"كـــــثر الغموض.. اللي سكني وضوحــــــــــــي"

[غموض الشمال]

ضيقوا صدري وهو ضايق بليا=من كثر ترديد انتي وش بلاك؟
قصدهم بالمسأله فيني حميا=كلن يدق الصدر جعله فداك
مادروا ان الألم كله هنيا!=في صميم القلب عامل اشتراك
المرض بالقلب ماسوا كذيا؟؟=ارفق من اللي احسه في جفاك

[غموض الشمال]

[غموض الشمال]

ياوجد حالي وجد طفلٍ على ابوه=خلاه من بعد الدلع والدلالي
من مات ابوه الزوج للام زفوه=والزوج ظالم مايريد العيالي
عند العمام لجاير الظلم خلوه=والخال قاسي مادرى عنه سالي
يهل دمعه كل ماجف بكوه=ضاقت عليه الارض والحظ مالي
باب الامل في و جهه مسكين صكوه=قام يتذكر حلو ذيك الليالي
على حبيبٍ قلبه اليوم قسوه=وابعد وفي قلبي من البعد صالي
ماهو رخيصٍ لو جفاني ونسوه=اللي عطيناهم علينا المجالي
يسيل دمعي كل ماعندي اطروه=ياوجد روحي له وياشيب حالي
باب الرجا في وجه مغليه صكوه=يبقى ولو مات الامل دوم غالي

[غموض الشمال]

يانوف مليت الشعر والكتابه=ومليت من كثر التصاوير مليت
ودي اهاجر واعتزل هالرتابه=واعيش عمري دون هم وتناهيت

[غموض الشمال]

ماودي حتى النوم ياخذك مني..
..........................اغار لاداعب عيونك والاجفان

حتى الشتا مابيه والسبه اني..
........................اشوف حولك من يضمك ودفيان

واغار من طفلك اذا له تحني..
.......................مكانته لاجيت في وسط الاحضان

وابوك وامك اغتبطهم واهني..
.......................(؟؟؟؟؟) رضيت او كنت زعلان

واحسد جماعتكم اليا غبت عني..
......................كل يوم معهم تقضي الوقت طربان

وانا عليه كل يوم التمني..!!
.........................متى تجيني وانت لشوف شفقان

ولا انتظر منك الرساله كأني..
........................من ينتظر مبروك من بعد حرمان

يعني ليا من غبت عنك استجني..
..........................لا تلومني وانا غريقٍ وهيمااان

[غموض الشمال]

الله يسامح خطاك..ويشفي مصابي=ويجف دمعٍ ..من اسبابك ملا عيني
قتلت فرحة وصالك..وانته ادرابي=ماغيرك اللي ..هموم الوقت ينسيني
تدري وجودك يعزيني..عن اقرابي=وغلاك يسري ..بدمي مع شراييني
مشاعرك بارده..ماتحسب احسابي=قسيت قلبي عليك..وجيت تنهيني
سامحك ربي ..كثر ماغبت وغيابي=لين الزمن..علمك وشلون تجفيني

[غموض الشمال]

يالله عسى هالعام خير بقدومه=ونودع ايام الحزن والتعاسه
والماضي اللي فات نطوي همومه=ونمحي من الذكرى غرابيل كاسه
ونخيل براقه ونرجي وسومه=يغسل بخيره جوٍ العج حاسه
وتصفي لنا الدنيا وخيرك تدومه=وتزهر ورود العمروتروي يباسه