أجملُ ماسمعت.. أو قرأت من الشعر..

[عبدالله ثويني المانع]

أخي العزيز / عيــد
فكره جميــلة

ولكن لو كان العنــوان ( من أجمل ما قرأت أو سمعت )

لأنه يصعب تحديد أجمل بيت

على العموم الأبيات الجميله والتي يبقى أثرها في النفس كثيرة
سأذكر ابياتا لشعراء مبدعين بعيدين عن الأضواء

يـا ويــل قلــبي كـل ما حــل طاريه ......... أمي وهـي أمي تشـك بــغلاها
لنواف الشمري

دخــيل الـورد لا منه تـمايل عـكس وجـه الريــح ... يذوب ويـنحـني مدري يشمـك أو تشميـنه
لمطلق أبو ظهير


شــوف الحـرار يعلـمك وشـلون فـن الارتقاء... والارتقا ما هو سهل لكن لا تستصـعبه
...
شــاعر وعـندي فلسـفه تبـهر عقـول الحكـماء...توي صغير السن..لكن .. شايبٍ مس شنبه
...

حدة نظره المسرفه . تكسر شموخ الكبرياء.... الا شـموخي بالهـوى ما تكسره بس تكـسبه

للرائع ( فــواز الزنــاتي )
..........................................

ما هــي غريبـه لا انـجرحت وتبسـمت ....صــرت ابــتسم لـجروح الايام عــاده

.....
هي ضيــعتني ضـيعتني من العام 0000يمكن لها حول السنه ما لقتني
ولقيتها ريشه وانا كنت رســـــــام0000احيان تنكرني وهي عارفتني
.......
قل وايليٍ خبل واستنــزل ودح000من كثر ما شـاف بحيـاته تمـرس
يعني عـلى شـانك اقـول الخطـا صح000واصير شيطانٍ عن الحق اخرس

لــ ( نايف الجـزاع )

...............................

حتى رجع طفلـك مع الوقت رجال 000وكثر الزمن ما صفقه صفقو له
شاعر يجر خطاه طرقي وجـــوال000غريب له بالشعــر مـوطن ودوله
لـ ( نـواف التــركي )


لكم كل الشكر والتقدير

دمتم بخير

أخوكم /عبدالله المانع

[الحصبان]

موضوع جميل جدن

الموت ماهو بطعنت الرمح والسيف ** الموت هي عينك يوم ترخي هدبها
(مجهول)

راع الردى ياصاحبي بالك تاخويه ** من رفقته الزوم تشوف منه البلاوي

عليك بلي يرفع الراس طاريه** وان ماحصل ماهو ضروري تخاوي
(سعود الفهد)

كثر الخطا ما كل عذرن يغطيه ** مثل التعازي ماترد المصيبه
(مجهول)


ياعصار كاترينا لك الله يا عصار** انا اشهد انك من عضيم البلايا

من سبتك ندفع لهم نص مليار ** ماهي سلف لا والله الا عطايا

وحنا هنا نشكي صلا حر الاسعار** نشكي جشع تجارنا وحنا الضحايا
(على بن شافه)


انحت رحاك وخل عنك القهاوي=شبّابها بأيسر سنام دفناه
اللي لدقة نجرها ما يراوي=من حيث ضامين الشواريب تنصاه
اللي ليا جوا مضرمين ومقاوي=يلقونها قبل يجونه مسواه
ما هو على كيف النشاما غلاوي=يشريه لو هو بالثمن زاد مشراه
ياما تمنى شوفته من خلاوي=يحيّ بهشال الخلا حين ما جاه
مرحوم ياللي بالمراجل شفاوي=شبّاب نار وللمسايير مشهاه
عساه بالجنة عشير الفداوي=عرضه وطوله كل ما حل طرياه

(وضحه بنت عواد المصبح)

اليا خاب ضنك برفيق الموالي ** مالك مشاريهن على باقي الناس
(السديري)


وراك تزهـد ياريـش العيـن فينـا

تقـول خيال الحضر زيـن تصفيـح

الطيـب مـا هـو بـس للظاعنينـا

مقسمـن بيـن الوجيـه المفـاليـح

البـدو واللـي بـالقـرى نازلينــا

كلـن عطـاه الله من هبَّـة الريـح

(بداح العنقري)




جنبت وسط السوق وامشي مع الساس

.......واخذ شـوي الحـق وأتـرك كثيـره

يا دباس لو جبت من دحب الأكيـاس

.......مختلفــة مـا بيــن رزٍ ونيــره

ما لي بهـا يا جعلـها بألـف قبـاس

......أو جعلـها تذهـب ولـو هي كثيـره

يا دباس قلبـي كل ما هـب نسنـاس

......شـرقيـة هبـت بقلبــي سعيـره

والحال يافرز الوغـى مسّـها البـاس

......عليـك يـا ناطـح وجيـه المغيـره

(محمد ابو دباس)


أنـا اليـا ضاقـت عليـه تفرجـت

يرزقنـي اللـي ما تعـدد فضايلـه

يرزقنـي رزاق الحيـايـا بحجرهـا

لا خايلـت برقـن ولا هـي بحايلـه

ترى رزق غيـري يا ملا ما ينولنـي

ورزقي يجـي لو كل حـي يحايلـه

جميـع ما حشنـا نـدور بـه الثـنا

وما راح منـا عارضنـا الله بدايلـه

(حجرف الذويبي)


تخاويت انا والذيب سرحان *** دعيته بأمان الله وجـاني

لـقيته خوي يقضي الشـــان *** ندبته على المرقب شفـاني

عشية رقينا رجـم سلمــــان *** رفيع الدرج زين المبـاني

وفي لايـحه تسعين فنـــــان *** وثمانين عبدٍ طـمـطمــاني

ولبنه زمــرد ويـاّ مرجــان *** وطينه زباد ٍ وزعــفراني

انا اللي فرى كبدي مسيان *** مـع فرجة له يـوم بــاني

عشيري اذا هب الهوى لان *** كما لان عويد الخيزراني

عشيري تــبيّن لي بحقــران *** وأنا كيف أسوي له جفاني

عشيري لبس له ثوب سبهان *** يجر الهوى جـر السـواني
(رع السبيعي)

[مزيد المزيد]

عيد



تسلم يمينك ولاهنت على هالموضوع الرااااااااااااااااائع



نقرأ ابيات شعريه جميله وحكم نستفيد منها .................................


ــــــــــــــــــــــــــــــــــــــــــــــــــ ــــــــ




يقول ضيدان ابن قضعان :



خذت بقعا رجال العرف والباقي رجال اعمال /// هياكل تحت اسامي يامعليها توطيهاااا




شفتك تبسم لي وانا جيت كلي // محروم والمحروم ماينعطى وجه