ركني الخاص (كلمات منتقاه) - الصفحة 36 - °~*¤®§(§ شبـــكة ويــلان العـربـيـه §)§®¤*~ˆ°

**النايفة** · 01/07/10, (03:30 AM)

جرّيـت طاروقـك وحبّـيـت اجـاريـك
وجاريتنـي وغيّـرت طــرق القصـيـده
وابشـرك مـن يــوم خلّـيـت مغلـيـك
بـدعـت لعيـونـك قصـيـده جـديــده
موضوعهـا ؟... مانـي بذاكـر خوافيـك
يـوم اوضحـت لـي فالظـروف الشديـده
وتعبيرها ؟ .... لا تطـرد اللـي مجافيـك
وعانـد .. ليـا شـفـت الاوادم عنـيـده
يعني قبـل لا اجيـك ((بالخيـر امسّيـك))
اشعـل غـرورك وافعـل اللـي تـريـده
ولا تحسبـنّـي يــوم تقـفـي ابدعـيـك
لا والله ان هقـوتـك مـنّــي بـعـيـده
تـدري وش اللـي ردّنـي مـا انـاديـك
نفـس" تقـول (الــذل نــار" وقـيـده)
ابـدفـن المعـنـى وابغـبـن معـاديـك
ولا تلتفـت يمنـاك .... والـدرب سـيـده
واحذر .. تحـدّد ويـن وجهـة مساريـك
دامـك وحيـد" مـا عـرف مـن عضيـده
هـاك الـكـلام الـصـدق والله يعافـيـك
كـلام" اصـدق مـن كــلام الجـريـده
ومن شان .. تصرفلي .. ليا احتجتلك ..شيك
((بنـك الوفـا )) لازم تــزوّد رصـيـده
الاّ علـى طـاري الـوفـا لازم اوفـيـك
يـوم الوفـا ذا الوقـت خصـلـه فـريـده
صح ما نسيتـك .. غيـر مانـي بناصيـك
هـذي الصـراحـه والعـلـوم الوكـيـده
تبغى السبـب؟ لا قلـت مانـي بناسيـك !
لانّــك مـدرّسـنـي دروس" مـفـيـده
ودرس الغدر .. خلاّني .. اقفي ولا اجيـك
واقول لـك مشكـور((فرصـه سعيـده ))

**النايفة** · 26/07/10, (01:40 AM)

قل للقلوب اللي تحدك على اقصاك
إنك معي لو شمس الاحلام غابت
وقل لليدين الي تبي لمس يمناك
ايديك نامت في يديني وذابت
لايحترون فراق قلبي وفرقاك
اللي هقا الفرقا هقاويه خابت.؛×
حطيتك بعيني علشان ماانساك
وناديت لضلوع الغلا واستجابت..!

**النايفة** · 26/07/10, (01:44 AM)

آشتقت ؟أوما اشتقت ؟لآ شكلي آشتقت
أبـعـترف .. / لو هي بحقي ( قويّـــه ) ..

جيتك ~|طريح آلحُبّ والهمّ والوقت ..
جيتك كِسير ,، وجرحي اسمع دويّـه ..

لاتسأل اش جابك .. أنا زيــن " لحّقت "
قلبي يدقّ شويّ .. وياقف ( شويّـــه ) ..!!

**النايفة** · 27/07/10, (01:12 AM)

إن جيت طاريك .؟ بمرّه ., ( مـرور الكـرام )..

لادقّ قلبـي ., ولاهـلّـت عيـونـي دمــوع
حتى السّلام .؟ إحتمـال أبخـلْ ., بـردّ السّـلام
لاكـان تسليمتـك .؟ بيـن الشّهـر والسّبـوع
بفـكّ ريقـي وأبفطـر عقـب طـول الصّـيـام
دمعتكْ .؟ فنجالي ., وفرقاك .؟ ( تمرة قدوع ) .!

**النايفة** · 27/07/10, (01:41 AM)

مشكله لا صرت من تكتب لها .. ذوّيقـه

ولا يجوز لها الكلام .. العابر .. المستهلك

عيطموس .. يحير شاعرها .. وينشف ريقه

في مفاتنها العذوبه .. والعذاب المهلـك!

**النايفة** · 27/07/10, (03:08 AM)

يمكن تقول احيان عني بخيله = ويضايقك مني جفاي وبرودي

ويمكن عشان اعذاري المستحيله = ماراح تستوعب سبايب صدودي

انت وانا ما احنا خليل و خليله = حدك كذا .. وانا كذيا حدودي

**النايفة** · 27/07/10, (03:44 AM)

يكفيني الاحساس لو ماتكلمت
والحمد لله يوم كان بمحله
صحيح لحظه جمعتنا وهي صمت
لكن عرفت اللي بخاطرك كله