سجل دخولك للمنتدى ببيت شعر اعجبك

[صالح العرجان]

الـــحـــمـــالــــي:

إتجـر وخلـك داخـل المحـدود
لا تصـرف الـدولار باللـيـره

وإن كان هبت بك هبوب النـود
سلم علـى الحـرّاب ومشيـره

----------

[صالح العرجان]

بـــــن حـــمـــري:

وسط الرياض وجيرة ابن سعود
ماهيب جيـرة مسكـب البيـره

كم قلت لك دون الرصاص حيود
يا جاهل النعمـان فـي الحيـره

-----------

[صالح العرجان]

الـــحـــمـــالــــي:

الليل في وضح النقـا المجـرود
يـا صاحبـن كثـرت معاذيـره

ياشعيل باقـي لـك ثـلاث ردود
ويصير لـك رحلـة وتسفيـره

-----------

[صالح العرجان]

المشاركه رقم 10000 بعون وتوفيق من الله ؟!


/
/

بـــــن حـــمـــري:
وضح النقا في الليل ؟ ذي منقود *** راحت على ( نـوّاز ) كشميـره
امّا سوالف خبـش مابـه فـود *** ولاّ ابن برمـان اخلفـه طيـره

----------


الـــحـــمـــالــــي:
العلـم جابـه حـاوي ومـردود *** وانت إلتمست وصابتـك غيـره
ما قدمـك إلا ريعـك المسـدود *** ومن خلف شبينـا لـك النيـره


----------


بـــــن حـــمـــري:
ادبل حمول الغـزو يالمضهـود *** ما ينفعـك فـي العلـم تزويـره
يحميك قولـة ضلعنـا الممـدود *** تذبـح مناهيـلـه مناصـيـره

------------


الـــحـــمـــالــــي:
إن راحت علومك سهود مهـود *** بانـت عليـك وجالهـا سيـره
وإن كانها راحـت لعـاد وهـود *** الـعـود غالـيـةٍ مكاسـيـره





وسلامتكم يا السامعين ؟!

[سعود العواجي]

ابيات قديمه ..

من عقب مادست شرع الحب بااقدامك = ماعدت ولفي وأنا ماعدت لك ولفك
تدري بأن الذي يخون قدامك = أفضل من اللي يخون الحب من خلفك !!

[صالح العرجان]

وش تسوي لو عشقت انسان ماهو من نصيبـك
لا لك بهالوضع يد .. و لا له بهالوضع سبه !!


وشهو ذنبك لو غدى من بين خلـق الله حبيبـك
تعرف إن قربه محال .. و قلبك مصمم يحبه ؟!

[صالح العرجان]

كن كل عيون خلـق الله عيـون ٍ لـه تذيبـك
تنثر احساسك جمر ملح وْعلى جرحك تصبـه


و اللي كاسر ظهر قلبك و بشقا الدنيا مصيبـك
عارفٍ بانّك تحب .. و ما يعَرْف انّـك تحبـه