سجل دخولك للمنتدى ببيت شعر اعجبك

[صالح العرجان]

لعنبو بعض الشعر يا هو جنون !!

يمر بك موقف تحس ان اللي كتبه ولقف قبال يشاهد ماقفك ؟!!


،،،،،،،،،،،،،،،،،،



اسمع......ولا ابغي اللي وزانك يسمعون
ربي كتب يكشف لك اسـراري وجيـت

صورة عديل الـروح عنـدك فالعيـون
واخاف تقطعهـا بموسـك مـا وعيـت

ولا عليك امر..اطوهـا تحـت الجفـون
وعقبه لو تقطـع عيونـي مـا شكيـت

هي راس مالي والعـرب مـا يدركـون
اني على بـاب الممـات و مـا حكيـت

ياقـو قلبـي يـوم قـفـن الضـعـون
اللـي علـى ذاك المـوادع مـا بكيـت

ويا صبر صبـري والعـواذل يحسبـون
اني دلهـت مـن الهـوى والا سليـت

اسكت عساهم مـن سكاتـي يسكتـون
وانا عن اللي في ضميري مـا انتهيـت

وادور الفرحـه مـع اللـي يسهـرون
وان ذكرونـي خـذت فنجـال وسريـت

اخذت من وقتـك يـا دكتـور العيـون
عالج عيوني لـو بعـد طبـك عميـت

واستر علي واللـي معـك لا يفطنـون
انت الوحيـد اللـي بعـد ربـي دريـت

[مشاعر حالمه]

راح لكن طيف زوله في العيون ..
.. مرةٍ قدامي ومرة وراي


وإن سكتوا جا وهو طيفه يمون ..
.. رحت أهوجس له وأبين له ولاي


مكسب عيوني من الفرقا مزووون ..
.. تمطر لطاريه .. والبرق ؟ أصدقاي


كل ما طروه لو هم يمزحون ..
.. احرموني من غداي ومن عشاي


أدري إنه ما تناسى الود كون ..
.. تسمع إذنه في قفاي اللسن عداي


وكانهم قالوا نسيته يكذبون ..
.. وإلا أنا فيه أمتلك نظرة وراي


كان حبه لي على خبري مصون ..
.. والله ان كني بقدري .. وبغلاي


ذي بقايا الحب وأطلال الجنون ..
.. والله أعلم في ضميره وش بقاي


غير طيعوني ولا عاد تسكتون ..
.. ولا والله إن أسمعكم بكاااي


.. ولا والله إن أسمعكم بكاااي

.. ولا والله إن أسمعكم بكاااي

.. ولا والله إن أسمعكم بكاااي



صالح العرجااااااان راااااااااااااااائع اختيارك لهالأبياااات والله رائعه

صح السان شاعرها ولاهان ذوقك ياصالح

تحيتي لك ...

[صالح العرجان]

هذه الابيات


للدفع الرباعي (( محمد ابن فطيس ))


عسى عودا جابه ما يجي وجهه لاهب الناااااااااااار ؟!


،،،،،


وهذي اهداء لك ؟!!





