رحلة مع شاعر..؟

[صالح الضويحي]

المشاركة الأصلية كتبت بواسطة فاضي عبدالعزيز

الاخ الشاعر //صالح الضويحي


يسعد مساك اما مداخلتي هي استفسار



عن مايطرح هنا من القصايد هل هي كلها من نظم الشاعر عايد بن ضافي






ألاخ المسيكي مساك الله با لخير



كتبت

شفت السلف فاتوا على جيش وامهار
***********وشفت الضعون المقفيـه والغناديـر
ويوم أختفوا طلعت بـرا عـن الـدار
*********فزيـت أبرقـا نايـفـات العناقـيـر
الياآني بحوش وبين بابيـن وجـدار
*********مامن سلف حولـي ولامـن مظاهيـر
احلام ليـلٍ مـن هواجيـس الأفكـار
********سوّن بلقبي فـي منامـي مصاخيـر
طرى عليّـه سجـةٍ عقـب الأمطـار
*******بدفّـاق هملـول المـزون المباديـر
ياما حلى صـوت أم سالـم بالأقفـار
*******والجو هـادي مابروضـه معاصيـر
مستانسيـن بصوتهـا وسـط نـوّار
*******نسمع غناها طلعت الشمس واعصيـر
والديك مانوحيـه يلعـي ورا الـدار
*******وباليل مانسمـع رجيـف المواطيـر
ياغير عوي الذيب أو حنّـة احـوار
*******وصوت النجور اللي تجيب المساييـر
اليا أنتهـى المربـاع وردوا للأبيـار
*********وكلٍ لذوده جر حوضـه علـى البيـر
يازين شوف اضعونهم هـاك الأدوار
*********وشوف النزول اللي على الماء مقاطير
يوم الشباب ويـوم لفتـات الأنظـار
*********لبيض الخدود اللي عليهـن دواويـر


هل القصيده لشاعر عايد او لا امل يضاح ذالك


ألاخ سندباد الشعر //مصلح النشمي مساك الله بالخير


كتبت

جاني يقول العشـق حالـه براهـا
*************نظره وصاب القلب منهـا هبلهـا

خلا النصيحه يوم عينـه عماهـا
***************يبي يخف همـوم روحـه دبلهـا

الجمره اللي رغت عنهـا وطاهـا
*************وامسى يعاني حرها مـا احتملهـا

لا تشتكيلـي نظرتـك مبتـداهـا
*********خايـف يكـون بمبتداهـا اجلهـا

ذكرتني ياخـوي نـوف وشقاهـا
*********هيضتني وهالحين فكري وصلهـا

عيني قبل مثلك وما جـاك جاهـا
*********العـام الاول يـوم ربـي حولهـا

قامت صباح العيد علـى عماهـا
********تمشي ورى المجهول رجلي عجلها

يسوقها الخالـق ويـدري بداهـا
***********مقسوم اشوف اللي زماني جهلهـا

لمحتها تجلـس واخوهـا وراهـا
**********تلبس قديم ثيـاب جسمـه خزلهـا

وهناك شايب فـي فراشـه قداهـا
**********اضنه ابوها وعـارف وش عللها

تبكي وبكاها بصمت زود حلاهـا
**********ملعون ابوها كيف يرضى زعلهـا

وفي ملثم أسـود تغطـي شفاهـا
**********وادري ورى الملثم تغطي عسلهـا

ماحطت المكيـاج ربـي عطاهـا
*********وعيونها الرحمـن منهـا كحلهـا

اشبه بشمس الصبـح اول سناهـا
***********مطلـع جبينـه غرتـه مافتلـهـا

حتى الصغيّر صاح يطلب رضاها
************(يلتغ) اذا قال الحـروف بعجلهـا

مدري شلون ابدى كلامي معاهـا
***********حتى اسلوبي ضاع فـي معتزلهـا

عيدك مبارك قلت والحقـت آهـا
***********ليه العيون الحـور زايـد هملهـا

حقوقك يابنت البادية مـن خذاهـا
***********تكلمي ياهنووووه يكفـى خجلهـا

وصدت وانعاس العين أو هو حياها
***********مدري ثقيل الرمش جفنـه هدلهـا

تكلمت ومـن انـت حتـى تباهـا
***********وش دخلك لا تسألن فـي جدلهـا

قلت ابن وايل صاحبك في صداها
**************انا عنزي يابنـت روحـه بذلهـا

وردت خلف ميتي مواريـد ماهـا
************ونعم هل الطولات وايـل نسلهـا

معاك الشمريه نوف هذا ضناهـا
************والشايب اللي هناك يطلع رجلهـا

تقول ابويـه ظالـم فـي قضاهـا
*************وانـا يتيمـة ام ويـن احتملـهـا
. . . . . . . . . . . . . . . . . . . . . . . .
****************. . . . . . . . . . . . . . . . . . . . . . . .

