سجل دخولك للمنتدى ببيت شعر اعجبك

[صالح العرجان]

صاحـبـي للبـعـد صـاحـب .. فـتـنّـي منـطـقـه
.....بـــارعٍ مـايــوم جــنــب مـداهـيــل الــصــواب

جمـسٍ احمـر .. كــن ربٍ خـلـق مــي خْلـقـه
.....صاغهـا مـن نهـر فضـه .. وصاغـه مـن عـذاب

احـمــرٍ حـمــرة خـــدود الـهـنـوف الـمـطـرقـه
.....مـيــر فـعـلـه فـعــل قـــرمٍ عـصــيٍّ مـايـهـاب

فـي سكـونـه قـلـبٍ ابـيـض وعـيـن مْغـورقـه
.....وفـجنـونـه طـيـشٍ اورق عـلـى دمـــعٍ يـبــاب

مقـبـلٍ كـنـه .. مــن الـــدم .. قـطــره بْـورقــه
.....مدبـرٍ كنـه .. علـى الظـن .. دلـوٍ فـي سـراب

سـاطــعٍ.. كــــن الــبــروق بْـنـحــره مـعـلـقـه
.....هـــادرٍ كـنــه.. يــزايــم مــراويــح الـسـحــاب

والله انـــي لاهـمـزتـه.. وجـــت لـــه رقـرقــه
.....خـلـت .. بـقـزوزه .. عبـيـدٍ تـرامـى بـالـحـراب

وان نخيتـه.. فـزّ واقبـل.. تقـل.. فـيـه شْفـقـه
.....مــدركٍ لـيـه انتخيـتـه عـلــى عـــوي الـذيــاب

كل ماشافـت.. عيونـي.. لهـا.. شـيّ.. فْهقـه
.....لين صرت احسب عيوني .. دعاوي بالذهاب !

مـنـدفــع كــنــه .. يــفــج الـحـمــاد ويـرتـقــه
.....طايشٍ.. كم تاب.. واخطا.. ولا اخطا.. ثم تـاب

كــن الارض اوحــت شياطينـهـا.. المتسلـقـه
..... للسمـا.. والجمـس كنـه تداركهـا.. شْـهـاب

/
/
/

[شمــــــــوخ]

::

::

ما أدري ويـش اللي في كلامـــك خنقنـــي ..؟
كنـك بكل حبــال صــــــــــــوتي تعلقــت ..

كتمــت صــــوتي لين صمـــتي نطقنـــــي ..
وعتمــت شــــوفي ليـن بالقلــب بــرقــت ..

في حــزنــي اللي لو ملكتــه عتقنـــــــي ..
وفي طبعــي اللي لو فشلتــه تفـوقــــت ..

أنــا كـــــــــذا من يــوم ربي خلقنــــــي ..
ما أعــرف أوســـع خاطــري لا تضـايقت ..!

::

::

[صالح العرجان]

للمبدع والمتالق


مطلق النومسي !!



علمني ان الصبر للمظلوم زيـن
وعلمته ان الظلم مـن ظلاّمتـه

وعلمني ابعد عن عيون الطامعين
وعلمته عقالي يحشـم عمامتـه

وعلمني استنشق اريج الياسميـن
وعلمته الغصن وطرف حمامتـه

وعلمني اكتب مع فراقه جملتين
طلب من البحرين ليـا منامتـه

من شجرة التفاح ابـي تفاحتيـن
ومن راعي التفاح ابي سلامتـه



تفــاحتيـــن !!

[صالح العرجان]

هذا الجسد من يوم ميـلاده
وانا معـه عيـا يجافينـي

سالتني : لا اكون انا بلاده؟
جاوبتني : ياغربته فينـي

احيان احسـه كلـه زيـاده
واحيان احسه مـا يكفينـي

واحيان لا صار التعب عاده
احسني من بعد انادينـي :

لولا الجسد ماخلقت وسـاده
ولا لمست البـدر بيدينـي

ولا ركعت بصدر سجـاده
حتى شعرت اني على ديني ....!!

[صالح العرجان]

***



وشلون ابلقى للجسد معنـى سـوى انـه طيـن
لو ضاع مني في الـدروب ابقـى انـا كلـي

ياما شعرت اني معه في كـل درب .. اثنيـن
وياما شعرت انه معـي لاجـل التقـي ظلـي

كم قلت له : في هالطريق الصعب نمشي وين؟
كم قال لي : هي رجلك اللي تمشي او ..رجلي ؟


***

[صالح العرجان]

علموني كيف اب...اقرا والمصيبه
اجبروني في دفاترهم وش اقرا :


صبح ذابل يشبه اجفـان الحبيبـه
ليل خامل يرتكي في حد صحـرا



/
/
/

[صالح العرجان]

حاسـدٍ ومــا حـسـد
في ناظري كـود العمـى

.. ارض بـور ولا بعـد
..هالارض الا قول ما..

للفتـى لامــن سـجـد
..غفران من رب السمـا

دام الارض اللي حصـد
..منها عمـر فيهـا نمـا

تيه لـو صيـغ الجسـد
..كان امسوا الناس : الدما

وامس عن غيـري نشـد
دفتـر حنيـن وكلمـا..

حـس بالغربـه حـشـد
.. صوتي على سمع الظما

كيـف انـا بـلا بلـد؟
..او لا بلد انـا : لمـا؟

/
/
/