"كـــــثر الغموض.. اللي سكني وضوحــــــــــــي"

[غموض الشمال]

نص تفاجأت به بأحد المنتدايات
واتشرف بوجوده في مدونتي للشاعر القدير// سليمان السلمي

عندما شاهدت مادونته الاخت الغاليه (غموض الشمال)
اتضح لي مامعنى ذلك الغموض وقرأت سطور لم يقرأها غيري
وفهمت...ماتخبيه ..تلك المعاني
وبكوني اعمل في الاعلام..شاهدت الكثير
ولكن لم يؤثر بي كماهو ذلك الغموض

فكانت هذه الخاطره السريعه

ياغموض الشمال الحزن ماله وطن=اضحكي جعل ربي يسعد اهل الشمال
لاتهزك جروحك لو عليك كثرن=شابهي في ثباتك نايفات الجبال
دنيتك ماتجينا بالتمني ولن=ينعم بظلها من كان فوق الظلال
امسحي من سنينك ذكرياتن مضن=وسافري من مرارة واقعك للخيال
ليه ياختي حروفك بالعذاب اكتسن=ونزلن دمع شاعر فوق خده وسال
للفرح في حروفك وردتين اذبلن=مرهن غيم صيف ولاسقاهن زلال
وحظ طفله رماها والزمن مايحن=ولانفع معه طيب ولايجي بالقتال
داهمتها المصايب وكبرت وكبرن=لين صار الغموض بأسمها اصعب سؤال
في كفوفك كتاب وشعر فن ووزن=وفي عيونك مدينه هزها الاحتلال
عيشي احلام عمرك لو طموحك يون=وقاومي هالتعاسه دون كلمة محال
من يوجه ركابه بالطريق اوصلن=ومن نوى للسعاده قام شد الرحال
انتي اختي بقلبي لاجفاك السكن=ودام اخوك "السفير" الحزن ماله مجال
لي ثلاثة خوات ومع غموض اكملن=صاروا اربع خوات وياحلات الكمال

[غموض الشمال]

ياقلب هون عليك الهم والضيقه=لابد ماتنفرج من بعد الاياسي
تنسيك الايام حلمن صعب تحقيقه=وتنسى مع الوقت من ذكراك متناسي
لو كان لوعة فراقه شي ماطيقه=وفرقاه نست عيوني لذ الانعاسي
حرام لجله ماهل الدمع واريقه=لو ضاق هالكون وضاقت معه الانفاسي
ماهمني صدته وان زاد تشويقه=اليوم قلبي صخر من شدته راسي

[غموض الشمال]

[غموض الشمال]

غلطانه ارجي من ورى قسوتك لين=وحنان ماشفته معك من عرفتك
قلبك حجر ومغلفه طبعك الشين=لافاهمن وش غايتي ولافهمتك
جرحك كبير وصدمتي فيك ضعفين=قتلتني بيديك واليوم عفتك
دمرت منزالك بوسط الشرايين=معميني الله توي اليوم شفتك
من عقب ماهو مسكنك داخل العين=شفني من افكاري وقلبي حذفتك

[غموض الشمال]

يارب منك العوض فيما فقدت وذهب=تجبر عزا النفس فيما منك يرضيها
وتعيضني بعد ماذقت العنا والكرب=وتزيل عني همومٍ قمت ماحصيها
ولا تشمت بي اعدائي وتفرح عرب=تبحث عن اخطاء شخصي ماتدانيها

[غموض الشمال]

خلوني اسلى عن التفكير وعلومه= واصد وانسى تفاصيل اول العامي
يومه يجي لي غلا والروح مغرومه=اجيه كلي ويجي لي مندفع ضامي
افرح بوصله واحيي لحظة اقدومه=واحس باشواق قلبه والوله حامي
مافرقتنا ظروف الوقت واحكومه=مايحتمل غيبتي او بعد الايامي
واليوم معيه ولكن منه محرومه=عني تكبر ولا احساس الوله لامي
اكبر غلط شايفه وعليه مالومه=ان الوصل اعتبرته اكبر احلامي
خلاص يانفس بعد اليوم محشومه =والله ماذلك غلا لو هو على اعدامي
اوعدك الاشواق وسط القلب مكتومه=ولاتنقري لو ذبحتك شوق وهيامي
خلاص باسايره واضحك ولا الومه=حتى تموت المشاعر موت الاكرامي

[غموض الشمال]

البرد ماهو برد الاجساد يانوف=الزمهرير اللي بقلبي احسه
هذا البلا صقيع في داخل الجوف=ماله دفى لو الجمر به ندسه
يانوف قلبي صار للهم معسوف=كل الهموم الغايبه جت تعسه
لاتشمتين بحال من طاوع الشوف=ماكل من جاله غلا قام جسه
لو ان مايخفي لنا الوقت مشيوف=او (عندنا من غيب الايام رسه)
نقدر على ماقيل نمشي بلا خوف=والادمي مصلوح نفسه يحسه