ماذا قال الشاعر:ماجدالجعفري للغضيان

[رابح الغضيان]

المشاركة الأصلية كتبت بواسطة الرااايق

بسم الله الرحمن الرحيم

السلام عليكم ورحمة الله وبركاته

هنا يتجلى الوفاء هناا يتجلى الكرم هناا يتجلى صدق المشاعر والصداقه الصادقه

إليكم ماقال مراقبنا الشاعر القدير/ ماجد الجعفري

لرفيق دربه وصديقه /الشاعر : رابح اغضيان

ولايذكر الطيبين إلا الاطيب

والايثني على الكرماء إلا الاكرم النبيل

أدامكم الله على العز والمعزه جميعاً ..........

لك السلام اقدمه ياصاحب الشان الرفيع=ياللي ربحت المرجله بافعال محصي عدها
ربحت بالقول الأكيد يارابح الفعل البديع=لك وقفتٍ/ن مع الخوي محدٍ وصل لاحدها
القاف يعجز ياصفك ويضل في عيني وضيع=وعروق قلبي كلها تعجز توصل ودها
ومن بعدها دوك العزا بابوك والابن الشفيع=الدنيا ياخوك ابتلا وانا اعرفك قدها
جيتك بدعوه صادقه واطلب من الرب السميع=إنه يعظم اجركم من دون شك بردها
ويلهمك ياخوي الصبر واحزانك العظمى تضيع=والغيمه السودا تجلا ولايطول مدها
ولاتشتكي أية قهرلومنه يشيب الرضيع=همتك ياراع الوفا ابيك حيل تشدها
ماراده الرب يحصل لودونه السد المنيع=ارادة الله فوقنا ..مافيناحيل نصدها
واختامها يابن الكرم ابطلبك ماتستطيع=ان ظاقت الدنياعليك لاخوك ماجد عدها
أنا خويك بالرخا ومسندك بالوقت الفضيع=واسور بقعا لاعتلت أناكفيل بهدها
ولك اليمين أمدها وتعاهدك لاماتبيع=وان خانت العهد اليمين يحرم علي لاجدها

امل ان اكون وفقت بالنقل

والسلام

بيض الله وجه ابوغانم

شاعر الحميا شاعر المواقف شاعر الشهامه

كفو والله ياماجد

وشكرا سامي لاعدمتك يالغالي يشرفني ماقال بي صديقي الغالي واخي العزيز ماجد

والشكر موصول لكل من مر من هنااا


جمعكم الله على العز والمعزه


محبكم راااابح

[احساس قلم]

الرااااااايق
مشكوووور على نقلكـ الرائع
شاعرينا لهم مكانتهم عند كل عضو في ويلان
ولهم احترامهم وتقديرهم عندي
والف صح لساان شاعرنا الرائع ماجد الجعفري
وابو هيثم يستاهل
والله يصبره على مصايب الدنيا

[ماجد الغانم]

الغاااالي

الرايق

بيض الله وجهك على هذا النقل

وهذا اقل مايمكن أن نقدمه لأخ عزيز علينا جميعاً وهو اخوي العزيز رابح الغضيان

ونسأل الله أن يعظم اجركم ويلهمك الصبر في فقيديكم (هيثم) والخال(غضيان)


والله يرحمهم ويغفر لهم ...ويسكنهم فسيح جناته

دمت بكل خير ......اخي الراايق