أنا عنزي وأبوي من جدي عقاب ,,

[سعود العواجي]

إذا انت شايف خطوتي يمك متاهات وعذاب = أرجوك اصحى لاتقيس خطاي في بعد نظري
أطمح ولكن ماملى وجه الطموح إلا التراب = وأنا اعرف اني من بقايا الهم واللوعه ...ثري !
خلقت وانا من سراب ليا سراب ليا سراب = ماغير ادرهج خطوتي بالدرب وأقص آثري
وليا عرفت اني عنزي وابوي من جدي عقاب = رفعت راسي يوم صيته بالملا..شـّد ظهـري
ماجيت شاعر منزرع في كلمته عشرين ناب = جيتك وانا من دم راسك يابعد راسي بـري
ماعابني شعري ولاسويت لي شي ٍ يـُـعـاب = هذا لأني صرت في بعض المواقف ..عنصري!
أشيب من هول الزمن وأرجع على وضعي شباب = وأحيان عمري لو حسبته مايقـاس بمظهري
أوفي ولكن الوفا منكـور يامااااال الذهاب = وما اخون والله لو تنكـّر لحم يـدي لـ اظفـري
أنا بدوي طبعي مااحسب لغير خلاقي حساب = وأن شفتني بدور الحضاره قـلت رجال ..حضري !
أعشق طواريق الشعر وأكره أساليب العتـاب = وأذوب في هرج الغرام أن صار معسول وطري
ويضيق صدري لا سمعت من البشر "كلمة أعجاب" = لني بشعري ماوصلت لـ قيس وإلا...البحتري !!
أما كلامي لانطقته يشبه لـنـّو السحاب = وإلا عساه يموت فيني قبـل ياصـل لـ نحـري
وان كان شفت الاسئله ماتت قبل نطق الجواب = وش لي أبيع من التعـب وقلوب غيري تشتـري
برحل مدام ان الرحيل بهـاالزمن ..عين الصواب = ومدام عقـلي من جلست يقـول لي : وش تحتري؟؟
ليا بقيت أبقى على خوة عزيزين الجنـاب = وليا رحلت أكيد محـد ٍ في خفا أحوالي ..دري!!