ركني الخاص (كلمات منتقاه)

[النايفة]

تعبت اسولف لك وانا ماتكلمت
اسكت وانا اترك عيوني تكلم
لاتفهم احساسي ولا تفهم الصمت
مدري وش اسوي علشان تفهم
ودي اقول فيوم كم فيك انا همت
لكني خايف خايف اقول واندم

[النايفة]

اهداء خااااااااااااااااص

صارحني الله يرحم الشوق والكبت
الحب موضوعه طلع من يديني
تفقدني لياغبت وافقدك لاغبت؟؟؟؟
هذا دليل انك مثل نون عيني

[النايفة]

خويت عروش الكرامه يا مضيف الركاب
ولا عاد تلقى السعه في نفسي الضايقـه
هذي ظروف الليالي يا عزيـز الجنـاب
أقدارها موجعـه لـو شفتهـا رايقـه
فقدت بشت الذرى اللي له تعوج الرقاب
وغديت فالوادي اللـي جنّـه موايقـه
أنفث مشاويح روحي في حلوق الذياب
وأهيم من ضيق صـدر وعلـةٍ عايقـه
ويا اللي نقشتي بيوتي مثل نقش الخضاب
على طرف شيلـةٍ ف/مـوّرّدك لايقـه
ورايعت بين الحلايا والثمـان العِـذاَب
يا شبّه ضامر من اغلى هجن أبن مايقـه
لو كان ودى عتب نفسك علينا وجاب
نفسي لصكات بقعـااا ماهـي بفايقـه
تدرين من يستحقْ يذوق شلفـا ذيـاب
مـن يـزرع الطيّبـه فالعالـم البايقـه

[النايفة]

سولف وهات أيديك وأستغفر الله
بغيت أجيب العيد والعيـد تـوه
يقطعك يا وصلٍ وراه ألف علـه
ويقطعك ياحـبٍ بليـا مـروه

[النايفة]

ياهيه وش داعي التطنيش والسلـوه
وأنا ضميري عليك تحـنْ بـه فطّـر
المشكله مع غثا التفكيـر والخلـوه
قلبي يا مال الغنيمـه منـك متفطّـر
يا أقسى من العرعر اللي في جبل قلوه
وأرهى من الحاتمي لا جولـه الخطّـر
حبل المواصل مابين الخاطرين ألـوه
كلش يمشىّ ~ سوى في كسرةْ الخّطر
وشلون أبنسى الرطب وعذوقه الحلوه
لاسرسبت من نضاج وقامت أتقطّـر
اللبس يا ما أندره والمسك يا غلـوه
ماكنك الا تغيـض شياكـة البطّـر
محتاج لك حاجة المغـروم للجلـوه
ولافيه حاجة تعادل حاجة المضطّـر
الجم راهي وضميانك فـرى دلـوه
من كثر ماهو على ساق القدم ينطّـر

[النايفة]

لافي يدي قوة ولا شـي مآمـول
الا مسافيـط الـوزى والحـروره
أغيب عن واقع به الصدق مشلول
لو السما من تحتها الأرض كـوره
وأرجع على طاريك وأقول لاحول
يالعنبـو ظـرفِ منعنـي لا أزوره
العذر بعض أحيان ماهوب مقبول
لو الحرام يبـاح عنـد الضـروره
مانيب من يتبع حركات أبالهـول
اللي تسولف في غبـاه البـزوره
من يوم جوالك له أسبوع مقفـول
وانا معاليقـي عليـك آمحشـوره
ماني مصدق بك ولاهوب معقول
تنهي علاقتنا على شـان صـوره ؟؟؟؟

[النايفة]

شكرا جزيلا بس قدام تقفيـن
ماكان أصـلا للمحبـه مبـرّر
روحي فمان الله ياللي تقوليـن
أني بحبـك مستحيـل أتضـرر
غلطة وبدفع جورها سنين ودنين
وفي سد وجهي حالف ما تكرّر