كبرياء انثى.. وموضـــوع مجــرد!!

[القلب الشجاع]

تصدقون على بالي أني أنا الوحيد اللي بالجامعة طلعتوا كلكم جامعيين ماشالله تبارك الرحمن

[كبرياء انثى]

ليش ليش ؟

يعني اسلوبنا ونقاشنا طول هالمده ماياهلنا انو نكون جامعيين ..!


هلا بك اخوي وحياك الله سعيده بتواجدك

[محمد الدلماني]

هنا تقع المشكله باننا لم نعي الا متأخرا اتذكر انني رسبت في اول مرحله في الثانويه سنتان متتاليتان مع انه لم يكن غباء بل كان استعباط ليس له اي معنى ولكني في السنوات التي بعدها كنت الاول على الفصل وهذا كله يدل على الاستيعاب متأخرا وقلة الوعي

الاسباب كثيره ولا تحضرني حاليا فلو عاد الزمان وانا في نفس هذا الوعي والفهم للحياة لوصلت الى مجالات عاليه جدا في التعليم ولكن هذا النصيب فاكتفيت بشهادة الثانويه والمعهد

ولكن العتب ايضا يقع على اخوتنا الاكبر سنا لعدم محاسبتهم لنا المره والعاشره حتى يظهر الاستيعاب مبكرا ولكي لايكون ماكان


ولكن نرجع ونقول بان البيوت تختلف والظروف ايضا




شكرا كبرياء انثى واتمنى لكي التوفيق في حياتك العمليه والعلميه

[كبرياء انثى]

اينشتاين صاحب النظريه النسبيه طرد من المدرسه


نيوتن مكتشف الجاذبيه طرد ايضا بحجه انه غير صالح للدراسه

كولا ايضا نعت بانه غبي وهو مكتشف حلقه البنزين والكل يعلم قصته حين قال وجدتها !!
فحتما اخ يالتعرقل لايعني الفشل ولولا الفشل لما عرفنا طريق النجاح


لذا حينما نعت مكتشف الضوء لايحضرن ياسمه قيل له لقد فشلت 99 مره قبل اكتشافك للضوء قال بل انا علمت ان 99 وسيله لاتفسر لي ماهيه الضوء



من هنا نكون وصلنا للوعي الكامل

والحمد لله اننا وعينا


بينما غيرنا لايزال يتخبط


الدماني هلا بك وشكرا لحضورك المتواضع وياهلا

[المشاعر]

وياللي مخلي ذاكرتي قويه تجاهه انه كان جدا مقرف لدرجه استاذنت وطلعت .. واتذكر كمان سالنا الدكتوره هل هو ميت الان واحنا نشرحه ؟ صدمتنا يوم قالت ايوا ..!! تقول هو مخدر بس ومشان مايروح تاثير البنج نخليه بالثلاجه بدرجه بروده عاليه !!

اذكر انو وحده من صديقاتي ( مو صاحيه جدا اي سؤال يجي فبالها تساله) تقول طيب يادكتوره واذا صحى هالمسكين وشاف جسمه كلن على حده شنو يصير !!

انتم مشاءالله عليكم الضاهر مشرحينه لكم ومخدرينه ..امدلعينكم

حنا من زمان حنا اللي نشتريه ونجيبه ونخدره وندبسه ونبدا نشرحة

اذكر مره واحد من ضفادعي يوم خدرته طلعته من العلبه بدبسه

الا صحى ..ماتخدر زين

ويناقز بالمعمل وانا وياه طردي يالله مسكته
واللي يقهر زود انه جلده يزلق هههههههههه كل مامسكته ينطلق ...ذاك اليوم يجنن غشينا ضحك



وعلى سؤال رفيقتس هي صادزه
احيان وحنا نشرحه يقوم..من جد مسكين يصحى وبطنه مفتوووح هههههه


:::

والا وين أيام ماكنا نرسم ونكتب على كرسي المدرس بالأقلام الزيتية

كنا نختار اللون الملائم للون الكرسي على شان المدرس مايشوفه

ويجلس المدرس على الكرسي وتطبع عليه الرسومات والكلام الغير لائق

وإذا قام وشفناها طابعة على بدلته أو ثوبه

ماغير نوشوش بين بعضنا ونتضاحك

وإذا أنتبه وحس بدأ يسأل مين اللي عمل كدا ....

وكلنا ((سكتم بكتم))

ههههههههههههههههههههههههههههههههههههههه
حلوه سكتم بكتم

زين مافيه احد يحرش عليكم..
اذكر يومني بالمتوسطه كان فيه وحده غاثتني دايم تحرش علي

اذا تذكر بالفنيه القماش اللي نلفه ونربطة ثمين نغطه بطشت فيه لون

مدري خذتوها ولا لا

مره كان عندنا فنيه وكنا نصبغ القماش

لما خلصت الحصه المدرسه قالت نظفوا اللي بعدكم وخلاص اطلعوا لانها طلعه

ذيك اللحظه جانا هبال

نغط يدينا بطشت ونطبع على الجدار ونرسم عيون تدمع وقلوب منفطره وسهم طاعن قلب وحرفين وصداقه لاتنتهي
ومدري ايش

ماطلعنا من المدرسه الا صابغينا ولادروا عن الجدران الا من بكره
وصجه وصيااااح في المدرسه وحرشت علينا وحده من البنات...


وطبعاً تهزيء بطابور ..والمديره خذت مننا قطيه عشان تصبغ الجدران..


