سجل دخولك للمنتدى ببيت شعر اعجبك

[صالح الجطيلي]

الله ومــر با الوصل من بين الاقــراب= وحنــــــا بــــوقتن زايدن با القطيعه
ونا من اللي شفت با الحيل منصاب = وضـــاقت علي الارض لو هي وسيعه
يابـوي انا من صدتك عارضي شاب=وحطيت في كبدي جروحن شنيعه
ماغير اهوجس مثل منهار الاعصاب= انا اشهد ان صدتك عني وجيعه
ولا لقيت لها تفاسير واسباب = ومعاتبتك محرمه با الشريعه
شفت المهونه من من شباب وشياب=ونا عن الحقران نفسي رفيعه
لانيب (( ؟؟)) ولانيب كذاب = ولا لي مع الانذال شريه وبيعه
يا بوي افك الباب وتسكر الباب= وخصيتني يابوي في ذا الطبيعه
حتى اصغر الاخوان كشر لي الناب=ما كني الا بايقن لي وديعه
ولا احدن خذالي شور في كل الانساب= يا ((الله))دخيلك من حياة الهزيعه
ويوم النزايل يا يبه صرتو احزاب= احدن نصى الهيضل واحد با البديعه
ترى المعونه جات من رب الارباب=لاحدن يحسب اني برجوى صنيعه
لاكن ابي جمع القرايب والاحباب= قدام كلن يغلق الموت ريعه
صارو اخواني عند ورعاني اغراب=شي يولع في ضميري وليعه
الى اسألوني يغرق الدمع الاهداب=يا الله عسى من لامني للفجيعه
يونس على كبده مثل عضة الداب= وارحم اعياله لا ومر ما يطيعه
يابوي طيرك له جناح ومخلاب= يحط في ربد الحباري فنيعه
ما هوب حق انك تحطه بسرداب= وتحمله من فوق ما يستطيعه
حطه على يمناك وتشوف الاعجاب= وافخر بطلعاته مع اهل الطليعه

[هيـاا العـازمـي]

السلام عليكم

وأسعد الله أيامكم بكل الخير والعافيه

مشاركة للآخاذ ثامر شبيب

يقوول فيها :

البارحه يوم اكثـر العالـم رقـود
................. عادت علي اللي تجي منين مـدري

الضيقة اللي كل ما راحـت تعـود
................. مكانهـا ما بيـن قلبـي وصـدري

ناسٍ تنام مدهنه في دهـن عـود
................. وناسٍ تنام مدهنه بزيت مقري ..!!

تقديري

هيــــااااا

[نجلاء محمد]

شفتك مع الي صار بعدي حبيبك .................واحتارت الدمعة بعينــي وصد يــــت

[مزيد المزيد]

على ضو الكلام اللي كشف عنا ستار الصمت = عرفت اني تحت برق الامل في روض الاحلامي
وانا احسبك تيمم باتجاهي وين مايممت = واثر منت بورايه بالطريق ولنت قدامي
مصيبه لاتدنت قيمتك في عين من قيمت = يشوفك بالسهل وانته تشوفه فالسما السامي
وكثر ماحن قلبي للونيس وكثر مادرهمت = فجر صدري حنيني واتعب الاقدام درهامي
عيون الصد ,, وعيون التجافي حول مهما اكرمت = تشوف المجتهد كسلان والبناي هدامي
ومادام ان جنابك شام لجنابي ,, وانت عني شمت = كثر خيرك وانا مانيب لاجايع ولا ضامي
ختااااااام السالفه ياطيب العشره كرمت ودمت = هذا حقك علي وحق شرهاتي على اوهامي
مصير الوقت يشرح لك دروسه وان غفلت ونمت = يصحيك الزماااااااان اللي يصحي كل من نامي

سعد بن جدلان

[ابو ريناااااد]

.



ماكل جرحٍ لاخـذا أيـام يبـرى xx بعض الجروح يزيد شره مع الوقت

متعب التركي

[صالح الجطيلي]

بعـدك عن اللي ما يعـزك معـزه = وصدك عن اللي يعتني بك ردى منك
واللي يعزك لازم إنّك تعـزه = وتعلن معه طول الليالي تضامنك
وللهرج حزات وللصمت حزه = ومن لا يعرفك معرفه ما يثمنك
وإن كان عينك كل درب تقـزه =إعرف ترى غيرك عيونه تعاينك

[صالح العرجان]

سلام الله على يام وسـلام الله علـى همـدان
سلام الله سلام توقـف الدنيـاء علـى شانـه

هنا يام العريضه منجـم الابطـال والشجعـان
هنا العز وهنا المجد وهنـا التاريـخ واعيانـه

هنا يوقف زمنـا باحتـرام ويعلـن الاذعـان
ليـا مرتـه هيبـة يـام والا صيـت صبيانـه

هل الحرب وهل السلم وجلا الظلم وعما العدوان
هل الخيل وهل الهيل وهـل المبخـر وعيدانـه



،، ،، ،،