سجل دخولك للمنتدى ببيت شعر اعجبك

[صالح العرجان]

**سلام!, ولا لبست من القلوب اللي عرفت أسمال
عدا قلبٍ وعدت أصدفْ غيابه، مثل هالليله

**أخاف من الكلام اللي بغيت أقصاه، ما ينقال
وأبقصر فزعةٍ قامت،، تطارد بالحشا خيله

**عتابٍ يابسٍ !، في وسط صدري ، ما قواه الحال
سقيته مزنة الصبر الطويل!,, وعوّد بسيله

**

[نجلاء محمد]

كيفك وش الأخبار ويـن ماتنشـاف
توقعتها بعد الفـراق وكنـت ناويهـا


لو ماتبيني قـل ماأبيـك ولا تخـاف
ماهوب غصب وعهدٍ عليّ مارجيهـا


عزة النفـس فـوق كـل ماطـاف
ومأعطي حياتي الا بالكفـو مغليهـا


وشدتني الذكرى على هاوية الإنحراف
ياتلحق علي ولا كل الذكريات امحيهـا


وعلى كف الهوى بأوجهلك اعتـراف
غيرك عطاني الروح وقلـت مأبيهـا

نجـــــــلاء

[صالح العرجان]

**

بنت البياض .. غصونها محنيـه
ناظرتها سالت حيا بإحساسـي

**

لو تدري انها بالهـوا معنيـه ؟
يغمى عليهـا ذايبـه بانفاسـي

**

كنهـا تخـاف بحصـة الفنيـه
يرسم ملامحها عبـث كراسـي

**

لوبرطمـت بالشفـه المثنـيـه
يزعل على عيني لذيذ نعاسـي

[هيـاا العـازمـي]

الرائع سالم السيار


عسى مازعلتك البارح وزودت الجراح أجراح
عسى مامرت الدمعه على أهدابك من أسبابي

جرحتك من كثر شوقي وخليت ا لكلام أرمـاح
ولادري شلون يا عمري طعنتك حيل بعتابـي

بدون شعور صدقني ترى كثـر الغـلا ذبـاح
تعال وشوف بغيابك غـلاك شلـون سوابـي

حرام تغيب من عمري و تعطيني الفراق وشاح
حرام الدمع في عيني مناديلـه هـي أهدابـي

غيابك يشغل عيون الزوايا وأمتلـي اشبـاح
وأنا أنثر صوتك بقلب المكان و أشعل أبوابـي

تلفت للأمل دام الرجا فـي عمـري الملـواح
اناديلك ولو شرهة وصولك تقطـع أعصابـي

أبيك الجاي من عمري أنا مابيك شـي وراح
مدامك أجمل وأول وأخـر و أجمـل أحبابـي

أبي أرتاح ياعمري وأنا ادري هم تبي ترتـاح
تعال وقبل ما أفرح ترى تفـرح بـك ثيابـي

أحبك يابعد عمر الحـزن والجـرح والأفـراح
أحبك كثر ما نامـت عيونـك داخـل أهدابـي

مع الاعتذار للإسترسال بالأبيات



هيـــاااا

[صالح العرجان]

ياسهلها عند الحسود الظليمة
اسهل من القرطوع من در الابكار


رفقاً (بكم) ياهل الحسد والنميمة
ترى وراكم قبر ياعالم ونار


وانتِ لك الله ياالنوايا السليمة
هو العزا للقلب عن كل ماصار


لوكل طقة ذقتها بتْعَليمة
يمديني دكتوراة مع سبق الاصرار

[هيـاا العـازمـي]

.
.
.

يا عونة الله ما بقـى شـي مـا راح
مدري ألـوم الوقـت ولا ألومـك

جيت أشتكيلك من عنا الوقت أبرتاح
لقيت نفسي تشتكي مـن همومـك

جيتك وقلت بعالي الصوت يا صاح
بالله ساعدني تـرى اليـوم يومـك

لا النفس مرتاحه ولا القلب مرتاح
حسيت نفسي واحدٍ من خصومـك
.
.
.

[شمــــــــوخ]

::


ليتــك رخيـــــصٍ عنــدنا يوم قفيـــــــــت
,, ليتــك مثل غيـرك من النـــــــاس عـــــآدي .!!


::