حروف متناثرة ارهقهاا الزمان

[محمد بن موسى]

ياليت(..؟؟..) تعالج جرحي=واكتب بها مليون قصه وقصه
واهدي لها باقي هناي وفرحي=وقلبي لها نصه وانا لي نصه

[محمد بن موسى]

الشعر ماجيته وانا خالي أيدي=جيته وانا عندي استطاعه
جيت اسحبه من عتمة الليل للضي=واعطيه عن بعض الوجيه المناعه
اللي يحوسون القوافي من الغي=يبون فّن القاف واغدو سناعه
ما اقول بالشعّار ياصاحبي شي=كل(ن) حسب جهده ومدة ذراعه
احدن غدا شعره كما حاتم الطي=كريم سبلا للربع والجماعه
يسقيه من صافي ينابيعه المي =حتى وصل قافه لعّز ورفاعه
واحدن خياله بالشعر لّي مع طي=بيته رعاع وذابحه بالمجاعه

[محمد بن موسى]

احتــاج مـرات للتفكيـــر والراحــه =والغوص في حاضر الدنيا وماضيها
اطارد الليل في عقلي ومصباحه =واكتب على صفحة الذكرى طواريها

[محمد بن موسى]

ياللي تباريني على درب الاحساس=انا حضرت وخاطري فيه غصه
مدري علامك دوم تشكي من الناس=ومدري من اللي في بيوتك تخصه
مره اشوف حروفكم مثل الالماس=ومره احس الحرف جمرّ ترصه
حيرتني واحترت ياعذب الانفاس=اما تمّد الحبل والا تقصه

[محمد بن موسى]

لازم تعيش ولك هـدف فـي هالحياه=تفاؤلك "صحه" .. وآحباطك "مرض"
لاصـــــــار مالك فـي حياتك إتجـــاه ؟!=كل الجهات آظـن توفي بـ الغـرض

[محمد بن موسى]

نص قديم من الارشيف
له ذكرى أليمه ووقع في قلبي

سبق وان نشر في احد المواقع

مــاجيـت ادور ياحقـــيره على الّقــاب =وعمــر اللقـــب ماصـار غاية طموحي
لاوالـــذي انـــزل علــى محمـــد كتــاب=ماني على الألقــاب حـرص وشفـوحي
واثــق بشعــري وحافظه بين الاهـداب=وواثــق بكـــل حــروف قـــافي وبوحي
انـــزف درر للي لهـــم عقــل وأللباب=وارســـم على كبـــد المعـادي جروحي
انا الـــذي يفتـــح لكــــم بالشعــــر باب=ويـبـني لكـــم بالشعر عــال الصروحي
لكـــن مـــدام السالفــــه حكـــة الــناب=ومـــن قبــل وقــت السالفــه لا يروحي
بعطيـــك درس(ن) موجـــز بعلم الاداب=ومن ميـــزة دروسي شــديد الوضوحي
ماقلـــتها من شــــان تصفـيق واعجاب=ولاقـــلتها من شـــان ادواي جــروحي
ومـــاني على ماقلــــت يابنــت مـرتاب=ونفســـي ما تصغّــر للكلـــيب النبوحي
قـــولي لهـــم عني اذا خـــاطرك طـاب=ماقالـــها ضحكــــة ولاهــــي مـزوحي
يعـــني بهــــا اللي يلــتوي كنه الــداب=واللي معـّــود حضـــرتك للسطــــوحي
اللي يقــــول انه لكــــم ســـتر وحـجاب=ودايـــم على الشعــّــار صـــدره يفوحي
وجـــه الغـــراب وجاي من بيضة غراب=ما اشوفه اصلا(ن) لجل ارخصه روحي
والمســـأله ماهي على لـــون واللقــاب=ولاهـــي على تهمـــيش حــرفي وبوحي
المســـأله يبغـــــون تخضــــيع الارقـاب=وصعـــــبه عليهــــم عسفــهم للجموحي
ومـــاجيـت ادور ياحقـــيرة على اللــقاب=وعمـــر اللقـــب ماصـــار غاية طموحي
راضـــي بشعـــري وحافظه بين الاهداب=وواثق بكــل حـــروف شعــري وبــوحي

[محمد بن موسى]

عقب ( البطا ) جيت تنشدني عن اخباري ؟
...............للحين اراقب جروحي , هي متى تشفى ؟

مدري متى ( برقدك ) يـ اليلي .. السـاري ؟
...............و مدري متى ( طفلنا ) المشتاق لك يغفى

لا ( جنّح الليل ) جاني , هاجس اشعاري !
...............وشبيت لك هـ الورق يا ليتنا : ( ندفى ) !

عقب ( البطا ) جيت ياغايب وش الطاري ؟
...............هذي :- دياري حطام , ولا بها ( مرفى ) !

اسف على كل هـ ( الفوضى ) مع غباري !
...............انسان حطّم صروح ( احلامنا , واقفى ) !