وادعتهـا والعيـن هليـت ماهـا
************ونفسي ثقيل الياس ضيـع أملهـا

هذي عيدية نـوف فـي منتهاهـا
***************ياليتني ما شفـت نـوف وعملهـا


وانا فهمت انها لاتخص الشاعر عايد الضافي
لاماذا لاتكون في منتدى مختارات شعريه


هذاء ولكم تحياتي

عن مايطرح هنا من القصايد هل هي كلها من نظم الشاعر عايد بن ضافي ؟


هلا وغلا ومرحبا ملايين التراحيب

الشاعر والاخ الغالي

فاضي عبدالعزيز

اولا شكرا لك على المتابعه والتواجد

ثانيا: لازلت انتظر لجمع اكبر عدد من قصائد الشاعر/ عايد الضافي لستكمال الرحلة مع قصائده الرائعه00
وسوف تجدها قريبا هنا0000

اخي بالنسبه لـ " رحلة مع شاعر" هي عبارة عن استضافة شاعر من خلال قصائده ولن نكتفي بقصيدة واحده للشاعر الضيف00
ولن نكتفي كذلك بكتابة المختارات بدون مداخلات سوى من الكاتب نفسه او من الآخرين
فهنا يتجلى الهدف من" رحلة مع شاعر"...

الرحلة سوف تتجلى صورتها من خلال محطاتها القادمه 00

فكن معنا ويشرفنا هذا وانت لديك مايمنحنا مزيدٍ من التواصل000

دمت بخير

ولك فائق الاحترام والتقدير

[صالح الضويحي]

المسيكي

هلا وغلا ومرحبا و و و و و الى مالانهاية له من الترحيب

ارى والرأي الاتم لكم...

ان تكون

" رحلة مع شاعر":

كالآتي :

- قصيدة مختاره للشاعر الضيف مع تقديم يليق به من قبل الكاتب0
-أختيار مقتطفات من قصائده لاتقل عن 8 على اربعة اوخمسة ابيات مع مداخلات للكتاتب
- كل من لديه قصيده او بيت من قصيده لهذا الشاعر يكتبها عبر هذا المتصفح0
- الجميع له حق الكتابه عن "شاعر او شاعره" حسب مايرى ويختار وستترك المساحه له ونبقى متابعين له بشوق0
-يفضل قبل الانتقال للرحلة التاليه ان تختتم الرحلة بقصيدة كامله كما بدأت.

اعود واقول اننا مكملين لبعض ولانستغني عن اي ملاحظات او مداخلات
والرأي الاصوب سوف نكون معه قلبا وقالباً0

شكرا لك اخي المسيكي على جمال تواجدك

دمت بخير

ولك فائق الاحترام والتقدير

[مصلح النشمي]

.


اخي الغالي فاضي عبدالعزيز كما اسلفت القصيده لاخي ابوثامر (مقبل العنزي) وكان يتخذ من لقب عازف الناي اسما له ولك ماطلبت بنقل قصيدته الى المختارات الشعريه



اخي الغالي صالح الضويحي ابشر استاذي

سأبحر قليلا في بعض ابياته


طبعا كما اسلفت القصيده (عيدية نوف) اخذت صدى واسعا حينها وانتشرت وان كانت الحقوق شبه ضاعت ولكن اعاد طباعتها بعد ان اسس موقعا لمحافظة حفرالباطن واستمر بالكتابه كشاعر لايشق له غبار

وانا لا اود ان امدحه كثيرا لانه اخوي


وهو استاذي فعلى يده تتلمذت وعشقت الشعر..


من الله عليه بالهدايه فألتزم وغير اسمه من عازف الناي الى ابوثامر وبعد ذلك شبه ترك النت وان تواجد فهو يتواجد بقله جدااا..



