قررت انا اصير شاعر وادخل الملعبه - الصفحة 3 - °~*¤®§(§ شبـــكة ويــلان العـربـيـه §)§®¤*~ˆ°

**حمد الضوّي** · 25/05/11, (04:47 PM)

اقتباس:
المشاركة الأصلية كتبت بواسطة البدر
يسلم راسك يابعدي وهذا العشم فيك

خلووووووها

دامك فهمت الكلام احفظه لاتسربه = بعطيك انا السالفه من بعد عنوانها
بتصير مشهور والمشهور مانعذربه = دام المشاهير ماتخطي بقيفانها

هلا وغلا بخوي

الــــــــــــبــــــــــدر

وقبل أقول خلوها
ابي منك توضيح لكلمة ( عشم )
حيث لم أسمعها من قبل إلا في برنامج مباشر على القناة الليبيه عنوانه ( عشم الوطن )
وأنا أعرف إنها طيبه لكن مامعناها ؟ حب إستطلاع فقط ...........

وخذها مني شهاده بإنك ناقد وشاعر محاوره متمكن أستمر وسوف تنافس كبار شعراء المحاوره
وفقك الله

خلووووووووووووها

السر مدفون وأنت اللي تبيه أطلبه=علاقتي معك ماودي بفقدانها
من شرقي الدار يابن الناس لامغربه=للشهره الناس دوم تحث ركبانها

**محمد دعسان** · 25/05/11, (05:49 PM)

اخوي البدر الناقد الشاعر ودرع عنزه تحيه لكم واقول ابدعتو متابع بحماس
شكراً لكم
لحظه ابقول شعللوهاء
دمتم بحفظ الرحمن

**حمد الضوّي** · 25/05/11, (05:57 PM)

اقتباس:
المشاركة الأصلية كتبت بواسطة محمد دعسان
اخوي البدر الناقد الشاعر ودرع عنزه تحيه لكم واقول ابدعتو متابع بحماس
شكراً لكم
لحظه ابقول شعللوهاء
دمتم بحفظ الرحمن

محمد دعسان

هلا بك مرورك مشرف يالغالي
ولعلمك والله ماني بشاعر محاوره لكن الظاهر أننا توهقنا مع الناقد العلم والشاعر الكبيرالبدر

تحياتي لشخصك الكريم

**البدر** · 25/05/11, (08:59 PM)

شهاده اعتز بها ياحمد

اما بخصوص كلمة "عشم " والله مدري لو انك تغيشم علي مثل المره الاولى لكن ابي اقول لك اللي اعرفها عنها وان شاء الله على نياتكم ترزقون !

اهل اللغه العربيه يقولون معناها "طمع"

اما عندنا فهي دارجه ولما يقول الشخص "هذا عشمي فيك " يعني هذه هقوتي او ظني بك والعكس لما
"يقول ماكان العشم فيك " وهي دارجه عندنا بشكل كبير واستغرب انك تقول اول مره تسمع بها
حتى استخدمها شعراء كثير في قصائدهم

مثل البيت المشهور اللي ماعرف شاعره لكن غناه المغفور له بأذن الله فهد السعيد
ا عزوتي ما كان هذا العشم فيك .. غيّرت رايك بعد الاخلاص وش جاك

وغيرها الكثير ..

خلووووووووها

زهير ياخطى نبي نسكت ولانغضبه = من شأن مايعمي المجلس بدخانها
ام الوراعين دائم تمسكه بشنبه = ومن شأن ترضى عليه يحب ورعانها

**البدر** · 25/05/11, (09:03 PM)

الشاعر محمد دعسان

الله يحييك وشكرا على الحضور

خلك بالقرب

**حمد الخمعلي** · 25/05/11, (10:02 PM)

صحت السنتكم البدر وحمد الضوي

صراحه ماني مقتنع بقولكم انكم اول مره تلعبون محاوره؟لأن هذه المحاوره محاورة قويه0
فإذا كانت هذه اول محاوره فأنا أقول بأنكم شعرااء كباار لديكم القدره على الدخول في هذا المجال بكل ثقه0

لي عوده وتعليق على الملاحظه اللتي جرت بينكم ولاكن بعد انتهااء المحااوره0

متاابع لإبداعكم

**محمد بن موسى** · 25/05/11, (10:22 PM)

البدر

حمد الضوي

صحت السنتكم جميعاً

طاروق كايف لايتقنه الا شعراء كبار

متااابع