حروف متناثرة ارهقهاا الزمان

[محمد بن موسى]

اتصدق ؟! احبك من أعماق الأعماق=حبك دوى كل الجروح العطايب
يانشوة الحب الذي مابعد فاق=يا من له دموع المحبه سكايب
شعورك الدافي يعانقني اعناق=شعور طاهر مادخل به شوايب
الله مااحلانا بهالكون عشاق=اثنين بس اثنين غير الحبايب

[محمد بن موسى]

ودي على وصله وحبه على طول=لكـن مقـاديـر الـزمـن إبعـدنـه
واليوم بالي من سبايبه مشغـول=في ذمتي وصله علـى القلـب جنـه

[محمد بن موسى]

ليتك تحس بلوعة الشـوق فينـي=حتى تعرف القلب وش كثر يغليك
ياللي سكنت العين واتعبت عيني=اسهرتها واتعبتها لاجل ترضيـك
تعال لاتقطـع رجـاي وحنينـي=والا تذكر كيف انا اهواك واجيك
جيتك بطيب وحب والله يعينـي=وكل القصايد صغتها لاجل عينيك
ابي الرضا واطلب عسى تهتويني=وترد صوت من ضميري يناجيك
ومن كان له حيله بها يستعينـي=وكل الحيل ضاعت وبين تجافيك
ابليـس ارسلتـه يحببـك فينـي=رجع لي الملعون متولـع فيـك

[محمد بن موسى]

من كثر ما ني مغرم فـي معانيـك=حفظت لك شعرك قصيده قصيـده
سيد خفوقي جيت لك ميـت فيـك=والقلب ما يشفق على غير سيـده
ولولا الحيا لأزعج بصوتي وأناديك=وأعلن هوانـا للبشـر بالجريـده

[محمد بن موسى]

يا عين هلى و استهلى وهاتـى=هاتى غزير الدمع لا تذخرينـه
خليني انعى فى حياتى حياتـى=ودفنتهـا مـع غالـى دافنينـه
قلب من اللى شاف يا عين ماتي=قلـب تعرفينـه ولا تجهليـنـه
كم ليلة حـرم عليـك المباتـى=يسهرك ويساهرك وتساهرينـه

[محمد بن موسى]

ادفع ثلاث ارباع عمري لجل يوم =اجلس انا وياك واخذ كثريك
واليا حصل يومين الله من علوم =واليا بغيت سنين انت وضميرك
تراني استاهل وانا منك محروم=لاتحرم اللي منتظر مد خيرك

[محمد بن موسى]

ياحروفي سطّري من شعوري والغرام=وارسميها صـورةٍ للحبيـب معبـره
تحمل اسمي واعتذاري وكل الاحتـرام=من خفوقٍ بيننا كـل حـرفٍ يذكـره
ليتها تقرا حروفـي وترسلّـي سـلام=نشوة الاشواق فاقت حـدود المقـدره
من جمال حروفها كنها ترخي اللثـام=شفتها بأسلوبها دون الكـام اهكّـره
كل ماتدخل على المنتدى يحدث نظـام=يحذف الكوكيز الاعضاء وأسمه يظهِره
كل قسمٍ تتركه ينقلـب نـوره ظـلام=تاقف الهاكات لجله خشوع وتشكـره
في حضوره دايما تشبه اصحاب المقام=احترازيـا تكـون الـردود مسكّـره