يقول في احدى قصائده الوطنيه

ارفع نظرها يالحقود=بندقك زل زنادها
عمرك تشوف بها الوجود=بنت(ن) بغت جلادها؟
ذي ديرتي وارض الجدود=عشقي واحب اسيادها
خاضع لحكم آل السعود=غصب(ن) على حسادها
عن دارنا نبقى نذود=بأرواحنا .. لأمجادها

=
= والقصيده اطول من ذلك



وعن الموووت لمناسبه خاصه قال

يا الموت .. تكفى! لاتجي للقريبين = رح للأسود الجايعات الضواري
وش لك بمن صكت عليه الديايين = زودٍ على همه !! تجيه انت ساري!
أدخل على الله.. مابقى لي عزيزين = إلا ولك فيهم تبين المواري
الموت..حق وكل نفسٍ لها حين = يالله بحسن الخاتمه بإحتضاري..

وله ايضا قصيده بعنوان ذيبان

لا بغيت العلم تلقاه شارق=نور نوره في دجى الليل ضاوي
بالحنايا ذيب مفتون حارق=كان نايم ثم جلواه هاوي
يوم صاح الألب وجبال طارق=هزهن بالصوت والشيخ ذاوي
من سجنت الذيب ياحّول غارق=ان جلس مهموم وان قام عاوي
ما ضلمت الذيب لا قلت سارق=غاويٍ وأغواه بالغي غاوي
كان داله في حياته مفارق= ناسيٍ ما فات والهم قاوي
لين قالوا له ترى الغصن وارق=ثم طاح الذيب طاح متساوي

وقد خاطب اخيه (اللي هو انا مصلح فقال

شعرت بشعر مستشعر شعوره شنكره منشـار =وشره شرشره شكـرا .. شكـور شاكـر iiشانـه
كشر ناب الزمان وخش.. بالعلبـا كمـا الشنكـار =وشاب الشوف يا مصلح .. شف عيوني شف الوانه

وله العديد من القصائد سأحاول جلبها لاحقا


تحياتي لكم

[صالح الضويحي]

ارفع نظرهـا يالحقـود
بنـدقـك زل زنـادهـا
عمرك تشوف بها الوجود
بنت(ن) بغت جلادهـا؟
ذي ديرتي وارض الجدود
عشقي واحـب اسيادهـا
خاضع لحكم آل السعـود
غصب(ن) على حسادهـا
عن دارنـا نبقـى نـذود
بأرواحنـا .. لأمجادهـا




=
= والقصيده اطول من ذلك



وعن الموووت لمناسبه خاصه قال




يا الموت .. تكفى! لاتجي للقريبين
رح للأسود الجايعات الضـواري

وش لك بمن صكت عليه الدياييـن
زودٍ على همه !! تجيه انت ساري!

أدخل على الله.. مابقى لي عزيزين
إلا ولـك فيهـم تبيـن المـواري

الموت..حق وكل نفسٍ لهـا حيـن
يالله بحسن الخاتمه بإحتضـاري..




وله ايضا قصيده بعنوان ذيبان




لا بغيت العلـم تلقـاه شـارق
نور نوره في دجى الليل ضاوي
بالحنايا ذيـب مفتـون حـارق
كان نايـم ثـم جلـواه هـاوي
يوم صاح الألب وجبال طارق
هزهن بالصوت والشيـخ ذاوي
من سجنت الذيب ياحّول غارق
ان جلس مهموم وان قام عاوي
ما ضلمت الذيب لا قلت سارق
غاويٍ وأغواه بالغـي غـاوي
كان داله فـي حياتـه مفـارق
ناسيٍ ما فـات والهـم قـاوي
لين قالوا له ترى الغصن وارق
ثم طاح الذيب طـاح متسـاوي






وقد خاطب اخيه (اللي هو انا مصلح فقال




شعرت بشعر مستشعر شعـوره شنكـره منشـار
وشره شرشره شكـرا .. شكـور شاكـر iiشانـه

كشر ناب الزمان وخش.. بالعلبـا كمـا الشنكـار
وشاب الشوف يا مصلح .. شف عيوني شف الوانه

الاخ الغالي

مصلح النشمي

تسلم على حضورك الراقي
وحسن اختيارك لهذه المقتطفات الرائعه
من قصائد " ابو ثامر"

فعلا شاعر مبدع وننتظر المزيد من قصائده

لاعدمنا تواجدك

[صالح الضويحي]

الشاعر والاخ

فاضي عبدالعزيز

تحيه صافيه وافيه

لازلنا في رحلة مع شاعرنا عايد ضافي
ولكنها رحلة بحث عن قصائده
ونظرا لقلّة المصادر
فلم احصل على العدد الكافي ولازلت انتظر...

