ركني الخاص (كلمات منتقاه)

[النايفة]

لا تخاف منـي ومـن قلبـي اذا ونـي

أكيد مشتاق لـك يـا غايـة مـرادي

ما يتعب القلـب غيـر الشـوق لكنـي

أصبـره بالقصيـد وصوتـك الشـادي

أنا أحبك وأحبـك مـن صغـر سنـي

ما أبالغ إن قلـت مـن يـوم ميـلادي

أكبـر ويكبـر غـلاك اللـي مجننـي

غصب(ن) على عيون حسادك وحسادي

[النايفة]

ان كان شفتي في وصالي لك احراج
في صمت احبك بين نفسي وبيني...

[النايفة]

حرارتي تسع و ثلاثين من دونك
و ضلوعي العوج من دونك لها حنه
وعيوني أيتام من خلتني عيونك
إكفل يتيمين وادخل فيهم الجنة

[النايفة]

ما كل شق بسلـك وابـره بنرفـاه
وما كل سودا ياأبيض الوجه شامه
من راح يا عـل السلامـة تقفـاه
حقه على ما قيل .. لامـه بلامـه
غلطان كانه يحسب انّـا خسرنـاه
حمامة طـارت .. بدلهـا حمامـه
اليوم كل شرهتـه حـد .. يمنـاه
لابوه طيب .. ولعنبوهـا شهامـه

[النايفة]

أهيم لو ينذكـر طاريـه مغتـره
ويفز قلبي على طاري بني عمـه
ياطير قله يشوف الحال لو مـره
راعيك ماهوب يمي مير أنا يمـه
الجمر يصلى بصدر ضاق من حره
والعاشق اللي يـوده فايـر دمـه
لبست ثوب الغرام وقلت لـه زره
ويمد كفه ولا كن ما نطـق فمـه
هو تاج راسي و ابيه بخيـره وشـره
سمه هبال وجنـون زايـد وسمـه
الحر هوغاية تسعى لـها الحـره
والنايفه تعشق النايـف وتهتمـه

[النايفة]

الطعنه اللي حاولت تاخـذ الـروح

ما خلت بصدر الشمالـي مساحـه

ياضيقةٍ صارت معي وين مارووح

بعض الصراحه منك توجع صراحه

بعض الجروح نحبها لو هي جروح

يسعد مسا جرحي ويسعد صباحـه

[النايفة]

ياربّ سامحني على الكذب ياربّ
........... وأغفر لي ذنوبي على كثر ما أخطيت

ياكثر ما أكتب في قصيدي عن الحب .!
.............. وأنت تعرفني ما بعد يوم حبيت ..!