هرج الناس

[فاضي عبدالعزيز]

صح صح لسانك شاعر جزل ومبدع

ترى النصيحه جوهره ابو بعد ماس
.........لاهـل العقـول النيـرات الفطينـه
ومن لاحفظ نصايح الوقت ينحـاس
........يطيح في عثـر الزمـن والغبينـه

درر من بحر غزير بالجزاله والابداع
صقر المطردي
لاهنت

[صقر المطردي]

الرجاء من الاخوان المشرفين التعديل على الشكل الحالي لكونها نزلت باخطاء مطبعيه غير مقصوده واشكر الجميع

ياناس هرج الناس من خلقة الناس=شيٍ طبيعـي والعـرب عارفينـه
خذ الكلام اللي حقيقي من الـراس=خبـرة حيـاة ودرستنـي سنينـه
ماهو حكي جاهل ولا هرج هـلاس=اللي على عقله عسـى الله يعينـه
حكي الذي من التجربه حافظ ادراس=بدنيـا تجاريـب الزمـن حافظينـه
ايام فاتت ماضيه مالهـا ارمـاس=من عمري اللي للتجـارب عرينـه
الرابح اللي من خطا الذنب مـاداس=تـاب ونـدم قبـل المنيـه تدينـه
خذها نصيحه يافتى الطيب والباس=دام النصيحـه فـي زمنـا ثمينـه
ترى النصيحه جوهره او بعد ماس=لاهـل العقـول النيـره الفطينـه
ومن لاحفظ نصايح الوقت ينحـاس=يطيح في عثـر الزمـن والغبينـه
يقضي زمانه بين هم وسـواس=كف الندم يصفـق شمالـه يمينـه

الشاعر / صقر بن غازي المطردي الجعفري العنزي

[تركي فلاح]

صح لسانك شاعرنا صقر

قصيدة رائعه لشاعر بالتأكيد أروع




فلا تحرمنا جديد اهطالاتك الشعريه ..





وبالنسبه لناقدنا البدر أنا أعترض على وجهة نظرك أن هناك خلل في الشطر الذي ذكرت

فالشطر موزون ولا فيه خلل بالوزن

وأتفق معك بملاحظتك الأخرى ..


وأتمنى ان تتقبل وجهة نظري فأنت وأنا بشر نخطيء ونصيب ..




شاكر لك جهودك معنا ..






تركي فلاح

[صقر المطردي]

اشكر لجميع من عطر هذه الصفحه بمروره العذب

ادامكم الله وحفظكم

[صبيح العوض]

صقر المطردي


صح السانك قصيدة مميزة ونصائح من ذهب بيض الله وجهك شاعر مبدع وحياك الله في دارك


تقبل تقديري وبانتظار روائعك

[سعد النفج]

الله الله مبدع يا صقر ..
صح لسانك و أهلا بك في شبكة ويلان العربية ..
و نفخر بوجود شاعر يحمل هذه الجزالة و هذا الرقي ..
و الشكر موصول لأبو عيد على الدعوة الكريمة و شكرا لك على تلبية هذه الدعوه ..
دمت بخير ..