت جاب لي عيد

[محمد خلف الزايدي]

مشرفنا القديروشاعرنا العذب
نافع بن عيد الجديد الخمعلي

صح بدنك ورحم الله والديك وتقبل منا ومنكم صالح الأعمال إنه سميعٌ عليم ,,
لقد سرني وأسعدني مرورك المشرف على صفحــــــــات موضوعي
وأنا فخــــور في ماتكتبه عني من إشـــــــــاده وإطـــــراء
والدعــواتٌ الطـيـبــه التي تســتحــق ردّ الثنا والشـكـــــر ,
والأخ عيد خلف الشلهوب الشمري وأمثاله الطيبين
يستأهلون من يظهر ثناهم ولو بالشي القليل
وهذاواجب على من يسدى له المعروف ,

ارق وأعذب تحيه
لك وللجــــــميع

[رابح الغضيان]

الاطيب من المعروف الثناء على صاحب المعروف

شاعرنا الكبير


ماذا عساني اقول عن شاعر نحن من نحتاج لشهادته

صح لسانك

والنعم فيك وفي الاسلمي

وبيض الله وجهك ووجهه

جزل رجوله وشعر


تحياتي واحترامي لشخصك الغالي

[محمد خلف الزايدي]

المشاركة الأصلية كتبت بواسطة رابح الغضيان

الاطيب من المعروف الثناء على صاحب المعروف

شاعرنا الكبير


ماذا عساني اقول عن شاعر نحن من نحتاج لشهادته

صح لسانك

والنعم فيك وفي الاسلمي

وبيض الله وجهك ووجهه

جزل رجوله وشعر


تحياتي واحترامي لشخصك الغالي

أخي الفاضل رابح الغضيان,,

صـح بدنك يالغالي والعين ماتعلى على الحاجب,
اسعدني مرورك العطر الذي لايخلو من الإطراء
للمادح والممدوح وهذا دليل على شهامتك وحب النخوه فيك وهو
ليس غريبا على مثلك وشرواك من يتحلون في مكارم الأخلاق.
أخي رابح أنافخور في جميع ماكتبته عني وأعتزّبه
فلّله درّك على هذا الثنى الجليل من شخصك الكريم وذوقك الرفيع ,

تقديري وفائق احترامي
لكـــــ وللجميع
ابوعبدالله

[سعود المسعودي]

المشاركة الأصلية كتبت بواسطة محمد خلف الزايدي

بسم الله الرحمن الرحيم
هذه الأبيات قلتها بالمدعو0
عيد بن خلف الشلهوب الأسلمي الشمري

عندما قمت بمراجعة إدارة الجوازات
بمنطقة تبوك في وقت العطله الصيفيه
وكانت مزدحمه بالمراجعين باأعدادلاتوصف
فذهبت إلى البوابه اسأل عن شخص كنت اعرفه ولكن
لي مده طويله عنه ولاعرف جواله واثنا سوالي
نسيت اسم ابوه وقلت اسم جده وقال العسكري الذي
سألته لايوجد شخص بهذا الاسم وكان عيد خلف الشمري
موجود وهو من حرس البوابه خارج الإداره وش حاجتك ياعم
قلت حاجتي ابي من يخلص اوراقي قال حياك الله اقلط بغرفة الحرس وقهواني
وقال والله ياعم حنا حرس ولكن استرح وانا ابي اجلب وجهي على الماسولين
لعل الله يجملنا معك ومع غيرك حنا الرجل الكبير نعده بمنزلة الأبو لو مانعرفه
ودخل الإداره وبعدعشر دقائق وهو جايب الأوراق مختمه جاهزه والناس
تأخذ مواعيد مراجعه , فقلت هذه القصيده اشرح الموقف والحقيقه بدون مبالغه

جابتني القدره على غيـر ميعـاد=والله هداني والبخت جاب لي عيد
أخذ أوراقي والبشر مالها أعـداد=واللي وصل بالدور ياخذ مواعيـد
قال إسترح ياعم وأبشر بالإمـداد=في حاجتك ماأصد عنها ولا أحيـد
بضيافتي محشـوم دلـه وبـراد=حنا خـدم لكبارنـا دون تحديـد
والله ماعرفه جيت صدفه ونشـاد=والله جعلها علـى كيـف ماريـد
يستاهل البيضا على روس الأشهاد=طيبٍ على وضح النقى ماهو تقليد
ماهو جديد اليوم من عهد الأجداد=شمر على النخوات عطشا مواريد
يوم الغلا من طيبها ترخص الزاد=أهل اللحيسـه مابقولـي مناقيـد
ويوم اللقاء بالكون تكيد الأضـداد=تشهدلهم صم الرمـك والبواريـد
يابن خلف ياعيد يانسل الأجـواد=قبلي مديح وعادتك تجدع الصيـد
حرٍ على الجزلات ساطي وجـلاد=الله يجيرك شـر كـل الحواسيـد

تحياتي وتقديري للجميع
ابو عبدالله

صح لسانك إلين ترضا

قصيدة جزلة من رأس جزل بالمعاني

أبيات عانقت الأبداع

[محمد خلف الزايدي]

اخي الغالي صقر الصقور,,

اسعــــد الله ايامك ولياليك بكل صحه وســـــرور أين ماكنت
لك مني جزيل الشكــــــــر على مرورك العطـــــــــر
على متواضعتي وهذا لطفا من شخصك الكريم
وانا فخور في ذلك ويشرفني كثيرا ,,,

ارق وأعذب تحيه لك