القصيدة التي اوردت منها بيتين هي قصيدة قالها في

" سابل الجلوي"

ومطلعها :

قلبي كما عشبة نفودٍ بمشراق
أقفاء الثرى بالقيض وأحمس ورقـهــا
000000000000000
الى ان قال :

مرحوم ياذباح حيلن بالاسواق
ايام لوذات الشحم مافهقها

بصينتن ماتنقل غير بحلاق
ولولا مشال الهون تفصم حلقها

وقريبا القصيده كامله.......

الشاعر عايد الضافي ::::

شاعرٍ عاش متنقلا
وعائش تناقضات الزمن الحتميه
فبتأكيد للذكرى في نفسه وقعٍ خاص
وهاهو يمرّ منازل الأمس ويرى الفرق
الذي اثار في نفسه الشوق والحنين لتلك الفترة الزمانيه المشرقه

كيف لا

وهو يرى المنازل وقد اقفرت والديار وقد اجدبت وفي لحظة تأمل

يختصر مافي نفسـه في ثلاثة ابيات لارابع لهما...


ياحمود سلّم لي الياجيت "ابامغير"1
...............وسلّم اليامنّك توسقت "قـمراء"2
ولاتختصر عن "عنز"3 شف وصفها غير
...............القطعاء.. اللي غربي " الضلع"4 سمراء
والياأعتليت برأسها ماقع الطـير
...............سلّم وقل يادار الأجداد عَـــمراء

1-"ابا مغير"

جبل فيه الكثير من العيون الجاريه
ويقع شرق " محافظة تيما"
يبعد عن "منطقة حائل"250كم للغرب
وهو قرب " جبل عرنان" المعروف

وعرنان يامزبن الخائف
ترى عشيري وديعلك
"عرنان "جبلٍ مشهور لموقعه المتوسط وخصوبة ارضه
وقد تغنى به الكثير من الشعراء قديما وحديثاً.

2-"قمراء"

ارض مرتفعه بين عدة جبال
وهي ارض خصبة ومنازل للبادية وقت الربيع
لكثافة نباتاتها ولجمالها الساحر عندما ترتدي ثوب الربيع الزاهي0

3-"عنز"

جبل متوسط الارتفاع يقع بين
"قمراء"
والموقع
الاثري
" محجّه تلك التحفة البديعه وهي عبارة عن اهرامات
وأقواس بأشكال هندسيه مدهشه
ويقال انها عاصمة حضارة قديمه جدا 0
ومن الكتابات والنحوت و اللغات المختلفه التي عليها تبدو كما ذكر"

4- "الضلع"
الوارد في ابيات الشاعر هو جبل " الخَـرَم" وهو جبلٍ معروف ومشهور كذلك0

ونتابع الرحلة الممتعه

مع شاعرنا ولازلنا ننتظر المزيد من قصائده

فهو شاعرٍ استشف خيال قصيدته من اصالة التاريخ
وصدق الانتماء
لم يتصنّع احاسيسه ومشاعره
ولم يتنكر لمفردته البلاغيه الضاربه بالاصالة والسمو...

لنتوقف قليلا....

يراكب اللي عليه اثنين
بين الدليله وســــــواقــــه
نوع الثلاثه من التسعين
ختم الجمارك على اوراقـــه
مع سهلةٍ روّحوا سارين
يمشي على الجدي ســواقـه

وأن لم احسن رواية هذه الابيات ولكنها تبقى بصمةٍ لشاعر متميّز0

وأعود واذكّر انني لازلت بانتظار الذين لديهم قصائد لهذا الشاعر فمن لديه اي قصيدة او بيت من قصيدة آمل ان يشاركنا بهذا المتصفح لنجمع مانستطيع جمعه من قصائد هذا الشاعر المبدع.