:::


لا ومره جايتنا استاذه من الشرقيه اسمها ( (مدينه

وكنت اطنز فيها اسميها (( قريه


لاجيت ارفع اصبعي يقالك بجاوب استاذة قريه استاذه قريه

وانا ماعندي اجابه بس تسذا استهبل

المهم

استاذه قريه هذي دايم توقفني وتقول يالله اشرحي
طفشتني

ومره مسكت اورقه وكتبت فيه

((اشرحي ابله قريه؟))

وارسلتها للي قدامي

المشكله ان اللي قدامي جالسه قدام وانا بالوسط

واللي قدامي شافت الورقه وقعدت تضحك وامسكت القلم وقعدت تعبر البنت مجتهده
وياليتها عبرت وبس ..لا وراسمتها بعد بشكل غبي
وهالخبه تلتفت علي وتوريني الرسم ثم ترجع ترسم

هبلت فيني ..من شفتها منسجمه بقوووه وتضحك وانا قلبي موجعني
المشكله انا غشيت ضحك على شكلها ..

المهم الاستاذه انتبهت لها انا قمت انغزها بالقلم ..واقول لها ((وزي الورقه الاستاذه تشوفتس

وهالخبله توخرني بكوعها تقول اصبري ..
منسجمه بتعبير والرسم هالخبله..

وخذت ((قريه)) الورقه منها

قلت انا رحنا فيها

وصرخت بوجهاا ((من اللي ارساااااااااااااالتش الوااارقاااه؟

طبعاً هي تشاشي من اهل الشرقيه..


ترجمة السؤال((من اللي ارسلتس الورقه؟..

رفيقتي يقالك مهيب مورطه خويتها قالت انا اللي كاتبته كله

قمت انا مسويه بطله قلت لا انا اللي مرسلتها

وطبعاً على الاداره ..ومن بكره جبت لهم امي..


:::

طلعة.....طلعة....طلعة.

وطلعت انا والمدرس يقول


بكره حوريكم ياعيال الأيه


وجاء بكره والمدرس نسى كل شي


والضحية أنا بس

ههههههههههههههههههه

هذا اللي يقهر

انك تنظلم

عادي عندي اني اتعاقب على شيء انا سويته
بس الظلم.. يتعبني نفسياً

مشاءالله عليك اللي تضحك ماضايقك هالشيء



:::

هنا تقع المشكله باننا لم نعي الا متأخرا اتذكر انني رسبت في اول مرحله في الثانويه سنتان متتاليتان مع انه لم يكن غباء بل كان استعباط ليس له اي معنى ولكني في السنوات التي بعدها كنت الاول على الفصل وهذا كله يدل على الاستيعاب متأخرا وقلة الوعي

والله ماهي سالفة وعي يالدلماني

هي حظوظ

شفني انا اهتميت بالكليه
وحظي اقشر...ماتوفقت

لكن الحمدالله على كل حال

[كبرياء انثى]

هههههههههههههههههههههههههههااي المشاعر

والله انتي ماشلله حولك دمك خفيف صراحه فرفوشه مره
الله يسعدك يارب


(((انتم مشاءالله عليكم الضاهر مشرحينه لكم ومخدرينه ..امدلعينكم

حنا من زمان حنا اللي نشتريه ونجيبه ونخدره وندبسه ونبدا نشرحة

اذكر مره واحد من ضفادعي يوم خدرته طلعته من العلبه بدبسه

الا صحى ..ماتخدر زين

ويناقز بالمعمل وانا وياه طردي يالله مسكته
واللي يقهر زود انه جلده يزلق هههههههههه كل مامسكته ينطلق ...ذاك اليوم يجنن غشينا ضحك))



لالا هي الدكتوره تشرحه قدامنا .. طيب لازم يدلعوننا ليش انو مو تخصصنا ..

بس حلوه مغامراتك مع ضفدعك .. بس سؤال ماتتالمين له لما تقتلينه؟ يعني عادي تقتلينه !
والله انا اتذكر جاني هديه ارنب ومن زين الحظ طلع حرمه يعني انثى بس كانت حامل وجابت اثنين قرفتها صراحه بعد ماخلفت واعطيتها وحده من صاحباتي وبعد كم يوم تقول لي سواقنا اكله ؟
والله العظيم حزنت عليه ماتتخيلين قد ايش لانه كان له شهر عندي ..



اما استاذه قريه .. شي عجيب وكثري من هالمواقف كثير تصير وياما اتكفشنا كذا .. وياما رحنا للاداره بهالسبب .. بدون فخر طبعا


المشاعر .. ماتتخيلي قد ايش تنعشي ذاكرتي وتسعديني بهالتفاعل شكرا لك

( مو كانو صار لازم يتغير موضوع الصفحه ))

[بشاير]

ياهلا والله كبرياء أنثى


موضوع رائع رجعني عدة سنوات للخلف للذكريات الجميله التي لن ولم تمحى من الذاكره

الجامعه الله يسقي ذيك الايام كانت من أروع أيام العمر

تصديقين كبرياء أني أنا وزميلاتي في سنه رابعه تندمنا أنا نجحنا طيلة الفتره الماضيه نقول لو مانذاكر حتى ماننجح

ونبقى مع بعض فتره أطول

ومرت الايام وفرقتنا وصارت كل وحده بديره اللي تعينت واللي تزوجت واللي ؟؟؟؟

ياحلو ذيك الايام ياليت ترجع بس اللي راج ابد مايرد وخصوصا اللحظات الحلوه

الله يذكرك الشهاده خليتينا نرجع ونستعيد الذكريات الحلوه

تحياتي