يا قصيدي طالبك لا تقول لله

[عبداللطيف الخالدي]

السلام عليكم ورحمة الله وبركاته

أول مصافحه علها تحوز على رضاكم ..

يا قصيدي طالبك لا تقول لللـه = لا نخيتك فزلي وأرق الطوايل
يا قصيدي والجزاله بك جبله = عادتن لي دايم(ن) بدع الجزايل
يا قصيدي لونشرتك بالمجله = تنتحر كتابة الشعر الهزايل
ياقصيدي راس مالي انت كله = حالف(ن) ما أرخصك وأشحذبك واسايل
ما كتبتك راجين مال(ن) و فله = ما بي الا الصيت ولا المال زايل
ياقصيدي انت سيفي يوم اسله = اطعن بك نحور واكسب بك جمايل
ذاخرك للضد لا جاء منه زله = احتزم فيك انت واردع كل عايل
ويا قصيدي انت كيفي يوم ازله = والم (ن) فنجالك العذب الزلايل
لذته في مدح من هو لايق(ن) له = الرجال اللي تنومسها المثايل
ياقصيدي دوم انا وياك شله = مع بعضنا نتحد قول وفعايل
وارثين الفعل ما خذناه مله = من جدودن مجدها عالي وطايل
الكرم لضيفونا بن(ن) بدله = و الدسم ما بين كبش وبين حايل
والشجاعه فعلنا محد(ن) يفله = في زمان (ن) فات سوينا الهوايل
قولة دغيليب يوم ابدى المطله = الجذع يخبرك بعلوم (ن) صمايل
((خالدي والخالدي حام(ن) محله = يومها بالشلف وخشوم الفتايل))

وسلامتكم

عبداللطيف بن محمد السياري الخالدي