سجل دخولك للمنتدى ببيت شعر اعجبك

[شمــــــــوخ]

.

.


مـَـدْخــَــل ْ :


قمت ازهم الطـاروق بينـي وبينـي
واستغـــــفـر الله مـن نوايـا جنونـي

واعــــــوذ بالله مـن " بقايـا حنينـي "
خايف مع الايام " تغـري" شجونـي

احس فيني ! ما بقــى شـي فينـي !
حتى الطعون احسهم مـا يبونـي !!

الحزن .. اشوفه واقف(ن) يحتريني
وهناك .. حلم(ن) يحتضر في عيوني

والجرح .. في كل القصايد يجينـي
يكبح على رمشي ويسهـر جفونـي


؛

[صالح العرجان]

لو تستحي من فعلها ايامي السود
........................... كان استحت مبطي ولا طال صبري

قدمت بالموجود لخاطر الجود
........................... لين التفت ولابقى شي حدري

عطيت من عمري ولا شفت مردود
........................... ياللأسف للناس ضيعت عمري

واذا افرحوا واجد على طيحة العود
........................... هذا دليل انه فعل شي يغري

بوقف لحالي واتبع الطيب والزود
........................... اشره علي ان صغر الوقت كبري

ماني على بعض المخاليق محدود
........................... اموت مانزَلت للناس قدري

[عبدالله الحمادي]

تمر اللحظة بغيابك عشر ساعات = وعشر ساعات بحضورك تقل لحظة

[صالح العرجان]

- اذكـر اول خـوف كـيـف اجـتـاحـنـي مـنـك : ومـنـك مـا اخــاف !
- كـنـتـي تـقـولـيـن : مـالـي ذنـب بـس الـنـاس يـمـلاهــا الـعـمــى ..

- كـنـت انـا اشـعـر بـك كـثـر مـاالـصــدق مــا يـنـســى اعـتــراف
- انـك اصـل الـصـدق فـي اوقـح مـدى كــذاب يـمــلاه الـضـمــا

- بـعـدهـا مـن الـتـيـه جـيــت بـلاشـعــورٍ لا ولاحـتــى ضـفــاف
-( طـفـل ) قـلـتـي لـه احـبـك قـبـل مـا يـقـول ومــن الـفـرحــة هـمـا

- كـل مـا يـذكـر [ سماك ] يـمـر طـيفـك غـيـم يمحي بـه جـفــاف
-كـل مـا يـرقـا ظـــلام و مـــس مــنـــك نــور بــالارض ارتـمــى

-عـدّل الارض بـــخـُـطـاه بـــما ضـوا مـنـك : ولا اخـلـى انـحـراف
-انـتـي عـلـمـتـي الـطـفـل يـتـشـعـبـط الـجــدران , يـتـمـنــى الـسـمــا ..

-يـشـاغـب الـنـجـمـات يـرمـيـهـن بـأحـجـاره , قـبـل حـتــى الـقـطـاف
-يـجـمـع الـنـجـمـات يـتـمـنـى يــعـلـقـهـــن عـلــى دربــك [ كـمــا .. ]

[سعوط المجانين]

شفتك معه واقفيت عنّـك وصديت = اخاف اموت من القهر في مكاني
مبعد ولابك ياهوى البال ظنيت = انك تولع في هوى خل ثاني
واليوم عن حب الحبيّـب تخليت = مادام شانه مايوافق لشاني

...

[صالح الجطيلي]

المشاركة الأصلية كتبت بواسطة فايز البذيلي

صح اللـــــه لسانكـ

صح الله بدنك يا فايز

ان دل هذا يدل على ذوقك شكرا لك من القلب

دمت بود

[صالح الجطيلي]

لا ياوجودي وجد من طاح مرضـان=ومن كثرت اوجاعه عجز لا ينامـي
ولا يا وجودي وجد حافي وعميـان=والي يقوده من غثا الوقـت عامـي
سارو على شوك الكسايف والاحزان=ودرب السلامه راح مامـن سلامـي
على حبيب(ن) غاب واقفى وخـلان=وقلبي خليـط بيـن هجـر وهيامـي
امبيسم(ن) مرسوم والوجـه لا بـان=بـدر عليـه العلـم يـوم التمامـي
ولا شفت خصره قلت مسكين جوعان=وشعر كما ليـل كسـاه الضلامـي
ومشي المقيد فـي كلبشـات سجـان=سبحان مـن سـواه مشيـه نظامـي
وسط الحشى يملك مقـر ومسكـان=وزوله يجينـي كـل يـوم ابمنامـي
واليوم من فرقاه بـا القلـب نيـران=تصلى الحم وتذوب منها العضامـي

(( صــالح الجطيـــــــلي ))