ولنا لقاء في رحلةٍ أكثر اكتمالٍ فالشاعر الذي سنرافقه في رحلتنا القادمه هو شاعرٍ لايمنحه الوصف حقه..أترك الحديث عنه لوقته..

تحياتي للجميع.

[مزيد المزيد]

الاخ العزيز / صالح الضويحي


سلمت يمينك على هذه الفكره الجميله والتي تعطي شعرائنا حقهم خصوص" الشعراء

الكبار في السن والمعاصرين لنا وهذه مشاركه مني لاحد قصائد الشاعر / عايد ضافي

وهي قصيده فكاهيه نوع" ما يمازح بها صديقه وجاره ابن سماح بعد ان

انتقل الى مدينة الجوف وقد وجدتها بين اوراق والدي والتي يحفظ منها الكثير

ولكن للاسف فقد وجدت اكثرها غير واضحه ....

يابن سماح انكرتني يامحبوبي=خليتني واقفيت للربع ذولاك
وانا صديق" لك ولاني لسوبي =وان شفت صدات الجفا منك مشناك
ياصار عندي ماهفالك وجوبي = وسني وقم سنك ومرباي مرباك
مايمشي الاقدام غير القلوبي =ومن ماشتهى لو تفتح الباب ماجاك
كان ماتبي المسيار منت مغصوبي =وان جيتني يالهيلعي قلت حياك
مابيك تغفر لي سوابق ذنوبي = ولابيك تعطيني من اطراف دنياك
والله لو ماملك غير بشتي وثوبي = اني عزيز النفس مثلك وشرواك
جاني خبرك انك حسنت الشنوبي = وحطيت لك لحيه وبالجيب مسواك
لانتا شمالي ولانتا جنوبي = عجزت لاميز مذاهبك والقاك
خابرك يوم انك ظحوك" عجوبي = قبل بياض الشيب ياشع ملحاك
يوم انت عوق" للهنوف النصوبي = اللي تروقب بالوعيده تحراك
ذكرتني سنة ربيع الخبوبي = يوم البكار يداحمنك بمفلاك
يوم انت بطراف العرب لك ذهوبي = وضح" تبي تقفي بهن مع رعاياك
البكره اللي ماضرت للركوبي = ترجح بممشاها على صوب ممشاك
لو شفت مفلاهن خلي" تهوبي = صفقت باليمنى على كف يسراك
يامسندي سكر نسيم الهبوبي = يوم انتهى عند الغنادير طرياك
شمسك عصير وهورفت للغروبي = واللي تخبره باول العمر خلاك
ولياحتريت احتر عليم الغيوبي = لاتحتري يرجع زمان" تعداك
لو سالت الشعبان سيل" سحوبي = ماظنتي يرجع مثل وقتنا ذاك
الله يفكك من عكاش الدروبي = ومن البناشر والمطبات ياقاك
وعساك ماتسكن ببيتك عزوبي = والله يخلي لك ذلولك ومعزاك

هذا مالدي واسمحولي على القصور والشاعر عايد ضافي شاعر كبير وجزل


دمتم بخير

[فاضي عبدالعزيز]

بسم الله الرحمن الرحيم


الشاعر صالح الضويحي اعتذر منك ومن أعضا شبكة ويلان

عن أ تاخير وقول لكم من العايدين وكل عام ونتم بخير


اما بخصوص رحلتكم فانا قمت بالتصال على عدة رواه

يحفظو الكثير لشاعر عايد بن ضافي الجلوي الضوي الجعفري العنزي


ومن الرواه التي تم الاتصال بهم الراوي دخيل بن محمد بن عون الضوي الجعفري العنزي
قال هذا الشاعر المعروف عايد بن ضافي له قصيده يتوجد على الماضي ويتمنا



يقول

يابوعلى لو اتماني بها خير=مبطي على مشهاة نفسي تمنيت
ابا أتمنا يرحل القصر وا الحير=والحوش يطوا طيت البدو للبيت
يرحل وينزل مع طياح المغاتير=واليانبنا وسط الفياض الرجهنيت
تسوا ازروع الي مطرها نوافير=اليا ارقبت قدام المظاهير ووميت
مدراج هملول المزون المبادير=ليم بعيد النجوعهم عقب تشتيت
هي منوتي ماضن للي منوت(ن)غير=لو المنا قالب حلوم وهرابيت