(الحلقة الثالثه )(من قائل الابيات) - الصفحة 3 - °~*¤®§(§ شبـــكة ويــلان العـربـيـه §)§®¤*~ˆ°

**عبدالمجيدالعنزي** · 09/08/11, (07:49 AM)

صح لسااااااانك مااقصرت اخوي

**سالم صالح** · 09/08/11, (05:50 PM)

ياهلا ومرحبا بالشاعر الراقي / معيض بن عريفج ,,,

وانت من الشعراء المميزين والمبدعين يالنبط والمحاورة ,,,,واستلم الاسئلة ,,,

1_ موقف من المواقف التي مرت عليك في شهر رمضان ولايمكن نسيانه ؟

2_ ماهي القصيدة التي كتبتها وتحسفت عليها . ولماذا ؟

3_ ماهي المحاورة التي علقت في ذهن ابو وليد . ومع من من الشعراء كانت ؟

تقديري وودي لك

**معيض بن عريفج** · 09/08/11, (08:55 PM)

اقتباس:
المشاركة الأصلية كتبت بواسطة سالم صالح
ياهلا ومرحبا بالشاعر الراقي / معيض بن عريفج ,,,

وانت من الشعراء المميزين والمبدعين يالنبط والمحاورة ,,,,واستلم الاسئلة ,,,

بيض الله وجهك وماعليك زود طال عمرك وابشر بسعدك
1_ موقف من المواقف التي مرت عليك في شهر رمضان ولايمكن نسيانه ؟

في شهر رمضان عام1430 مضاربه بعد صلاة العصر في محطة بالنزين بتبوك خرجنا من المسجد وشفت عامل تركي ومعه هنود يضربون واحد سعودي وكان معي كرباج اصلي يستخدم للأبل والخيل واتجهت للمضاربه قصدي افك بينهم ولكن سمعت التركي وهو من اهل انطاكيا يسب اسعودي بكلام لاينسكت عنه وحصل ماحصل المهم انتهت المضاربه صلاة المغرب وتجمعت الدوريات وحضر قائد الدوريات بنفسه والهلال الاحمر حيث استمرت المضاربه من العصر الى المغرب وكان تأثير الكرباج جداًمؤثرالتركي لابس ستره بيضا اشوف الدم مرسوم على شكل الكرباج بضهره غير بقية العمال المصابين وحضر صاحب المحطة بنفسه وهو من معارفي وعزيز علي ولاعلمت ان المحطة له لكونها جديده وهو وقف وقفت رجل حيث ضغط على العمال وكان معي اثنين سعوديين وكلنا مانعرف بعض بس فزعة وهذا موقف رسخ بذهني الله يغفر لنا
2_ ماهي القصيدة التي كتبتها وتحسفت عليها . ولماذا ؟
ذهبت الى رجل ذو منصب لقضا حاجة واحد من الاخوان وانا ماعرف المسئول ولكن وقفت امامه وقلت له قصيدة قوييييه وقال نحن ليس في مجلس شعراء هات ماعندك فقلت له على الفور
انا اشهد اني ماتنصيت رجال - انا اشهد ان اللي نصيته دجاجه
احسبتك اللي للثقيلات شيال - ان جاله المحتاج ينهض حجاجه
اثريك مثل اللي على الناس دجال - لامودين حاجه ولاجبت حاجه
منغربالمنصب ومنغر بالمال -وعند اللوازم مثل فرخ الزراجه
وحنا جبال طويق ذربين الافعال-والا انت قرطاسن بوسط العجاجه

3_ ماهي المحاورة التي علقت في ذهن ابو وليد . ومع من من الشعراء كانت ؟
والله اكثر من محاورة محده مع الشاعر نايف الصيدة ومع نايف سعد
ومع رشيد الرشيدي ومع ولايحضرني منها شي لاني ماحفظ

تقديري وودي لك

هلابك

**احساس قلم** · 09/08/11, (11:40 PM)

ياويلكم من ربي يامعيض انت وحمد
شربكتوني معكم شربكة وانا عجيييز جالسة عند بنياتي
<<<<تبتسي >>>(تبكي) لغير الناطقين بلغتي
اول شيء صح لسنتكم ثنيناتكم
وصراحه محاورة رائعه جد
شكرا ابو وليد على هذه الاستضافه
شكرا لكل من مرا هنا
وانتظروني غدا ان شاء الله مع ضيف جديد وحلقة من حلقات من قائل الابيات

**معيض بن عريفج** · 10/08/11, (03:25 AM)

اقتباس:
المشاركة الأصلية كتبت بواسطة احساس قلم
ياويلكم من ربي يامعيض انت وحمد
شربكتوني معكم شربكة وانا عجيييز جالسة عند بنياتي
<<<<تبتسي >>>(تبكي) لغير الناطقين بلغتي
اول شيء صح لسنتكم ثنيناتكم
وصراحه محاورة رائعه جد
شكرا ابو وليد على هذه الاستضافه
شكرا لكل من مرا هنا
وانتظروني غدا ان شاء الله مع ضيف جديد وحلقة من حلقات من قائل الابيات

ياعمتي يبي يصير عديلي وقلعت ضووه بعيييييييييييد

وبعدين لاتجحدين المحاوره بيني وبينك الله يهداتس

وصح بدنك الله انتي اللي شربكتيني شربكة ولكن نطح الصياح صياح تسلم

**رابح الغضيان** · 10/08/11, (03:26 AM)

فكرة رهيبه من ام الافكار الجميله

احساس

عساكم ع القوه

وفقكم الله وكل عااااااااااااام وانتم بالف خير

**ماجد الغانم** · 10/08/11, (08:06 PM)

صح لسااانك يامعيض مبدع يابعد راسي واسف على التاخير

لكن لقاء مميز وابيات راقيه من شاعر راقي لله درك

شكراً احساس

دمتو جميعاً بكل خير