& مـوظفــــة بـنــــــــــك &

[مشعل الضوي]

شورك ياعبدالله مـدام الحـب يطـرق بابـي=باسباب بنـت ٍ حطهـا الله للخفـوق أعقوبـه
تزعل وانا لاجيت ابرضيها تقول لي : مابـي=وارجع وانا اتأسف واقول بكل مره..توبـه !!
وليا رضت ترضى بعد مابهذلـت باأعصابـي=وتصيـر بنـت ٍ طيبـه وحنيّنـه وحبـوبـه
والله ليا منها ازعلـت تضيـق فينـي ثيابـي=وامشي وانا آهذري ولابس "غترتي" مقلوبه !!
من يوم ورتنـي صورهـا لابسـه "بنجابـي"= والجسم يوحي للدلع لو شفتهــا "دبـدوبه""!!
اقسـم بربـي لـو رآهـا واحـد ٍ "عزابـي"=ليطق من زود القهر لو شافهـا " مخطوبـه"!!
أم العيـون الناعسـه والشّـفـه ..العنـابـي=لو تبتسم ضاع " الصقيع " بجمـرة ٍ مشبوبـه
"موظفـة بنـك" وذبحنـي زولهـا الجذابـي=ومديرها لو يستحي ماحطها .." مندوبـه "؟؟!!
جتني وانا موظف معاهـا ماحسبـت حسابـي=يعني موظف غلطتي وسط العمل ..محسوبـه
حاولت انا بشتى الطرق اقيس سـرّ اعجابـي=يوم ان شعرت اني ضحيـة خطـة ٍ ملعوبـه
بس البلا من طحت محد ٍ بالهوى " سما بـي"=طيحة حكيم ٍ يـوم خانـه هرجـه وأسلوبـه
أخـاف تهـدم عينهـا مستقبلـي ..الايجابـي=من بعد ماكنت انا ابني الحلم طوبه ...طوبه !!
اول مديري يشتكـي لاشـاف كثـر غيابـي=واليـوم أداوم لـو تزيـد اشغالـي المطلوبـه
تكفى وانا لاقلت تكفى وانت تعـرف ..مابـي=أخاف قلبي لاتصيبه من حلاهـا ...نوبـه !!
لامرت بوسط القسـم يصيـر جـو أرهابـي=ويطري عليّه أندلاع الحرب في " بعقوبـه "!!
سألتها من دللّـك يابنـت ..قالـت : بابـي!!=ومن يوم قالتها وأنا ابلع ريقي ..بـا أعجوبـه
جمالها غربي وانـا ادري جدهـا " اعرابـي"=ومن " الغنج " يوم ان تسولف كنها مغصوبه !!
حسبي عليها لا اخرجتني عـن نطـاق آدابـي=وخلت شعوري بالقصيد يبين مـن مكتوبـه


آآآآآآآه يا سعود............

قد يكون حظي افضل من غيري لاني استمتعت بسماعها منك شخصيا.........

ابو صالح ابدع ليبقى نفس قصائدك في كل رائعة من روائعك............

صح لسانك مليوووون...............

[سعود السيف]

الله الله الله ياسمي


انت شاعر لايشق له غبار ..


والله ليا منها ازعلـت تضيـق فينـي ثيابـي
............................وامشي وانا آهذري ولابس "غترتي" مقلوبه !!

والله يلوم اللي يلومك


.
.
.
.
.
.
.
.
.

موظفـة بنـك" وذبحنـي زولهـا الجذابـي
.................ومديرها لو يستحي ماحطها .." مندوبـه "؟؟!!
جتني وانا موظف معاها ماحسبـت حسابـي
....................يعني موظف غلطتي وسط العمل ..محسوبـه


ياخي حنا رحنا فيها وحنا ماحنا عزابيه






صح لسااانك مليون ولاهنت



دمت بخير

[سعود العواجي]

الاخ الشاعر / اورنس الهذال

مرورك شرف لي ..



تقبل تحياتي

[سعود العواجي]

صديقي / ابو راكان


مرورك شرف لي ووسام على صدري ..


كلامك اخجلني وتواضعك الدائم هو سر نجاحك ..


سلمت وسلم قلبك .

[سعود العواجي]

الشاعر الاستاذ/ عبدالله المعزي


كلامك يشعرني بالفخر والاعتزاز ..


وان دل فانما يدل على صفاء قلبك



سلمت اخي

[سعود العواجي]

الشاعر الرائع / تركي صالح


شكرا لك وعلى اطراءك الذي اخجلني ..


تقبل مودتي يابو صالح

[سعود العواجي]

الشاعر المشاغب / عبدالله عايد


مرورك شرف لي وكلامك الرائع ينم عن بياض قلبك



سلمت وسلم قلبك