انتم تختارونه

[سعد النفج]

المشاركة الأصلية كتبت بواسطة سالم صالح

ارجو ان تحوز على رضاكم

تخنقني العبرات من شين يشيب=وبركان صدري يثور غيض ونخاوي
وحزني اسرني وصار فيني مخاليب=حتى انقبر فيني وصارت حكاوي
اسلى واقول ان البشر هذي تطيب=وتخلي القالات وقول الحجاوي
بس البلا عندي وهمي وانا اجيب=والمنكوي كيه يبين بلاوي
همي ماهو حبٍ ولاهو طواليب=ولاني من اللي يشكي الجوع عاوي
خذ البلا عني وانا اقول ياذيب=شف البلا والجرح فيه السطاوي
اشوف ناسٍ دمها في لواهيب=صارت علينا وصار كلٍ خلاوي
الطفل شاخ من البلا وصوت ترعيب=حتى غشاه الموت والموت هاوي
لاوالله الاراحت فيها الرعابيب=بالذل باتت بين غصب وشكاوي
والقلب معها راح دمعٍ وتعذيب=ياويل حالي جرها بالعزاوي
واضلوع قلبي خذها بالفاس تحطيب=والهم فجر معها كل الكلاوي
وزاد البلا باقدامهم هانوا الشيب=الله يشل اقدام طاغي وغاوي
هذي دروب الكفروبالحرب الاعيب=نوبٍ علينا ونوب بالهرج ياوي
هذي كلاب الكفر ماهي مع الطيب=انجاس من نجاس والنجس خاوي
اهبم هبيتم ياللعينين وتخيب=كل الدروب اللي رسمها خطاوي
يااكالت الخنزير لعنة وتغريب=وتبت ايدين اللي عن الحق قاوي
وبرسل مع اللي يسمعوني كتاتيب=كثّر عليهم بالصلاة الدعاوي
ويالله تنصر دار الاسلام يامجيب=وتبلى من اللي جانا بالغدر ناوي

سالم صالح

شاعر تستحق الثناء

كلمات رائعه من شاعر رائع

و فااااااااااااااااااالك التوفيق

[ولد الويلان]

صـــــــــــــــــــــــــــح الــــــــــــــــــــسانك ولا هنت

[سالم صالح]

الاخ /صالح الجطيلي

شكرا لك على مرورك وعلى اطرائك الله يعطيك العافية --------وصح الله بدنك

[سالم صالح]

استاذي العزيز/مزيـــــــــــــــــــــــد المـــــــــــــــــــــــــــــــــــزيد

اشادة منك تسوى ملايين القصائد الجزلة فانت شاعر جميل وناقدجيد فمرورك افرحني بحق وزادني ثقة

فالشكر لك ودمت بالف خير ونعمة

[سالم صالح]

خلف العنزي

صح بدنك والله يعطيك العافية على مرورك

[سالم صالح]

الشاعر الرائع/عبدالله عايد

صح بدنك والله يعطيك العافيه على مرورك واشادتك وحسن بوحك الغير مستغرب

[سالم صالح]

الاخ العزيز والشاعر/تركي صالح

شكرا لك على مرورك ولااريد ان اشيد فيك لاان شهادتي فيك مجروحة ولاانك تعديت مرحلة الاشادة

الله يعطيك الصحة والعافيه يابوصالح