"كـــــثر الغموض.. اللي سكني وضوحــــــــــــي"

[غموض الشمال]

نعطي ولا شفنا ياغير المخاسير=وكسر الخواطر والضياع بزمنا
نصافح هموم الزمن كل مانسير=حتى روينا بالهموم وشبعنا

[غموض الشمال]

خل العتب تكفى وطالع عيوني=تعرف بها وش كثر ماشتقت اشوفك
وتلقى علامات السهر في جفوني=من طول ليلٍ اسهره مع طيوفك
جيتك غلا واشواق لو يعدموني=لملم شتاتي حطني وسط جوفك
برد الشتاء قاسي وصدرك حنوني=جيتك انا واحساس قلبي ضيوفك
ومن عادة الطيب ضيوفه تموني=هذي كفوفي حطها في كفوفك
بعوض اللي فات معك بجنوني=وانسى معك هم المفارق واحوفك
ماشوف غيرك ولا اتمنى بكوني=ومن شان عينك جيت البي حروفك
ادوس لجلك غيرتي والضنوني=واعيش لجلك واتحمل ظروفك

[غموض الشمال]

انا ملكني بالغلا ( طيب الفال )
................راع الكرامه والشرف والشهامه
رجلٍ اماري به ليا عدوا رجال
.................بالطيب والنخوه وعقل وفهامه
عن الردى محشوم للعز ميال
...............يفرض على كل الوجيه احترامه
من رافقه مايلحقه ضيم بالحال
.................طاريه بين الناس يرفع مقامه
شاعر وله بالشعر باعٍ ومنزال
...................يملك مفاتيحه وعنده وسامه
به الوصوف اللي بها قلبي اهتال
.................عطاه ربي زين ذوق بكلامه
يعني اضيع ليا ندهني ولي قال
...................يحبني واني هواه وغرامه
والموت لاشفته وفي عينه امال
...............اذوب من نظره واحب ابتسامه
مالوم قلب لو ورى دربه اشتال
..............خل جميع الخلق ونال اهتمامه

[غموض الشمال]

طبع الليالي بالسعاده ماتدوم
...................تعكير صفو .. ايامنا طبعٍ لها

نموت ماطلنا .. بها ربع الحلوم
..................ونرضى بعد موت الاماني قلها

[غموض الشمال]

[غموض الشمال]

يارب هون علي من ضيق الايامي
.....................ظروف دنياي ماتقضي نوايبها

بالدور اودع جميل الفرْحّ واحلامي
...................ونفسٍ طموحه تنازل عن مطالبها

بالصدر همٍ توحد بي ومترامي
................... بيد ضلوعي وذقت حرور لاهبها

[غموض الشمال]

اعوذ بالله العظيم من شر كيد الحاسدين
................... اهل الدسايس بالخفا لو مثلوا دور الصلاح

يسعون بالفتنه عبث بقلوبهم حقدٍ دفين
..................... ذولا خفافيش الظلام يهيبهم نور الصباح

مانالوا اللي ودهم يبقون دايم صاغرين
.....................اهل العقول الخايسه ليس عليهم من جناح