اقتباس:
|
المشاركة الأصلية كتبت بواسطة عبدالله المعزي
السلام عليكم ورحمة الله وبركاته
احبتي في هذا الصرح الشامخ اهديكم هذه المشاعر ارجو ان ترقى لذوقكم المميز 00
يامفزعاً قلبي من اقصاه جـاك انـت=والله فزعلـك دون كـل الخـلايـق
الطيب من طبعي ولا لغيرك اذعنت=وما همني هـرج البنـات الرقايـق
جبل جبل مـا انثنـي لـو تلاينـت=واكفخ بجنحانـي بـروس الشهايـق
اخضع الربعي طيب ما شنت ما شنت=واطّيب لهم من ريـح ورد الشقايـق
اغض طرفي عن خطاهم ولا بنـت=فـي موقفـاً ينقـال تـراه بـايـق
وعلى القلوب المجحفه ما تشاحنـت=ولا همنـي هـرج القفـاء والنقايـق
انـا حقيقـه صادقـه مـا تلـونـت=نيه سليمه مـا ابتدعـت الطرايـق
ممدح انا روحي ولا اقول وش كنت=ظرف او جبرني لذكر بعض الحقايق
عرفتني !! اسمع قصيدي ولا هنـت=طاروق من راسي ولا هـو سرايـق
احبهـا اشعـاري اذا فيـك لونـت=وجه القصيد الـي بحسنـك تهايـق
تدري لمثلك زين الاشعـار دونـت=وهذا بعض نبعـي بالافكـار رايـق
يأجمل من الضحكه على مبسم البنت=الي بـه زينـاً علـى الغيـر فايـق
يا عذب يا حساس من يوم لي لنـت=بالماضي الي فات شفـت الحرايـق
قلي بربك ؟؟ كيـف منـي تمكنـت=وحنـا لقانـا مـا تعـدا الدقـايـق
برموش عينك قاسـي القلـب لينـت=الي من الصدمـات عـاف الرفايـق
سكنت روحي يا هوى البال وأسكنت=اهلـك وجدانـك و(اعـز) الشقايـق
لجلك عشقة الـدار والجلـك تبينـت=وما أخفيت سراً بالضلـوع الخفايـق
مقسوم ربـي لـه تعبـدت وأمنـت=انـي احبـك رغـم كـل العوائـق
تبي الحقيقه ؟؟ كل ما قلت منك انـت=فزعتني وابدعـت صـدق الحقايـق
وتقبلو تحياتي 00
عبدالله المعزي 000
|
الأخ العزيز عبدالله المعزي
صح لسانك على هذه الأبيات والكلمات العذبه والصادقه
27/08/06, (12:04 AM)
رد: ...... صـــــــدق الحـــــقائــــــق .........؟؟؟؟
العرض العادي
