الليالي عودت باللي مضى واللـي غدالـي
جابت اللي في وصوفه مايجـي لله مثيلـه
الجمال اليوسفي والحسن الأقصى والموالي
مجتمعبه مايبـي غيـره ولايبغـى بديلـه
نور خده لاظهر يكسـر متاهـات الليالـي
معجزه والمعجزات السبع لو شفته قليلـه
لو وصفته ماوصلته في وصوفه حيل عالي
يرهق اقلام الكتابه بالمشاويـر الطويلـه
ان ذكرني قلت غالي وان جفاني قلت غالي
دام له بالقلب نهر من الغلا يمشي مسيلـه
يارصيدي بالهوى يامنيتي يـاراس مالـي
يآخر حدود القصيد ويالحروف المستحيلـه
والله اني يوم اسج الفكر غيرك ماطرالـي
يامرافقني بشوفك تجلـى احمـول ٍ ثقيلـه
يوم اعاين في عيونك وتبسم وانت سالـي
بحر حبي لاتبسم في عيونه صرت اخيلـه
ريحي في وسط قلبي وستريحي ياحلالـي
دام طيفك في عيوني ماحد ٍ يقـدر يشيلـه
من عذلني قلت لك فال ٍ وانا بمشي بفالـي
والله الحساد زادو يـوم شافوهـا اصيلـه
ماسمعت الحكي الاول دون ابسمع فيه تالي
عن حبيبي ماتسمع كلمة قلـوب ٍ غليلـه
ان ذكرته وان نسيته ماسكن غيره خيالـي
زبدة الموضوع وادري مايجـي لله مثيلـه
صح لسانك ولاهنت
وحياك الله مجددا
تحياتي لك