اقتباس:
المشاركة الأصلية كتبت بواسطة الرااايق 
اقتباس:
المشاركة الأصلية كتبت بواسطة رابح الغضيان
السلام عليكم ورحمة الله وبركاته
إليكم احبابي هذه المتواضعه امام شموخكم
(كــــــذبة _ ابـــــريـــــل)
مدعين الشعر صفق لهم مدعين=والعروس الجميله شق جلبابها
مرةٍ طالعين ومرةٍ نازلين=ودفنوها بلاتكفين بثيابها
حركوا حرف ساكن تتبعه كلمتين=صارت علوم قوم تفتل اشنابها
ثلةٍ طابخين وثلةٍ شاربين=دلـةٍ ماتعـدل عماس شرابها
دلو جمه ودلو تراب واحيان طين=ضاع مجهود جاذبها وصبابها
المصيبه كثيّر إيقال يامبدعين=كذبة ابريل ردوها لكذّابها
وسارقين المصارف زوروا عملتين=وصاحب البنك معطبها ولاجابها
ضاعت حقوقنا مابين سمن وسمين=كلمةٍ قالها المديون مااوفابها
والله اني على الاشكال هذي فطين=لكن ظروفي الصعبه بلشنابها
اتعبتني ظروف الوقت والحظ شين=والليالي عليه تبرد انيابها
كل ماقلت زانت قال حظي لوين؟!=خيبت الحظ حولي تغلق ابوابها
ان سلينا دقايق صاح جرحٍ دفين=جاوبه دمع عيني واغرق اهدابها
اخفي الدمع لكن حزن وجهي يبين=فرحة العمر قلبي ماتهنا بها
خنجر الظيم هدت حيل متنٍ متين=انهكتني وانا اللي كنت ماهابها
دورة الوقت دكت كل حصنٍ حصين=ياالله اني بوجهك بان مضرابها
وسير رجلي توقف بين صبر وحنين=وبين شرهة رجالٍ تخفي اعتابها
العزيمه وقو الباس والصبر زين=توصيت والدي قبلي تحلابها
اطلب العون من ربي وربي معين=زارع الروح فيني ربي ادرى بها
خالق الانس من صلصال تربه وطين=جامع الخلق عنده محصي احسابها
يوم غابت ضعون اللي نعده عوين=ركعتين الضحى ياقلب تسلابها
اشهد انه علاج القلب دامه حزين=سجدتك وانت خاشع تفتح ابوابها
احتسبها خدينك يوم مامن خدين=في نهارٍ تبور الناس بأصحابها
والسلام ,,,,,,,,,,,,,
وخالقي انك مفخرة ...........
المدعين ,,, ياكثرهم بالساحه
والمطبلين اكثر واكثر
نحن بحاجه لمثل هذه النصوص الهادفه والراقيه
ابطيت علينا يالغالي وجبت الثمين والسمين
ابو هيثم مثل ماتحب نزهمك قناعه منك لاعدمتك لتجسيد الراحل الغالي
على قلوبنا جميعا شبلنا هيثم رحمه الله رحمه واسعه
عمي وتاااج راسي انت علاج بشعرك عن غثا كل المدعين والمستشعرين
رعاااك الخالق وحفظك
مودتي ومحبتي
ابنك سااااااااااامي
سامي انت الذخر يالغالي
حفظك الله ورعاك
.........
05/04/11, (02:07 PM)
رد: (كـــــذبة ابـــــريل)
العرض العادي