ياهيه اللتفت لي واسمع ادعاي لـك ياهيـه
ترا عـادك بتشبـع مـن البعـد وتواجـه

دعيتك بصـوت ٍ ياصلـك ليـه ماتوحيـه
وانا اسمع ضلوعك من صدى الصوت لجّاجه

عليـك الفـؤاد اخلاجـه مصمّـخ ٍ راعيـه
خـف الله فـي راعيـه ماتسمـع اخلاجـه

ترا العفو قـد جـاك اولـه واغتنـم تاليـه
وترا الحلم بحـر ٍ غيـر لا تامـن امواجـه

وترا الود ليل ٍ مظلـم ٍ جيـت لـك ساريـه
سراجه وصـاك والجفـى ينفـخ اسراجـه

وترا قصرنا اللي كم سنـه نجمـع ونبنيـه
هوى الهذل طيّـح بابـه العـود وسياجـه

لي أيام مـدري ويـن دارك ولا ادري ليـه
وانا خابـر انـي بـاب شفـك ومزلاجـه

غيـاب ٍ بـلا سبّـه هجـاد ٍ بـلا تنبـيـه
وجفا أغلا العرب نار ٍ على الكبـد وهّاجـه

نضج قلبي من البعـد وش حاجتـك تكويـه
جفاك الجمر والصبر فـي بعـدك الصاجـه

طبـع حبـك بقلبـي والايـام مـا تمحيـه
هـذا هجـرك يحـاول يموجـه ولا ماجـه

يموت الأمـل لكـن ضنـون الغـلا تحييـه
وعروق الوفـا فالـروح والقلـب وجّاجـه

خبرتوا حـد ٍ يبكـي علـى واحـد ٍ يبكيـه
وخبرتوا حـد ٍ مسجـون مايبغـي أفراجـه

احبه ولا ابغضتـه علـى شيّـن إيسويـه
ولا زالـت ارقـاب الرجـا فيـه منعاجـه

عسى منزل ٍ ضمه حقـوق الوسـم تسقيـه
وتضحك له الدنيا وهـو يضحـك أحجاجـه

فقد خاطري شـي ٍ مـن الضيقـه مسلّيـه
وغدت روحي من النـاس والليـل هجّاجـه

اروح لمكـان ٍ خابـره ..خابـره ياتـيـه
اسوق القدم صوبـه وهـي مالهـا حاجـه

مكـان ٍ نزيـه وأول مواجهـي لـه فـيـه
وانـا خابـر ٍ مارجـل مثـلـه بـدواجـه

لعل وعسى مـا حدنـي للمجـي ..يدعيـه
واشوفـه وانـا مـاودي اسبـب احراجـه

يحب الجريح آخـر دروب اللقـاء ويجيـه
وتحـب القـدم جيّـة مكـان اول مواجـه

[حامد العيد]

من نزفي

الحزن صوت المواجع صرخـة النـاي=والناي عزف الجروح اللي صحت بدري
مـن علـم أفراحهـم تطـرب لمبكـاي=ومن علم أصواتهم ترقى علـى أثـري
ياهايمـه والغـلا ينبـع مـن غـنـاي=شديت له خافقي يـوم الهـوى يسـري
ياهايمـه مستغيـث وعـذري الـجـاي=إن الهوى دمعته كسـت بخـل عـذري
البارحه والسـواد اللـي غطـا شفـاي=ماباح قسوة ظلامـه زغزغـت فجـري
شفتي عروق العطـش لا بلهـا المـاي=ما لانت وجرحهـا مستوطـن صـدري
بانت مواري خطاوي غربتي ومسـراي=كف حضن عبرته حتـى نفـذ صبـري
مارفرف الغصن لين إنه سكـن منفـاي=وماطارت أسرابه إلا منتشـي بعطـري
ياهايمه هـذي قصـة همـي ومشكـاي=موضوع حزني ألم لو كـان ذا قـدري
ياهايمـه قصتـي مزجتهـا بمغـنـاي=يمكن تحسيـن جـرح أكنـه بصـدري
رويت لك قصة العازف وجرح النـاي=وحكيت لك عن مواجع نزفهـا يغـري

[مصلح النشمي]

المشاركة الأصلية كتبت بواسطة صالح العرجان

يا قلب صالح وعروقه النابضه


صح لسانك


بس انت ناسي ان هناك منتدى للشعراء مكانك هناك يا خلف جداني بين النجوم المضيئه للويلان


والا هنيا خلنا ياللي على قد حالنا نسامر الهاجوس ويسري بنا بعمايله ؟!



سجل اعجابي !!


وسوف تكون اول ابيات اسامر به جروحي الليله بذوووووووووق ؟!

هلا ابوعبدالله

يابعد تسبدي لا والله ماني ناسي وادل قسم الشعراء زين بس يابعدي قسم الشعراء للقصائد

وهذي ابيات ما اكتملت قصيده.. وهذا انت ماقصرت سبع مية مشاركه بعدها

بعدين شلون اخليه لك لا تستهين بنفسك حتى انت شاعر ومكانك قسم الشعراء..


الموضوع هذا اول ندخله نقرا الابيات الحلوه لان اسمه سجل دخولك ببيت مو بمعلقه


ولكن بصراحه بكثرة مشاركاتك طيبت نفوسنا منه

[مصلح النشمي]

.




حبيبي كل ماضاقت تعال وصدري المهرب
............................... وانا لا ضاقت الدنيا لجأت لعينك الخجله..!!

[حامد العيد]

وللراحلة ايضا يتجدد النزف

يسعد صباح اللي من الصبح صاحـي=ويسعد صباح اللي من العـام مانـام
ويسعد صباحـك يامجـدد جراحـي=يامشعل جمر الغضـى تحـت الآلام
كان الصبح بسمـه تعطـر مراحـي=وصار الصبح خنجر طعن صدر الأيام
الجرح طاغي والصـدر فيـه باحـي=والعمـر يسرقنـي وتسكنـي أوهـام
الدمعه اللـي حرهـا حيـل فاحـي=شفها بخدي ثايـره صـار لـه عـام
يعني صرخت وقلبـي اليـوم ناحـي=طعنة غلا مالـي بهـا أيـة أحكـام