سجل حضورك بأبيات ارتجالية

[سعد النفج]

الدم ينزف من حشاها و يسكنها ألم ..
بعد الشموخ / اليوم بادي عليها الاختلال ..

ما نملك الا الدمع و الحزن و حروف القلم ..
على الهنوف اللي جسدها تعرّض للقتال ..

في سوريا / ماجور باللي حصل لك يا علم ..
ضميت دمع و دمّ / و بعينك تشوف الظلال ..

الطفل يِنحر و العروبه لها سيف انثلم ..
الحكم طاغي و انتظار المعونه ليه طال ؟



ابيات ممزوجة بدموع الحزن و الحسرة ..

[سعد النفج]

يضيق صدري و اتحمل و اعيش الاحتراق
و الناس ما تدري وش اللي مضيّق عيشتي


حتى الزقاير لو تنسيني اسباب الفراق
و الله لا اولعها و اولّع وراها شيشتي

[الطيف المهاجر]

الف شكر قصيده جزله

[غموض الشمال]

خلك بغيري لاهيٍ وش تبيبي=موضه قديمه وانتهت من حياتك
ماشفت من قربك ياغير المشيبي=وكثر الجروح اللي سببها سواتك

[سعد النفج]

رفيق وقت اللازمه حر يندز = و رفيق مثل السمّ داخل وريدك
بعضهم بخوتك يبغى يترزز = و باللازمه ينكرك / ما هو مفيدك
يطوي صحايف مامضى و يتعجز = ما ترتكي به عقب ما هو سنيدك
لكن حذاري يا محمد تنرفز = اضحك بوجهه لو يحاول يبيدك
بعض البشر يبغا له لحيم مع رز = و تلقاه جنبك واحد ٍ من عبيدك

[محمد بن موسى]

تعبت من ترديد .. بكرا .. وبعدين=يـمـكـن يـزيــن الــحــظ يــانــور عـيـنــي
تـعــبــت اعـــــدل مــايـــلات الــمــوازيــن=واخـفـي ورا البـسـمـات حـــزنً دفـيـنـي
الــــى مــتــى هــمــي وحــزنــي رفـيـقـيـن=مـعـي عـلـى طــول الـدهـر والسنيـنـي
حتـى الــذي اسـمـه بـوسـط الشرايـيـن=وكنـت اذخـره عنـدي حــزام وعويـنـي
قــام وطـعـنـي وادمـــع الـقـلـب والـعـيـن=ونسـى مـع الطعـنـه غــلاي وحنيـنـي

[محمد بن موسى]

.
.


القلب نضّجه الغلا واللحم ني
............ والشوق اوقد بالمحاني سعيرة

شوقي تعدا شوق شالح على مي
.............. اللي كتب من قصة الحب سيرة


.
.