سجل حضورك بأبيات ارتجالية

[سعد النفج]

يشكي علي همومه اللي بصدره ..
ما يدري ان صدري تغطيه الهموم ..
يشكي علي فراق خله و غدره ..
و انا بصدري غدر الأيام مكتوم ..
اللي قبل يومين بالقلب قدره ..
تزعزع و يا شين تقديره اليوم ..

[حشر الغضيان]

مثل الحســـاب ارد انا حــــــرف وترد
بالضبط واحد زايد الـــــــــواحد اثنين
.
.
بنت(ن) لها تقـــــدير زايد مـــــع الود
احرص عليها مثل حرصي على العين

حشر

[مشهور الرشدان]

يالله تغفرلي تكفى ياربي = وتغفر عن اللي عنده اخطاء وذنوب
الادمي من كل ذنب امتعبي = وخيرالاوادم من بعد ذنبه ايتوب
وانا رجيتك والهواجس تهبي = يالله ترشدني على المنهج الصوب
نويت انا اترك لحيتي لا التربي = وعزمت اغض العين عن كل رعبوب
ومن اولن بريت بامي وأبي = لكن بزيد البر واقصر الثوب

[محمد دعسان]

نوب اجتهادك يدخلك في متهات
..............وبعض الحماس احيان يصير ضدك
وحيان لك لهجه والناس لهجات
..............وحيان تخذل من صديق ويهدك

[محمد بن موسى]

كل عام وانت بخير يا اعز مخلوق=وكـــل وانـــت بـألــف صـحــه وســلامــه
يامنـبـع الاحـسـاس والـطـيـب والـــذوق=يـالـلــي مـلـكـنـي فــــي غـــــلاه وغــرامـــه

[سعد النفج]

اشيل حمل فوق الامتان لا يمكن يطاق ..
سنه و انا متحمل الوضع .. يا سم الجسد ..

حاولت اعديها و اعدي بنود الاتفاق ..
و اعوذ بالرحمن من شر حاسد لا حسد ..

الناس هذي عايشه بين حرقه و احتراق ..
و أعز واحد كل ما ترفعه طاح و فسد ..

[غموض الشمال]

ياقلب هون عليك الهم والضيقه=لابد ماتنفرج من بعد الاياسي
تنسيك الايام حلمن صعب تحقيقه=وتنسى مع الوقت من ذكراك متناسي
لو كان لوعة فراقه شي ماطيقه=وفرقاه نست عيوني لذ الانعاسي
حرام لجله ماهل الدمع واريقه=لو ضاق هالكون وضاقت معه الانفاسي
ماهمني صدته وان زاد تشويقه=اليوم قلبي صخر من شدته راسي