الى عائله من جمبها لغز عاجل

[هبوب العنزي]

المشاركة الأصلية كتبت بواسطة فهد الشافي

علمينا بالحل يا هبووووب

يمكن مفاجأة

اي مفاجاه يافهد ماتشوفني منحاشه من المنتدى يومين ما اعرف الحل

[سالم صالح]

والله ياهبوب دائماً توهيق كل مادخلت موضوع الا وهبوب هي الي حايسة القش


انا والله عندي رمعة بس مااتعدى على الاخوان والاخوات الي اكبر مني مايصير ابداً والله ان تعدون




اما البيت الاخير هو الي فيه الحل والله يستر امزح امزح هبوب يازين السجن لك نبي نحط لنا سجن هنا


لعز رائع بروعة هبوب التوهيق

[جبار بن عابر]

هبوب بنت العم وش ذا البعيري

ماتجلبينه كان تبغين الارباح


! ! !


طبعا انا هنا اعرف اللغز . ولكن لا اقوله لااترك مجال لبقية العائله (من جنبها )

واذا سمحت لي شيخة شمل عائلة (من جنبها ) سمو الشيخـــــه هبوب اقول الحل,,,,

يسعد مساء الجميع بالرضاء والسرور.

وش رائك ......اعرف الحل والا ....لا ؟

[هبوب العنزي]

هبوووووب<<<داخله الموضوع ولابسه فوق راسها قدر تخاف احد يحذفها بعلبه ولا شين



فهد وربي ما اعرف الحل بس بهبل فيكم بس جت على راسي



سالم وش سويت انا ,, انا مسيكينه لا اهش ولا انش وكله اشاعات انا مظلومه



يزن تكفى اذا انتا عارف الحل عطني اياه لجل افك حالي منهم وانا اختك



هبووووب<<<قالها جدي وجدي صادق انتي ياهبوووب تلفين الحبل ع رقبتك دايم

[جبار بن عابر]

يزن تكفى اذا انتا عارف الحل عطني اياه لجل افك حالي منهم وانا اختك....

طيب ابشري وانا اخوك...

اختي هبوب

بعد التحيه ...........تفضلـــــي

هذه قصيده للشاعر والشيخ /تــــركي بن حميد , رحمه الله
وهي ثمانيه ابيات على بحر المسحوب ، وفيها يتحدث عن جمل خرافي يولد من لقاح نعامه وبعير واصفاً اياه بالكبر في الحجم ، والطيران ، وسرعه الحركه ، وهي على خلاف ما اعتبرها البعض من قصائد الشعر العبثي حيث اتت هذه القصيده في وصف قبيله عتيبه وتأكيد قوتها واتساع رقعه اراضيــها وهو ماجعل ابن هادي (شيخ قحطان )
يرد
على هذه القصيده

يقول تركي بن حميد

ياراكبٍ اللي مايداني الصفيري
هميلعٍ من نقوة الهجن سرساح
أمه نعامه واضربوها بعيري
جا مشبهاني على خف وجناح
عليه خرجٍ من سلوك الحريري
وسفايفه مثل الغرابين طفاح
يسرح من الطايف ويمسي البصيري
والسوق والبصرة دهجهن بمرواح
مزهبك يارعيه تمر ومضيري
واحذر تشب النار يجفل من الضاح
والى ورد يشرب ثمانين بيري
غرافهن تسعين ودليهن ماح
رجليه بالحره وصدره يسيري
ويشرب براسه من على جمه رماح
ياويش هو شيٍ طويلٍ قصيري
يسبق زعاجيل الهوى يوم تنداح


تعتبر هذه القصيــده بمثابه تحذير شديـد اللهــجه للقبائل المجـــاور ، فرد عليــها ابن هـــادي بقصيــده

جميـــله جــداً يتسغرب من اين هذا الجمل ؟؟؟



يقول ابن هادي

ياتركي بن حميد هذا يصيري
ماتجلبونه كان تبغون الارباح؟؟
لاعاد له خف وجناح يطيري
انا اذكر الله راكبه كيف ماطاح ؟
انا لقيت الكذب في كل اميري
وياحلو كذب مرويه علط الارماح
كيف النعامه نوخت للبعيري
اقول ذا كذبٍ على الناس فضاح

وسلامتكـــــــــــم جميعاً,,,,,,

[هبوب العنزي]

الحل ياجماعه اذا ماخاب ظني المقصود به جماعة تركي بن حميد


يعني الحل هم (العتبان) هذا والله اعلم بس هذا الوكاد

[نافع عيد الجديد]

هبوب لازلتي من جنبها

ههههههههههههههههههههههههه