الشريط المنطوي @ محمدخلف الزايدي

[محمد خلف الزايدي]

اخي الفاضل محمد الدلماني’’

صح بدنك الله لايهينك على هالأطراء الرائع ،،،،،

شاكر لك المرور العطــــــــــــــر على متصفحي من خلال ساحتنا الشعريه

في منتدانا الشــــــــااامخ الغالي على قلوبنا ،،

لك مودتي واحترامي

[طلال]

المشاركة الأصلية كتبت بواسطة محمد خلف الزايدي

بسم الله الرحمن الرحيم

اخواني وخواتي الأفاضل
حبيت طرح هذه المشاركه ونرجو ان تحوز على رضاكم ,,,

البارحة جفنـي بـه النـوم مـالاج=مدري عـلام النـوم عيـا يجينـي
مني سرا في ليلةٍ مـا بهـا سـراج=فـرق ظـلام الليـل بينـه وبينـي
وأنا تخيـل مركبـه فـوق الأمـواج=تلعب به الصلفـات شـام ويمينـي
اخذني الهاجوس سجـه وبـي راج=فل الشريط المنطـوي مـن سنينـي
ياطول ما سجيت رجلـي بـالإدراج=على القدم واحيـان راكـب هجينـي
اسري توال الليل والصبـح مانبـاج=اترك لذيذ النـوم واسهـرت عينـي
من شان عز النفس عن درب الاحراج=اخشـى تميـل لواحـدٍ مـا يبينـي
عن المذلـة نرتقـي عـال الابـراج=راس الطويلـة مدهـل الغانميـنـي
للي مجالسهـم بهـا فلـة احجـاج=يدله بها مـن كـان قلبـه حزينـي
ماهي قلايـص بيـن ناقـد وهـراج=عفـون الرجـال مبوريـن الثمينـي
اهل الزرايـا مابهـم خيـر سـذاج=عـن المراجـل كلهـا ناقصيـنـي
في حـاره الجيـران هـده ولجـلاج=مـع المـراة والـورع متضامنينـي
هذي عوايـد كـل هابـي وهلبـاج=ياكثرهـم فـي وقتنـا الذاهبيـنـي
واليوم فيها علوم والوضـع منعـاج=مع الكبـر والضغـط (اه ) وونينـي
مثلي كثير من الملأ جمـع وافـواج=راح النشـاط وكـل قاسـي يلينـي
أخذت احسّب راس مالـي والإنتـاج=لعـل مـا قدمـت يوفـي بديـنـي
الرابح اللي تجرته مـا بهـا اخـداج=طيب العمـل والعاقبـه مصلحينـي
ذاك السعيد بعيشته وان هلـك نـاج=مسـرور بالثنتيـن دنيـا وديـنـي
وخلاصة الموضوع ذكرى ومنهـاج=علـى طريـق الخيـر ياسامعينـي
منهو يريد بخدمتـي يلبـس التـاج=وصـيـة الرحـمـن بالوالديـنـي
انا كبـرت وتالـي العمـر محتـاج=للبـر والإحسـان باقـي سنيـنـي
اكل سمـاط الـزاد ويدامـه إعـلاج=عسى الولي فـي رحمتـه يجتبينـي
ارجي عظيم الشان ياتـي بالافـراج=ويبـدل الشّـدات يـسـرا وليـنـي
والا المقّـدر مالنـا عنـه مخـراج=ولا شك بالمكتـوب عنـدي يقينـي
لو طالت الايـام مصيرهـا ازعـاج=حالـة هـرم ومرادفـه مقتفيـنـي
كن البشر قبلي على الارض مـاداج=واللي خذاهم فـي طريقـة يجينـي
وصلاة ربـي عـدّ ماطـاف حجّـاج=علـى نبيـه خـاتـم المرسليـنـي

الشاعر // محمد خلف الزايدي الخمعلي

اكل سماط الزاد ويداامه علاج عسى الولي في رحمته يجتنيني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،

محمد خلف الزايدي

نطلب من الله لك الشفاء والعمر المديد

محمد،،،،،،،،سوال واحد انت من اي قبيله،،،،

صدقني ماكل قصيده بنسبه لي تشد انتباهي

ويكون مروري مرور كرام على منتدي الشعر
دائم

ولا كن عند مايكون ،، محمد خلف الزايدي
اتوقف تماما
(لشعر الحقيقي)

محمد خلف
صح لسانك جزل ياجزل
انا اخوك
تامرني خدمة مستعد

من نواقص الدنياء

سجل عجاااااااااااااااااااااااااااااابي

[محمد خلف الزايدي]

اخي الوفي طلال،،،،،،،،

أولا ـ اشكرك جزيل الشكر ـ واسأل الله ان يقبل دعواتك الطيبه والصادقه ،

ثانيا ـ اشكرك على الأطراء والأعجـــــــاب بشاعريتي، وبذاتي ايضاً

وانا فخور بهذه الشهادة من شــــاعــــر بحجم اخوي طـــــــــــلال

ثالثا ـ عســـــــاك ذخــــــر وجمالتك اعتبـرهــــا واصله وهـذا من طيـــب معـدنك الأصـيــــل

رابعا ـ انا لاستخدم اسماء مستعاره ,, اسمي ولقبي وقبيلتي كما هو مدون بأعلى وأسفل النص،،

-----------------
شاكرومقدر كل ماخطته اناملك الشريفه على هذه المدونه
كما اسأل الله ان يديم عليك نعمة الصحه والسعاده ولايريك سوءٌ ولا مكروه

اعذب واجمل تحيه لأخي طلال،،،،،،،،،

[عاشق المعالي]

الشاعر الكبير شعرا واخلاقا محمد خلف الزايدي

اسأل الله لك الشفاء والسعاده والذريه الصالحه

صح لسانك على هذا النص الراقي

[خلف الغريب]

اسري توال الليل والصبـح مانبـاجاترك لذيذ النـوم واسهـرت عينـي

من شان عز النفس عن درب الاحراجاخشـى تميـل لواحـدٍ مـا يبيـنـي

عن المذلـة نرتقـي عـال الابـراجراس الطويلـة مـدهـل الغانميـنـي

نعم والف نعم و كفو يا ابو عبدالله وصح لسانك وسلمت ..

ابيات تحمل قيم ومبادئ رائعة وشريفة لا يتقنها الا الشرفاء امثالك ..

هذه القصيدة اعتبرها سجل حافل بسيرة ذاتية عطرة وحياة قامت على مبادئ راقية هي باختصار تكوينك ايها الشاعر الكبير ..


بس برضه انا اعتبرها اعتراف مباشر بالكبر لذلك لا تزعل علي في المداعبات الجوالية السابقة بيننا وانا هنا ارضى بشهادة نافع الجديد ..ههههه
اكرر تحياتي وودي لك

[بدرفهد الجعفري]

الشاعر الكبير محمد الزايدي

فعلا انت نجم خلوق وشاعر مميز

صح لسانك والكبر وانا اخوك هيبه والحمدلله كبارك على العز والشموخ .

تحياتي لك

[نواره محمد]

صح لسانك اخوي

والله يعطيك العافية على هذا البوح