"كـــــثر الغموض.. اللي سكني وضوحــــــــــــي"

[غموض الشمال]

حسيبي الله عليكم ناس=هرج القفا ماتخلونه
هرج القفا عندكم نوماس =لوهو شويه تزيدونه

ابيات جائتني برساله من الغاليه نوف
لها مناسبه هذه الابيات
وكثير سمعت بها واعجبتني
فاجاريتها بهذه الابيات

يانوف بي ضاقت الانفاس=والنفس بالغبن مشحونه
والهم بالصدر ماينقاس=وبعيوني الحزن يقرونه
ماعاد بالخلق طيب احساس=والطيب بالشين يجزونه
من هرجهم صابنا وسواس=لو يترك الخلق يبلونه
وين الوفا وين طيب الساس=ليه اكثر الناس يجفونه
صارت مصالح ودور افلاس=ومن نافق وحش يغلونه
الوضع في هالزمن منحاس=بدوا هل الطيب ينسونه
والله واللي خلق هالراس=طبعي فلا اعيش من دونه
اشيم الجار والجلاس=واجنب الهرج وطعونه
واعطي ولا ادور النوماس=طبعي لو اموت ماخونه

[غموض الشمال]

خلاص راح وانتهى من حياتي=ولاعاد ابي ذكراه والله يهنيه
خله مع اللي به مسوي سواتي=باشيل حملي عنه من شان يعطيه
اول مكانه وسط روحي وذاتي=محدن وصله داخل القلب مخفيه
واليوم ودعته ولا ابيه ياتي=ماودي اشوفه ولا اسمع بطاريه

[غموض الشمال]

ابيات مداعبه للغاليه نوف ^_^
بمناسبة قرب زفافها الله يتتم لها على خير

شهر ثلاثه قد قرب=ونوف تشوف ايامه طالت
صامت لا اكل ولامشرب=ولهم الدقايق شالت
سوت كل افكار اتجرب=حتى بكثر النوم احتالت
واللي له تجمع تسرب=من زود النحافه مالت
صارت عصلا ماتنقرب=دمعة هم وحيره سالت
وفستان الزفه تخرب=توسع واشباره طالت
تابت عن لبسه تهرب=قالت ماهو لا زم قالت؟؟

عذرآ نوف ^_^

[غموض الشمال]

[غموض الشمال]

امـــوت ضـمـيـانـه / ولا اطـلـبــك / هــتــان
...............................يـبــل ريـقــي / عــقــب يــبــس / اللهاتــــي
مشاعر / ابن آدم ماهـي / طيـب يافـلان
..............................استعطـفـك تـرحــم/ بـهــا ضـعــف / ذاتـــي
والله لامـوت /ولا انتظـر منـك / الاحسـان
..............................لو ان / فـيـضـك مـثــل / نـهــر الـفـراتــي

الحب / ماهو فرض واجب / على انسان
...........................تــغــري بـمـعـسـولـه / جـمــيــع / الـبـنـاتــي
الـحــب روحٍ / تـعـشـق الـــروح / بـادمــان
...........................عــشــقٍ / يـنـسـيـك الـبــشــر / والـمـبـاتــي
الــحــب / لـقـلــوب / الـمـوالـيـف سـلــطــان
........................ذلـــل / عـزيــز الــقــوم / واصــغــر فـتـاتــي
هــذا هــو / الـلـي يوصـلـك / بـــر الامـــان
.........................حـــبٍ يـلـمـك / عـقــب طـــول / الـشـتـاتـي
ماهـو / غنـاوي حـب / جابـت خبـر كــان
.....................ولا مــســلــســـل / بــالــقــنـــوات / يــــاتـــــي
الحـب / مـات الـحـب / مــع نـمـر عــدوان
.......................مــــع الــزمــان / الــلــي سـبـقـنـا / وفــاتــي
والـيـوم / وقــت اللـعـب / والاســم خــلان!
.....................الــلـــي / بــقـــى مــنـــه / لـــنـــا ذكــريــاتــي

[غموض الشمال]

ابعدت انا اكرهك..واليوم اكرهك اكثر=واستغرب انك..ملكت القلب واعجابي
انشهد اني..عشقتك في زمان اغبر=نعطي ولاناخذ..الا غدر الاحبابي
زرعت حبك وسط..قلبي ولا اثمر=وليتك القلب..وانت شعورك ارهابي
فجرت موقع..غلاك وانت لاتشعر=انك ذبحت المحبه .. والرجا خابي
ماجابك الا شقاي.. وحظي الاقشر=واللي نصحني عن ..دروبك تشفابي
طلعت من تجربة..حبك وانا اصبر=قفلت كل الدروب..وصفحة اكتابي

[غموض الشمال]

مرتاحه اعيش بالدنيا بلا صحبه=وش لي بناس تغث البال صحبتها
الكون واسع وارض الله بي رحبه=وخل النفوس الخبيثه في خباثتها