اقتباس:
المشاركة الأصلية كتبت بواسطة مزيد المزيد
اسعد الله اوقاتكم بكل خير
هناك من يعشق (( اللوم )) ويحرض على (( التطنيش ))
وعبدالله عايد أحدهم
عبدالله عايد يلوم القلب باحبابي=يقول طنش وراس المال بنوته
مايدري ان الغلا سواني ارهابي=والقلب يمشي على كيفه بريموته
ولايدري ان السهر وسم لي اهدابي=من طول ليل العنا والعين مكبوته
ومايدري اني إلا طولت بغيابي=يرسل عتابه علي بنظرة سكوته
وان قمت اسولف وابرر له عن اسبابي=يمش دمعة عيونه في طرف كوته
وهذا هو اكبر دليل ان الزعل ذابي=لاطاح دمعه .. وشفت الموت من موته
اضم يده وابرهن له عن اعجابي=يا لولو البحر يا مرجان .. ياقوته
اتبع هوى خاطرك واجيك منسابي=مثل انسياب الشبح لازمّ كبوته
وليابتسم لي اضيع وتثقل ثيابي=اذوب مع ضحكته وادوخ في صوته
لله در الدلع لاصب باعصابي=واستنشقتها عروق القلب مبهوته
.
.
.
.
.
.
.
.
.
وان قال لون الغروب احمر بعنابي=اقول لون الشروق احلى من وقوته
لاشع نورك .. ظلام الليل يرتابي=ماكنه الا شفاتك وانت من توته
.
.
.
.
.
.
.
.
.
يعني كذا باختصار القلب منصابي =واللوم يزرع قنابل جرح موقوته
لكن تجمل يابوعايد عن عتابي=وناظر هنا صورته بالصدر منحوته
واشوار مثلك باسكر دونها بابي=وفر كلامك .. وكل ٍ مونته قوته
ولا انت ابن عمي ومن خيرة اصحابي=ماودي ازعلك من شان كتكوته
ومادمت انا حي مايبكي من غيابي=وان مت تكفون حطوني بتابوته
|
.
.
.
يا سلام عليك يا
مزيد المزيد
عز الله انك صغت القاف على أصوله .. الله لا يضرك
.
.
قصيدة أنيقة ورقيقة
لم تغفل فيها عن إمتاعنا في أغلب صورها
بل إنك أمددتنا بنبضها الموسيقي
يصح لسانك وفكرك وبوحك .. ولاهنت
الله يستر من هالكتكوته
.
.
الشكر والعرفان موصول لـِ
عبدالله عايد
تقديري
هيــــااااا
09/05/08, (05:08 PM)
العرض العادي
