وش رايكم في هذا اللغز - الصفحة 3 - °~*¤®§(§ شبـــكة ويــلان العـربـيـه §)§®¤*~ˆ°

**أبو غرام** · 12/03/09, (02:22 AM)

ياولد انت قاعد تغرينا

هالون مانبي ابو عادل يقولنا صح لسانك

جمريه وابن خميس وسوالف ورمعات من جنبها وضحك ووناسه

ياولد تدري كيف

الظاهر اني هونت

هههه ابتراجع عن رمعتي واشيل الفراش انت بس لاوصلت

اضرب بوري وماتدري الا والفراش طايح على العزبه

طبعا مع المركى الخاصه بي

^_^

يقولون

والنقل عن ابو خالد خلف

ان العنزي كل شي يتقاسمه الا المركى

كل واحد له مركى لحاله

هههههه

ننتظر ابو عادل ويجينا الحل

**عاشق المشتاق** · 12/03/09, (03:29 AM)

تحياتي لكم جميعا

خوت الربع مامثلها ويزينها

بس اشير عليهم روحت مكه قبل

من زمان ولهم عندي بعد فطور الجمريه

غدوة لحم حاااااااااااااااااااااااشى

يابو غرااااااام

بشعبان مكه بالصييييييييييييييييييييييييييييييييف

تممممممممممممممممممام يابو داوووووووووود

**سليمان الجعفري** · 12/03/09, (10:08 AM)

ابن هندي

ابوغرام

ابن خميس

اظاهر انكم مسوينها (كشته ) قصدي ( قيله) او (مطلاع )

سموها زي ماتبون ولكن خوذوني معكم الله لايهينكم

خوتكم تنشرى بالدراهم

لكم ولجميع المشاهدين

التحيه والاحترام

**كاتب الجعفري** · 12/03/09, (01:19 PM)

اتوقع انها الشبكة العنكبوتية ( الانترنت) او المنتديات والمواقع

شكلي من جنبها هههههه

**سليمان الجعفري** · 13/03/09, (02:29 PM)

اقتباس:

المشاركة الأصلية كتبت بواسطة كاتب الجعفري

اتوقع انها الشبكة العنكبوتية ( الانترنت) او المنتديات والمواقع

شكلي من جنبها هههههه

كاتب الجعفري

هلابك ياولد عمي

انا اخاف ان ابن هندي وابو غرام يكشفنا

والأ كان ارسلتها لك على الخاص

على العموم (مالك لوا ) دور غيرها

تحياتي لك وللقاري العزيز

**أبو غرام** · 12/03/09, (01:21 PM)

اقتباس:

المشاركة الأصلية كتبت بواسطة سليمان الجعفري

أنشدك عن دار ولا به مخاليق = ولا قيل به ميت أو حي سكنها
بس العلام موضحه بالطواريق = والي عرفها يخبر الناس عنها

جاري التفكير من جديد

=

لله اسمح لنا يابو عادل منت خوي لنا وانت ماغير تفشلنا هنا

ياخي على الاقل ارسل رساله خاصه عطنا بها الحل

خل نبيض الوجيه هنا

ثم الوعد عند النياق

على هرفي يحبه قلبك

=

رمعتن اخرى غير الرمعة الاولى :

الخريطه ؟

**سليمان الجعفري** · 13/03/09, (02:50 PM)

اقتباس:

المشاركة الأصلية كتبت بواسطة ابو غرام

جاري التفكير من جديد

=

لله اسمح لنا يابو عادل منت خوي لنا وانت ماغير تفشلنا هنا

ياخي على الاقل ارسل رساله خاصه عطنا بها الحل

خل نبيض الوجيه هنا

ثم الوعد عند النياق

على هرفي يحبه قلبك

=

رمعتن اخرى غير الرمعة الاولى :

الخريطه ؟

ابو غرام

العزيمه وصلت ويازين الهرفي مع حليب الناقه

وانا احسن مافي اني مااكبي بوجه العزام

الله يقويك يأبن العم وبعدين في تالي الربيع

اما اللغز( مالك لوا ) يالذيب