"كـــــثر الغموض.. اللي سكني وضوحــــــــــــي"

[غموض الشمال]

لوكنت تعرفني وتعرف وضوحي=ماتجرح اللي صادقن معك مبداه
حب البساطه والصراحه طموحي=واللفلفه طريقها ما مشيناه
اجرح ترى ماهي بأول جروحي=جرح الزمن قبلك عجزت اتناساه
مادام شايفني بعينك شحوحي=كلن يعود قبل لايتعب خطاه

[غموض الشمال]

همســــــــــــــــــــــــه :
.
.
.
.
.
.

قررت أنا ابعدك عن طريقك واخليك=واقهر خُطى رجلٍ لدربك خذتني
لو كنت مخطي والله اني لاراضيك=لاكن ظنونك والشكوك اذبحتني
خلك مع الأيام تعرف محاكيك=الصدق غيره دنيتي ماعطتني
خسران من باع الخلايق وشاريك=ماعمرهالدنيا على الكيف جتني
وآخر طلب لاتخذل اللي وثق فيك=يوم الليالي في يدينك رمتني

[غموض الشمال]

صدق الفراق برغبتي واختياري=لكن قسم بالله ماطاب لي نوم
بين الحنين وشوق قلبي وناري=واحساس من بعدك غدا شبه معدوم
كنت احسبٍ لا غبت ارد اعتباري=اثري غيابك منبع احزان وهموم
اخاف لاجيتك مغير قراري=اطيح من عينك ليا جيت مهزوم

[غموض الشمال]

يا.......بعدك وربي ما استطيعه=ماتحمل غيبتك لوهي دقايق
اظلمت دنياي وضاقت بي الوسيعه=كن مافيها بلا شوفك خلايق
نار شوقي تسطلي فيني وليعه=شبت بجوفي من فراقك حرايق
ياعسى مافقدك ولاتجيك الفجيعه=وياعساني فدوتك عن كل عايق
ياحياتي ياهنا العمر وربيعه=روحي وروحك غدن مثل الشقايق
ايه بك مني ولك نفس الطبيعه=صرت لايق لي وكلي فيك لايق
معك زال الهم واتلاشى جميعه=وطابت جروحي وانا احسبها عمايق
كل غالي يرخص لعينك وابيعه=مايعوض عنك لاهل ولا رفايق
اخذ مني عهد ابقى لك مطيعه=وعهد لوفي لك وسجلها وثايق

[غموض الشمال]

إهـــــــــــــداء إلى منتدانا الشامخ.....!!
.
.
.

يامنتدى الــويــلان.. يانخبة أبـداع
......................ياملتقى لاهل الأدب والثقافه




شعر وقصص تطرب لها كل الاسماع
.....................وكــلٍ يبين قـدرته واحتـرافـه



وحوار هادف "راقيٍٍ" فكر واطباع
...............ومن ضاق سجل همسته واعترافه




بالمختصر من شاهده لـلأدب جـاع
....................يرجع يحطه للمفضل "إضافه"

[غموض الشمال]

اعتبرني شخص من عرض البشر=اللي مروا في حياتك عابرين
حلم ليلٍ مر في لمح البصر=واضحٍ معناه دون مفسرين؟؟
الغلا ياصاحبي ماهو جبر=به تجاملني على مر السنين
الهوى احساس صادق ينشعر=مجبله ارواحنا به كل حين
انسني وامح الرسايل والصور=وامحني من قلبك اللي مايلين
انسني وانساك والدنيا عبر=مدرسه كم خرجت من فاهمين

[غموض الشمال]

همسه للغااااااااااليه (نوف الشمري)
.
.
.
.
.
.
.

لاتسأليني علتي وش بلايه=خلي الطبق مستور تكفين يانوف
أخاف سري ينكشف للوشايه=وأنا على ساحاتهم كرت مضيوف
اهل الشماته والحسد والزرايه=محرفين القول لو كان معروف
ضعاف النفوس اللي غلبهم صدايه=تفكيرهم محدود والعقل مو قوف
ما لومهم لو اطعنوا من ورايه=عبيد مال وينقص الجيب مصروف
والله لاكيد اعداي واعلن اعدايه=واشمخ مثل "مارد" على قمة الجوف
وارسي مثل "نخله" بليا رعايه=واصمد مثل "زعبل" صمودٍ بلا خوف
وان كانها باحزاب ربي معايه=والله لالاعبهم على الحبل مكشوف
ومن حدني بعلن عليه العصايه=قانونهم من ساحة الشعر محذوف
وآرد ولو وردت جموعٍ معايه=يحسب علي قولٍ للانجاز مضيوف
ماهو غرور ولا لنفسي داعيه=الموعد الأثنين في درة الجوف